كرسي الاعتراف

انا هسأل وعلشان انتى بنت مسموحلك ان السؤال اللى تحسى انو تدخل فى حاجات متخصش حد فى المنتدى متجوبش عليه بس تقولى تحته



ايه اكتر موقف حسيتي فيه بالظلم اوى وكان نفسك
حد يقف معاكى وملقيتيش حد جنبك؟؟؟؟


توجهى لمين الجمل دى


-انت دايما صح

-انتى اعز واحدة عندى
-اسفة
ظلمتك كتير
-خنقتيني


ربنا يطول فى عمرك


ايه اكتر حاجة عاجباكى فى الكلية واكتر حاجة
مضايقاكي؟


ايه اقرب موقف محرج تعرضتي ليه؟


هل انتى شايفة نفسك بنت جريئة وقلبك جامد ؟

انتى بتعيشى دور طفوله؟ ولو بتعشيه
حاسة ان ورا دور الطفولة اللى بتوريه للى
حواليكى واحدة جد اوى ؟
بتتعصبى ؟ ولو اه عصبيتك وحشة ؟ وايه بالظبط
اللى يخليكى تقولى لا بقى كدة كتير وتبقى واحدة تانيةو شريرة ؟


متمردة ؟
ثقتك بنفسك عالية متوسطة منخفضة
من وجهة نظرك وكما يراكى الاخرون
اتخدعتى ف ناس قبل كدة ؟ ولو اه هل
اخدتى قرار معين بعد كدة بخصوص تعاملاتك مع الناس ؟ بتعرفى تكرهى ؟
اكتر
فئة من الناس تكرهيهها ؟
اكتر فئة من البنات بالذات تكرهيهها ومش ممكن
تتعاملى معاها ؟
لو اتخانقتى من حد تدوسى على نفسك وتعامليه ولا تقطعى
علاقتك بيه وتقولى وانا ادوس على نفسى ليه ؟
كلمة ف ستين داهية بتعرفى
تقوليها كتير ؟
التهديد بياثر فيكى ؟
وانتى بقى بتهددى كتير ولا
متحبيش الاسلوب ده؟
النقد حاجة تضايقك ؟ ولو لا تقدرى تتحمليه لاى مدى ؟
ايه
اقصى طموح ليكى بشان الدراسة ؟


اكتر ماده بتكرهيها ايه؟؟



ايه رايك ف الكليه ونظامها؟؟


ايه رايك ف اللي بيقول بنات هندسه مسترجلين؟؟ومتفهمنيش غلط مش انا اللى بقول


مين اقرب انسان ليكي؟؟


مين اقرب انسانه ليكي؟؟


تحبي ان زواجك يكون تقليدي ولا عن حب؟؟


ايه شخصيتك ف كلمه؟؟


لو بقيتي رئيس جمهوريه ايه
اول حاجه تعمليها؟؟

ايه الحكمه اللي انت ماشيه بيها ف حياتك؟؟

انتى اكيد متابعه كرسى الاعتراف من الاول انا تابعتو متأخر من وجهة نظرك مين العضو
اللى اسئلته بتيجى فى الجون
اللى اسئلته بلى معنى او هدف
اللى اتبهدل فى الاسئله
الرخم فى الاسئله

يارب مكنش انا الرخم وربنا يستر

متظبطة يا بيبو
علشان تقولي عليا طفقولية تانيه

يا ناس يا ناس


مين ده الي ما يعرف دودو
وعلى الهوا بنحبك يا بيبو

(¯`v´¯)a7med.3zz(¯`v´¯) كتب:

والله بصراحة انا كنت ناوي اسأل بس انتي اساسا لما تخلصي الاسئله دي يكون الاسبوع خلص
وكمان الناس قايمه بالواجب وزياده
الكرسي نوررررر يا بيبوووووووووووووو

ولا يهمك يا بش مهندس
علشان خاطرك البش مهندسه تقعد ع الكرسي اسبوعين هههههههههه

بصراحة انا كنت ناوي اسال كتير بس الاخوة الاعاء قالو كل حاجة حتى السياسة اسامة مرحمهاش
بس في سؤالين كده على الماشي

ايه اسعد عام عشتيه ؟

ايه اسوء عام عشتيه ؟

ايه اكتر موقف حسيتي انك خايفة فيه ؟

[quote="mado"]انا هسأل وعلشان انتى بنت مسموحلك ان السؤال اللى تحسى انو تدخل فى حاجات متخصش حد فى المنتدى متجوبش عليه بس تقولى تحته
اوك



