لكل اللي عايز شرح تصميم الرى

على فكرة الموضوع ده حصري للمنتدى طبعا كلنا ضايعين في جزء الرى اللي بعد الميد ترم اللى هو التصميم طبعا وهو للأسف غاية في الاهمية الاول ده كان لعب بس لكن لما دخلنا الجد لقينا نفسنا مش فاهمين حاجة والبركة في دكتور طارق عمران الله يباركله ده دكتور دمااااااااااااااااااااااغ انا فكرت في الموضوع ده وفكرت في الصالح العام ورحت اتفقت مع دكتور من الدكاترة المحترمة في قسم الري والهيدروليكا واللى نصحنى بيه الباشمهندس محمد بيومى وقالى ده رقم واحد في الري على مستوى الكلية بالنسبة للشرح المهم اتفقت معاه وقالى تحت امرك وحدد معاد مع الدفعة وانا هجيلكم وصراحة طلع راجل محترم وانا ان شاء الله هحدد معاكم المعاد يوم الاربع وابلغه وان شاء الله هنفهم رى يعنى هنفهم ري بس الموضوع ده ودى ويا ريت دكتور طارق ما يعرفش اللى حصل ده
وعلشان الناس ما تعرفش اسمى من المنتدى علشان بس تبقو عارفني
انا زميلكم محمد خالدعلشان اللي عايز يسألنى او يتأكد منى بعد ما يقرا الموضوع

قشطه عليكم ياريس
اينعم خلتنا نيجي الخميس بس هنعديها بس ياريت يتنفذ انا مش فاهم التصميم خالص ومش ذاكرته

اولا يوم الخميس دكتور نبيل اللي قالى اكد علي الناس
ثانيا المرة دى جد ان شاء الله وباذن الله بكرة هتتأكد لما اعلن الكلام ده علي الملأ بس عايز الناس بس توافق وتتفق علي معاد بس مش اكتر

والله موافقين
جدااااااااااااااااااااااااااااااااا
وبعدين بهزر معاك يا محمد ما انا عارف ان الدكتور كان قال والدكتور ايمن اعتذر لظروف خاصه بيه
بس سكشن بيومي مش ليه علاقه بالدكتور بتحدده ع مزاجك
ههههههههههههههههههههه

انا سألت بيومى علي اساس ان علاقتى بيه حلوة قلتله تنصحنى اروح لمين ييجي يشرحلنا رى وهو قالى الراجل يشكر بردو وقالى الدكتور هيوافق وده اللي حصل فعلا

ههههههههه
ياد انا اقصد سكشن الفلود مره تجيبه اربع ومره حد
وبعدين انت مجموعه تانيه
ده انت غريب
[ندعوك للتسجيل في المنتدى أو التعريف بنفسك لمعاينة هذه الصورة]

اولا انا مش بعترف بنظام المجموعات ده اصلا كلنا لازم نعمل للمصلحة
ثانيا وان كنت احيانا لما يكون في حاجة بقول لبيومى ما تجيش وبيغيب فعلا بس هو مش امعة علشان يمشي ورايا يمين يمين شمال شمال المواعيد هو اللى بيحددها بدون اي تدخل منى كل اللى بعمله اقوله انت جاى ولا لأ او ماتجيش النهاردة لو في امتحان مثلا بس كده

ههههههههههههههه
خلاص عفونا عنك
بس انجز بقي في موضوع الري ياريس

ان شاء الله لو اتفقنا بكرة الشرح هيكون بعد بكرة بس لو اتفقنا وما كانتش في الفوضي اللي انت عارفها طبعا وكل اللى في كلمه مضايقاه يقولها

وانا معاكم علطوووووووووووووووووووووووووووووول
[ندعوك للتسجيل في المنتدى أو التعريف بنفسك لمعاينة هذه الصورة]

كده تمام ان شاء الله وباذن الله هنبقي كويسين في الري علي الاقل احسن من دلوقتى لأن فعلا الاغلبية ابيض في الري وانا كمان بس ان شاء الله المحاضرة هناخدها يوم الخميس بعد بكرة بس طبعا بعد محاضرة الدكتور طارق عمران لما يخلص وانا بعتذر لأنى عملت كل حاجة يوم الاتنين حوالى الساعة تلاتة ونص كان كله روح ما لحقتش ابلغ حد وقلت بالمناسبة تكون اول مشاركة ليا فيها خبر حلو وحصري كمان

انا معاكم فى اى حاجه
وشكرا ياجماعه على مجهودكم الجميل ده نفسى اجيب جيد مره واحده قبل ما اموت

فعلا فكره كويسه بس يا رب دكتور طارق ميعرفش حاجة علشان منتظبطش ف الفاينال والري مش ناقص هوه ماده صعبه فمش محتاجة صعوبه اكتر من كده

ان شاء الله ما حدش هيعرف لأن الدكتورطبعا مش هيقول لدكتور طارق وكمان احنا ما وصلش بينا الغباء ان حد فينا يقول لدكتور طارق ده تصورى وبتمنى تعدى علي خير ان شاء الله

توقع اي حاجة من دفعتنا لسه مش في ثقه قوي
ممكن بينا على المنتدى خلاص عرفنا بعض وبنخاف على بعض اما بره المنتدى في شغل مطمنش بصراحه
وانت الي بالمواجهه فيا ريت تاخد بالك كويس من انه ميعررفش حاجة

والله يا باشمهندسة مش فارقة كتير بس انا بعمل للصالح العام وطالما قصدي خير ان شاء الله مش هيحصل ضرر باذن الله لأن مش من مصلحة حد اصلا ان الدكتور يعرف مش انا بس للى هيجيلي ضرر اكيد بردو الفينال هييجي صعب علي الكل

ربنا يستر باذن الله ويجازيك ربنا كل خير

تقريبا الموضوع ده اتلغي انهارده
وكل الناس رفضته
مش عارفين ايه بقي الي هيحصل
الا اذا بشمهندس عبد التواب يشوف البشمهندس الي هيشرح ري انما الدكتور اتلغي اليوم

انا مش فاهم انتو متفقتوش على حاجه النهارده يعنى مفيش حد هيدينا الجزء بتاع التصميم ده مش كان المفروض البشمهندس محمد بيومى هو اللى كنت متفقين معاه انا مش فاهم حاجه