كرسي الاعتراف

تمام
انا موافق ع المدير الشجاع
يلاى يا جماعه اي حد عنده سؤال
والمدير معاه لمده اسبوع يجاوب ع الاسئله ويعد كده يختار واحد

بسم الله البدايه ع السريع
وان جهزت سألتي:-
وهبدأ

1-لو حبيت تكلم عن نفسك
في سطرين هتقول ايه ؟
2-ايه الي خلاك تفكر تعمل المنتدى ؟
3-راضي عن
المنتدى ولا في حجات في بالك لسه ما عملتهاش؟؟
4- اكتر حاجة ممكن تنرفزك
؟
جااوب يا بش مهندس ع السريع مش عايزين اجابات دبلوماسيه هههههه
عندنا جهاز كشف الكذب

هو مفيش غيرى ولا ايه ؟؟؟؟

دخلتونى قبل كده ف مصيدة المنتدى

والنهارده الكرسى

اعمل فيكم ايه يعنى




-لو حبيت تكلم عن نفسك
في سطرين هتقول ايه ؟

مش بحب اتكلم عن نفسى بس عادى يعنى انسان عادى بحب الصراحه المطلقة بحب اتعلم حاجات ف مجالات كتير مش بحب الكدب والخيانه يعنى كفايه كده

2-ايه الي خلاك تفكر تعمل المنتدى ؟


والله فكرت يكون فيه مكان يجمع كل مهندسين مدنى لاننا
كلنا نفس التخصص ويبقى عام للدفعات كلها ولما نحتاج حاجه من بعض نلاقيها
لان زى مابيقولو كده طريقنا واحد وكمان يبقى الملتقى بتاعنا بعد التخرج
ونقدر نساعد الطلبه الصغننين مش عارف هيتحقق ولا لا بس انا هعمل اللى عليا

3-راضي عن
المنتدى ولا في حجات في بالك لسه ما عملتهاش؟؟

اكيد الحاجات كتير ان شاء الله احنا لسه فى البداية

4- اكتر حاجة ممكن تنرفزك

اللى يغلط وميبقاش مقتنع انه غلطان

كل اللى يسأل يخلى باله من نفسه ومن الترقيات ماشى
ههههههههههههه
متخافوش بهزر طبعا قولو كل اللى نفسكم فيه بس ابقو استنو اسألتى بقى

شكررررررررررررررررررا يا بش مهندس

بصراحة منور الكرسي


يلا خد دول ع الخفيف كدة

امتي نزلت دمعتك ؟؟
شعورك ايه كدة وانت ع الكرسي؟؟
مبسوط انك جيت ولا عادي مش فارقة معاك؟؟
نفسك مين ييجي بعدك ع الكرسي؟؟
اول سنة دخلت فيها نت عامة كدة كانت امتي؟؟

امنيتك ف الحياة ؟؟
بتفكر توصلها ازاي؟؟
لو اقرب حد ليك خانك ايه هيكون رد فعلك معاه ؟؟
هواياتك ايه ؟؟
لو انت مش ميدو تتمني تبقي مين ؟؟
ايه اخر حاجة عملتها وندمت عليها ؟؟

[size=25]مين اقرب انسان اليك؟

ما معنى الصداقه فى وجه نظرك؟وهل تستطيع ان تعيش بدون اصدقاء؟

متى يقسو قلبك؟

مين الانسان اللى عمرك مترفضله طلب؟

متى تخجل من نفسك؟

فى زمن البحث عن الماده ..............متى تبحث انت؟

ما هو هدفك بالحياه؟


لو تفاجئت بخيانه شخص عزيز عليك كيف يكون تصرفك معه؟؟



اعضاء تعجبك كتباتهم وقل رائيك فى اجبياتهم وسلبياتهم؟؟

ا
كتر حاجه عجباك فى المنتدى واكتر حاجه بضيقك؟؟
[/size]