ايه اكتر موقف حسيتي فيه بالظلم اوى وكان نفسك
حد يقف معاكى وملقيتيش حد جنبك؟؟؟؟
بصراحه انا حسيت بالظلم فى نتيجه الترم الاول جدااااااااااااااااا كنت بتمنى اجيب جيد ج لكن اتظلمت فى الاستركشر والبلدينج اوى لكن الحمد لله طبعا ده نصيبى
بس ده اكتر موقف حسيت فيه انى مظلومه


توجهى لمين الجمل دى


-انت دايما صح
مفيش حد خلقه ربنا معصوم من الخطأ وكلنا بنغلط

-انتى اعز واحدة عندى
اصحابى طبعا كلهم بلا استثناء
-اسفة
اى حد غلطت فى حقه او اسأت الظن به
ظلمتك كتير
لانى مش بحب اتظلم مش بحب اظلم حد
الحمد لله مفيش حد
-خنقتيني
بنت معانا فى الدفعه


ربنا يطول فى عمرك
بـــــــــــــــــــــــــــابــــــــــــــــــــا


ايه اكتر حاجة عاجباكى فى الكلية واكتر حاجة
مضايقاكي؟
معتقدش ان فى حاجه فى الكليه حلوه لدرجه انى اقول عليها اكتر حاجه عجبانى
كله محصل بعضه
واكتر حاجه مضايقانى فعلا وبتستفزنى بعض البنات اللى نسوا نفسهم وناسين انهم المفروض فى حرم جامعى
واسفــــــــــــــــــــــــــــــــــاه

ايه اقرب موقف محرج تعرضتي ليه؟
امبارح كنت مروحه وراكبه العربيه وفى موبيل رن ومفيش حد بيرد والموبيل بيرن كتييييييييييير
وكل واحد بيبص للتانى وانا اتخنقت وصدعت المهم واحد قال يا جماعه كل واحد يشوف موبايله كلهم شافوا الا انا لانى متاكده انه مش انا لان دى مستحيل تكون رنتى ابدا
كلهم شافوا ولسه الموبيل بيرن وواحد قالى يا انسه شوفى موبيلك اتنرفزت عليه وقولتله مش انا قالى طيب شوفيه مش هتخسرى حاجه

طلعت الموبايل من غير ما اشوفه حتى وقولتله اتفضل مفيش حد تفتكروا قالى ايه
ردى يا انسه ع ساره

دى كانت صاحبتى الللى بتتصل بيا

وده طبعا لانى غيرت الرنه ونسيت خالص

هل انتى شايفة نفسك بنت جريئة وقلبك جامد ؟
لا

انتى بتعيشى دور طفوله؟ ولو بتعشيه
حاسة ان ورا دور الطفولة اللى بتوريه للى
حواليكى واحدة جد اوى ؟
لا مقدرش اقول انه دور طفوله لكن بعض الناس تفتكر ان انا كل حياتى ضحك ومرح ومش باخد الامور جد
لكن انا طبعا مش كده اكيد كلنا بيقابلنا مواقف تحتم علينا الجديه
بتتعصبى ؟ ولو اه عصبيتك وحشة ؟ وايه بالظبط
بحاول بقدر الامكان ان مش اوصل لدرجه العصبيه اللى تخلينى اندم ع فعل عملته وقتها
اللى يخليكى تقولى لا بقى كدة كتير وتبقى واحدة تانيةو شريرة ؟
لما اعرف ان حد بيتكلم عليا كلام مش كويس
ولمجرد انى اكتفيت فقط بالتلميح لغضبى افتكر انى ضعيفه وليس لى امكانيه التصرف ولم يهمه واستمر فى الكلام عليا


متمردة ؟
لالالالالالالالا
ثقتك بنفسك عالية متوسطة منخفضة
الحمد لله عاليه

من وجهة نظرك وكما يراكى الاخرون
اتخدعتى ف ناس قبل كدة ؟ ولو اه هل
اخدتى قرار معين بعد كدة بخصوص تعاملاتك مع الناس ؟ بتعرفى تكرهى ؟
اه اتخدعت فى واحده وثقت فيها وللاسف لم تكن اهلا لتلك الثقه
لكن تعاملى مع الناس مش اختلف كتير انا دايما بقدم حسن النيه فى التعامل
مش بحب اقدم سوء الظن فى البدايه
وبالنسبه لموضوع الكره
الحمد لله انا عمرى ما كرهت حد يمكن فى ناس مش بحبها لكن مش لدرجه الكره
حتى لو الناس دى اذيتنى فى يوم من الايام عندى ثقه كبيره بربنا انه قادر ينصفنى لو انا مظلومه
لكن مش بحب اكره حد


