سؤال خاص بتدريب المقاولين

يا ريت يا باشمهندسين اي حد قدم في تدريب المقاولين يقولي عمل ايه بعد ما قدم الورقه في الشركة او هيعمل ايه
لاني بصراحة مش عارفه
ولو في حد هيسافر يقدم تاني في الشركة يقول لان في ناس كتير عايزة تقدم بس مش عارفه

وشكرا

يا ريت وانا كمان عايزة اعرف

متاخرين انتوا شويه احنا قدمنا الاسبوع الي فات
بس هسالكم الشباب واشوف مين نازل وهبلغكم حتي في التوبيك ده
وحتي السنه ده التدريب قريب قي بني سويف هنا
يعني مش بعيد
لو انتوا مخلصين الورق من هنا من الكليه
والي ناقص السفر بس للشركه في القاهره
الي هينزل بيكون معاه
الورقه الي خلصهامن هنا
وبيكون معاه علي حسب الاسماء الي في الورقه
80 جنيه للفرد
وبس الشركه هناك بتوزع بقي الطلبه
عموما لما روحنا قالوا الفيوم شمال الصعيد حولنا بني سويف واعطونا العنوان هناك بس هو ده كل الحوار
وبالنسبه لينا هنبدا 4/7

ازاى انا رحت سالت فى الكلية من 3 اسابيع تقريبا قالت التقديم اتوقف خلاص

والله مش عارف
احنا مخلصين الورق بتاعنا بقالنا اكتر من 15 يوم يوم
بس التقديم في الشركه مش فتح غير 15/5
عشان كده قدمنا في الاسبوع الي فات لما فتح التقديم
انما الكليه معرفش حكايه ان اتوقف دي بصراحه

تقريبا ان السنه دى لو انت رايح تتدرب فى مكان قبل مابتاخد اثبات القيد من الكليه لازم تجيب اذن من الجهه اللى انت رايح تتدرب فيها الله الكلام ده صح ولا غلط لانى مش بروح بصراحه
وياريت حد يقولى هو ايه فايدتو تدريب الماقولين ده؟؟؟؟

طب يا جماعه انا عاوز اتدرب في المقاولين في القاهره انما اروح بني سويف لا حرام

انا اتدربت السنة اللى فاتت وبصراحة الناس اللى هناك فى قمة الاحترام ومش بيبخلوا على اى حد باى معلومة والاحسن من دة كلة ان الناس اللى بتشرح هنالك على مستوى عالى قوى مش ذى الصنايعية اللى فى الموقع دة ناس دارسة الكلام اللى بتقولة[b]

طب انا معملتش اى حاجه ينفع اقدم الاسبوع الجاى
وليه كده يارضوان مش عاوز تدرب فى بنى سويف ايه ياعم شم عاوز تنورنا فى بنىسويف ونعملب معاك واجب ولا ايه ؟؟؟

ومالها بني سويف يا جدعان مهي زي الفل كفاية الطريق

على فكرة يا جماعة انتو بتدو لتدريب المقاولين اكتر من حقه انا سألت ناس فاهمة قالولى تدريب المقاولين المهم هو اللي بعد سنة تالتة لأنك بتنزل موقع تشتغل فيه وكمان تقريبا بتاخد راتب طبعا الراتب مش مهم بس انك تشتغل في موقع دى حاجة جامدة اما بقي تدريب السنة دى عادى بالعكس تنزل موقع احسن لك 100 مرة علي الاقل هتقابل مهندسين واستشاريين وتشوف كل حاجة علي الطبيعة ولو قابلتهم مشكلة بيتصرفو ازاى وبيتعاملو ازاى في الموقع وكده يعنى هتستفيد ولا هى لازم تكون المقاولين علشان اسمها او علشان طريقة تدريبها ل طبعا دى مش طريقة تفكير والفيوم فيها مواقع كتير وناس ذوق روح لأى مكتب وهو مش هيقول لأ او ممكن اللى عايز يتدرب يروح للدكتور مجدى اليمانى وده راجل محترم هيوجهك ويقول تروح فين او لمين