اولا مش ظلم خالص ان اخص السؤال ده للشباب
وخصوصا ان كتير اوووووووووووووووى من الشباب
بيكون عارف بنات وعنده فى البيت بيكونوا عارفين
او بمعنى اصح ان القانون السائد فى مجتمعنا عادى ان الولد يعرف بنت
لكن
اللى مش عادى ان البنت هى اللى تعرف ولد وبنكون ليليتها سودة لو حد من اهلها عرف
واكيد مش علشان انك شاب مصرى او حتى العادات والتقاليد هتاخد رد الفعل ده
المفروض فى حاجة عند الرجل بيسموها الغيرة والنخوة
وبخصوص بئى ان ليه اخوها مايحاولش يتعرف على الشاب ده ويعرفوا اكتر
طيب ليه بئى الشاب ده مارحش هو الاول لخوها لو هو بيحترمها وعايز يحافظ عليها وعلى سمعتها بجد
ليه يحط البنت اللى هو المفروض بيحبها فى مجال القيل والقال
اما بئى بخصوص ان البنت بتلجا لحد بره علشان التفكك الاسري والمشاكل
انا عايزة اقول لحضرتك ان مافيش بيت مش بيخلى من المشاكل
كان اولى ليها انها تلجأ الاول لربنا
ثم تشوف حد من صاحبتها بتثق فيه وتحكيله على همومها
واما بخصوص ان البنت المفروض تخاف من ربنا قبل ماتعمل حاجة ذى دى فده اكيد طبعا لازم تخاف من ربنا
بجانب احترامها للبيت اللى نشأت فيه واتربت فيه بجانب احترامها لذاتها
وارجو ان انا اللى ماكنتش طولت عليكم
وعلى فكرة مازال هذا السؤال للشباب وبس
بس ياعنى مافيش مانع انى الاقى ردود من البنات