اكتر
فئة من الناس تكرهيهها ؟
الناس اللى كل اللى يهمها فى حياتها سيره الاخرين
والناس المنافقه اللى اول حد هما بينفاقوا عليهم انفسهم ذاتها
اكتر فئة من البنات بالذات تكرهيهها ومش ممكن
تتعاملى معاها ؟
البنات المغروره والانانيه
لو اتخانقتى من حد تدوسى على نفسك وتعامليه ولا تقطعى
علاقتك بيه وتقولى وانا ادوس على نفسى ليه ؟
لو كان حد يهمنى اوى لا لازم استحمله لان دى هتكون مجرد فتره من الوقت وهيرجع تانى شخص كويس
لو مش يهمنى مش هيفرق معايا كتير استمرار علاقتى بيه
كلمة ف ستين داهية بتعرفى
تقوليها كتير ؟
لالالالا عمرى ما قولتها
التهديد بياثر فيكى ؟
احيانا اه
وانتى بقى بتهددى كتير ولا
متحبيش الاسلوب ده؟
لا مش بعرف اصلا اتبع الاسلوب ده
فى ناس بارعه جدا فى اسلوب التهديد لكن انا لا الحمد لله
النقد حاجة تضايقك ؟ ولو لا تقدرى تتحمليه لاى مدى ؟
ايه
لا بالعكس مش بيضايقنى خالص انا بحب لو عملت شئ وحد اعترض عليه وانتقدنى بحب اسمع وجهه نظره ونقده فيا
لو اقتنعت بيها بصلح من نفسى لو حسيت ان الكلام مش مقنع هكون احترمت رايى الناس فيا لمجرد انى انصت له
اقصى طموح ليكى بشان الدراسة ؟
اتخرج واشتغل ويكون لى شأن فى مجتمعى وشغلى

اكتر ماده بتكرهيها ايه؟؟

الفلود

ايه رايك ف الكليه ونظامها؟؟
مكرر

ايه رايك ف اللي بيقول بنات هندسه مسترجلين؟؟ومتفهمنيش غلط مش انا اللى بقول

لا طبعا مش صح
والدليل ع كده انهم لو كده فعلا يبقا بنات مجرد من المشاعر والاحساسيس وانا مش شايفه كده خااااااااالص
ممكن طبيعه شغلهم بالنسبه لبنات مدنى تحتم عليهم بعض الاوقات انهم يكونوا جافين شويه فى المعامله حتى يقدروا يتقالموا مع طبيعه شغلهم
لكن مسترجلين دى لا طبعا فى زوجات وامهات مهندسات ما شاء الله ناجحات فى بيوتهم
مين اقرب انسان ليكي؟؟
ممكن يكون بابا

مين اقرب انسانه ليكي؟؟
بنت عمتى واصحابى

تحبي ان زواجك يكون تقليدي ولا عن حب؟؟
الله المستــــــــــــــــــــــــــــعان

ايه شخصيتك ف كلمه؟؟

واقعيه 50%
عاطفيه 50%
لو بقيتي رئيس جمهوريه ايه
اول حاجه تعمليها؟؟
مكرر
ايه الحكمه اللي انت ماشيه بيها ف حياتك؟؟
لسانك حصانك..........ان صنته صانك وان خنته خانك
انتى اكيد متابعه كرسى الاعتراف من الاول انا تابعتو متأخر من وجهة نظرك مين العضو
اللى اسئلته بتيجى فى الجون
حضرتك ما شاء الله عليك اسئلتك تمام
اللى اسئلته بلى معنى او هدف
لا طبعا مفيش حد
اللى اتبهدل فى الاسئله
كان صعبان عليا البشمهندس رضوان
دلوقتى صعبان عليا حااااااااااااااااااااالى
الرخم فى الاسئله

يارب مكنش انا الرخم وربنا يستر
رحم الله مرءا عرف قدر نفسه
[/quote

eng/sayed كتب:

ولا يهمك يا بش مهندس
علشان خاطرك البش مهندسه تقعد ع الكرسي اسبوعين هههههههههه[/quote]

لالالالالالالالالالالا متهزروش
هو علشان ترضيه هو تتعبنى انا

[quote="eng. heba"][quote="mado"]
الرخم فى الاسئله

يارب مكنش انا الرخم وربنا يستر
رحم الله مرءا عرف قدر نفسه
[/quote[/quot

احسن حاجه اعملها انى اسكت
وبعدين انا افهم من كده انى مسألش تانى
بس انا هسأل بقى رخامه