يا رب الكرسي يكون مريحك

هو دا الشغل يا بش مهندسه هههههههه

امتي نزلت دمعتك ؟؟
بعد نتيجة 2 ث بس فرحت بعد 3 ث
شعورك ايه كدة وانت ع الكرسي؟؟
محتاج عصايه عشان اللى يسألى اضربه
مبسوط انك جيت ولا عادي مش فارقة معاك؟؟
مبسوط جدا والاسئله محرجه جدا
نفسك مين ييجي بعدك ع الكرسي؟؟
حضرتك طبعا عشان اخد حقى
اول سنة دخلت فيها نت عامة كدة كانت امتي؟؟
2002
امنيتك ف الحياة ؟؟
اكيد ابقى مهندس جامد وناجح وحاجه تانيه
بتفكر توصلها ازاي؟؟
بحاول اعمل اللى عليا والباقى على ربنا
لو اقرب حد ليك خانك ايه هيكون رد فعلك معاه ؟؟
عادى جدا بس الدنيا هتتغير خالص
هواياتك ايه ؟؟
كرة القدم طبعا بس دلوقتى مش لاقى وقت العب والكمبيوتر
لو انت مش ميدو تتمني تبقي مين ؟؟
ومين قالك انى ميدو
متعب
ايه اخر حاجة عملتها وندمت عليها ؟؟
مش عارف والله
مين اقرب انسان اليك؟
اصحابى
ما معنى الصداقه فى وجه نظرك؟وهل تستطيع ان تعيش بدون اصدقاء؟
الصاقة حاجة ضرورية جدا ومن غيرها الحياه ممكن تبقى ممله وصعبه
متى يقسو قلبك؟
لما يتجرح
مين الانسان اللى عمرك مترفضله طلب؟
لازم يعنى ... هو عارف نفسه
متى تخجل من نفسك؟
لما معملش حاجه كانت لازم تتعمل لحد والاقيه هو اللى سبق وعملها
فى زمن البحث عن الماده ..............متى تبحث انت؟
اول ما اتخرج علطول هبحث ف الخليج ... لو لينا عمر
ما هو هدفك بالحياه؟
ان الواحد يرضى ربنا ويموت وهو راضى عنه

لو تفاجئت بخيانه شخص عزيز عليك كيف يكون تصرفك معه؟؟
سؤال مكرر


اعضاء تعجبك كتباتهم وقل رائيك فى اجبياتهم وسلبياتهم؟؟
كل الناس اللى بتشارك معانا زى الفل

اكتر حاجه عجباك فى المنتدى واكتر حاجه بضيقك؟؟
اكتر حاجه عجبانى ان الناس الموجوده كلهم مهندسين المستقبل ومثقفين وعندهم روح التعاون
وعاوز اقلكم بس ان اى حاجه مشترك فيها اكتر من شخص لازم هيبقى فيه اختلاف فى الرأى لان كل واحد بيفكر بطريقة مختلفة
وفى الاخر لازم حاجه واحده اللى بتتعمل
يعنى لازم فى المنتدى يكون فيه تقبل كبير للاؤاء الاخرى عشان العجله تمشى وربنا يوفقنا جميعا

لا وحيات ابوك اسكت هو ده اخرى

هههههههههههههههه
ايه ده مش تقولوا كنت احضر اسئله عموما شويه واجهز كده بس اروق
ده المدير ياناس

لا والله عادي
بس المشكله اني اليومين دول مخنوق ع الاخر مش عارف اعمل حاجه

ليه محدش بيسال
؟؟؟؟؟؟؟؟
ما تخفوش انا وراكم هههههههههه

شيخ المهندسين كتب:

انا بقى نفسى ازنقك يا بشمهندس سيد انا بحضرلك الاسئله جهز الاجابات بقى لان الكرسى هيبقى ضيق عليك

ليه بس يا عم الشيخ
انا غلبان وبحبك

معاك اخر يوم بكره يا مدير وتختار واحد

ايه النوم الي بالتوبيك ده مش في حد عارف يظبط المدير بالاسئله ولا علشان كلكم صحاب فخلاص عارفين كل حاجة عن بعض
الاسبوع قرب يخلص والمدير لسه مقمناش معاه باي واجب

هوه ده الشغل ولا بلاش كن لازم اتكلم يعني
ايوه عليكم

لا والله بس هو الواحد الفتره دي بس ملخبطه مش مركز لو كده كنت سالت من بدري
يلا ربنا يصلح الاحوال والمدير يجاوب بقي