مين ندم لدخوله كلية الهندسه بأمانة

روقة كتب:

اولا السلام عليكم ورحمة الله وبركاتة
ثانيا اقولك الحقيقة احيانا كتير بتعدى على الواحد اوقات بيندم انهى دخل فيها كلية الهندسة
من كتر الضغوط اللى احنا بنكون فيها وخصوصا كمان واحدة ذى بتسافر كل يوم فبشوف ايام مايعلم
بيها غير ربنا
بس فى الاخر لما الواحد بيشوف نتيجة تعبة بيفرح اوى اوى اوى
وكمان بفكر فى صحباتى اللى قابلتهم فى الكلية وبقول لنفسى لو مادخلتش هندسة كنت مش عارفهم!!!!!!1
علشان كده اقدر اقولك انى بحب كليتى جدا مهما شوفت فيها
واللى مصبرنى على كده
دعوات ماما ليا
مجهود وتعب بابا
حبى للرياضة
حبى لصحباتى
تعبى فى الكلية والنجاح اللى منتظراه فيها ان شاء الله

ميه ميه
وانا معاكى فى الرأى

مفيش حد بيندم علي حاجة اختارها بس احيانا ساعات الواحد بيتخنق من كتر الضغوط فعلا بس في المقابل بيحس انه ليه رسالة في الحياة وانه بيعمل حاجة ومش زى الناس التانية اللي بيقضوها دلع طول السنة وبيزاكرو اخر اسبوعين وبعدين طالما بنتعب وان شاء الله هنلاقي يبقي مش هنندم لأن من جد وجد ولكل مجتهد نصيب ومفيش حاجة ببلاش

يا جماعة أنا مش ندمانة ده كان حلم عمري يدوب موضوع وبناقشوه وكفايا إني اتعرفت علي أحلي صحاب في التاريخ

soso كتب:

يا جماعة أنا مش ندمانة ده كان حلم عمري يدوب موضوع وبناقشوه وكفايا إني اتعرفت علي أحلي صحاب في التاريخ

شكلك كنتي واخده الموضوع في هزار
بس قلب جد
قلبي معاك

مش مشكلة طالما هنفتح صفحة حوار

ماعتقدش ان فى حد متضايق انه دخل الكليه لانه اكيد كانت امنيه حياته انه يخشها انا مش هاقول انها احسن كليه بس اكيد كل واحد بيبقى طموحه فى مجال معين بس اينعم هاتقابلك عوائق واكيد هايتعب بس الاكيد اللى كل واحد لازم يعرفه انه بيعمل حاجه لنفسه قبل اى حد يعنى يوجد الكثير من الناس فى نفس مجالك بس االى بيذكره الناس هو اللى بيتفوق بجد مفيش حاجه بتحصل صدفه فى حياه الانسان اكيد سعيد انى موجود فى كليتنا رغم انى باتخنق منها فى وقت الامتحانات لما تكون وراء بعضيها بس عموما سعيد بانى موجود فى كليتنا وفى وسط اصحاب جميله ماكنتش اعرفهم لومادخلتهاش وعلى مقد مايتعب كل واحد فيها هايحس بكل ده لما يتخرج ويعرف ان ايم الجامعه احسن ايام عمره ويتمنى لو رجع به العمر ويفضل مع اصحابه على طول


*****سامحونى للاطاله*********************