اه نسيت اقولك انى داخله مخصوص علشانك

هو ده الشغل
الله ينوررررررر عليكم

معلش ياباشمهندسه هرخم عليكى شزيه كده اصل الرخامه عمله تزن عليا
ايه اكتر موقف حسيتي نفسك غبية ولومتي نفسك
كتير؟


امتى حسيتي انك ملكيش لزمة فى الدنيا؟على فكرة
والله مش باشتم انا باسال عادى


تدى للصفات التالية فيكي نسبة اد ايه
النفاق
الكدب
الخداع
الخبث
الانطواء
الطيبة
الحنية
الوفاء


قوليلنا اسم كتاب بتحبيه؟


احكيلنا على موقف مضحك؟


احكيلنا على موقف من طفولتك المشردة
ههههههههههه


لما تكونى مخنوقة بتعملى ايه


مين اكتر حد بتثقى فيه؟


تتمني يرجع بيكي الزمن اد ايه وعلشان تعملى
ايه؟

احكيلنا عن موقف كنتي فخورة فيه بنفسك وحاسة
انك عملتى حاجة


ايه اول حاجة بتعمليها اما تفتحى النت؟


ايه اكتر حاجة مش بتحبيها فى المنتدى؟؟؟


امممممم حجيبلك شويه عبارات و تقولى رأيك فيهم
او هل بيعبروا عنك او لاء على حسب الجمله
- فى ناس اتولدت عشان تكون
أسم على قبر

- التشاؤم يجعل الحياه سلسه من المفاجات الساره -
فى
حياه كل منا اشياء ثمينه جدا , لكنها تجعل الاخرين يتهموننا بالتفاهه او
الضحاله او الجنون اذا عرفوا بها , و نتهم نحن بالغباء و تبلد المشاعر
عندما يبدون سخريتهم ..

- إن الغرور
يتسلل إلى قلبب المرء كما يتسلل الحقد و النسيان و الكوليسترول ... دون ان
يدرك هذا , و لو سألت الف انسان عن عيوبه لقال لك .. عيوبى أنى أثق فى
الناس أكثر من اللازم و اننى صريح أكثر من اللازم ..

- كل خوف
الانسان فى هذا العالم هو خوف من المجهول .. لهذا يخشى الناس الظلام أو
أعماق البحر او المنازل القديمه .. بل و حتى المستقبل ..

- إننا
أطفال خالدون .. كلما تقدم بنا العمر ازددنا طفوله و رفضنا فكره الشيخوخه ,
لكننا نشيخ طيله الوقت , و نموت , و ينسانا اصدقاءنا الاعزاء مهما بكوا
علينا فى البدايه ... هذه هى الحقيقه ..قبولها نضج و رفضها عته .. لكننا -
للاسف - نفضل ان نكون معاتيه عن ان نكون شيوخا ..
- الحياه معلم لا يمكن
وصفه .. و أعتقد أن كلا منا يحوى فى رأسه بطلا و سفاحا و لصا و عبقريا و
مجاهدا .. فقط انت تستدعى هذا الجزء او ذاك ..
- لا شئ كالكتابه يقودك
مباشره إلى الروح .. إن الصوت قد يكذب و قد يحبك الخيال .. لكن الكتابه
تفتح عالما براقا هائلا من السحر و الشاعريه
بصي بقى الجمل دى قعدت
ادورلك عليها فلازم تجاوبى عليها حبيت اخترع سؤال رخم
هههههههههه


مين سماكى هبه؟؟؟؟


ايه اكتر صفة مضايقاكي فى نفسك واكتر صفة
حباها؟


امتي حسيتي بالفشل؟


بتزعلى لو محدش قالك كل سنة وانتى طيبة فى عيد
ميلادك؟


لوكان ليكي حرية اختيار اسمك كنت هتسمي نفسك
ايه؟


عمرك اتطردتي من الفصل قبل كدة؟احكي احكي


ماهو شعورك عندما تسمعى العبارات الاتية :
-
وانا مالى
-انا عبد المأمور
-عيش ندل تموت مستور


جربتى تدخلى المطبخ قبل كدة؟قوليلنا تجاربك
الفاشلة بقىههههههههههههههه


وكفايه علسكى كده علشان كده انا زودتها

اين انتي يا بيبو
اوعى يكون هزموكي باسئلتهم
قدها وقدود يا صحبتي

انا بصراحه مش عارف اسال الا لما دول يخلصوا هي الناس مش بتيجي ليه تجاوب هنعمل زي رضوان ولا ايه
الله معاك

ايه ناويه تدوسى على الاسئله ومتجاوبيش شكلك كده زى ماقال البشمهندس اللى هو بتاع الجيودسيا ده هتبقى زمتك استك