تسجيل الرغبات لتانيه مدنى

جزاكم الله خيرا
لحقت السنه تخلص بسرعه
ربنا يتمها بخير

الموضوع بختصار يعني حسب علمي ولو حد اكبر ممكن يفيد
انشاءات بتتخصص في انشاءات ومباني وتصميم وكده يعني structure
ومشروعك هيكون استراكشر
اشغال عامه بقي ده كتير
طرق وصحيه وكباري وليه مشاريع كتير في التخرج زي الطرق والصحيه
الري بقي ده غني عن التعريف بس هو سدود وترع كل مايخص الماء
بس في الاخر كله بيشتغل كله بعد التخرج
اه ياجماعه ياريت لو حد هنا من رابعه او تالته يقولي بقي الموضوع ده
كل الي اتكلمت معاه وخصوصا بتوع انشاءات قالوا اوعي تدخل انشاءاات موادها مش هتفيدك وكده وكلهم قالولي ع اشغال عامه ياريت حد يعرفني بقي الموضوع
لاني محتار جدا بس كلهم اجمعوا ع ان اشغال عامه موادها اكتر افاده من انشاءات والله اعلم
ياريت حد يفيدني

عذرا شيخ المهندسين الانشاءات هو الاعلى من حيث التقدير بس مش الافضل الافضل هو الاشغال العامة ودى نصيحة بينصحنى بيها مهندسين انشاءات وهما اصلا متعصبين للتخصص بتاعهم

Mido EL Ashiry كتب:

عذرا شيخ المهندسين الانشاءات هو الاعلى من حيث التقدير بس مش الافضل الافضل هو الاشغال العامة ودى نصيحة بينصحنى بيها مهندسين انشاءات وهما اصلا متعصبين للتخصص بتاعهم

صح ياهندسه كلامك صح
جداااااااااااااااا
كل من تكلمت معهم قالوا لي هذا
بل اكثرهم حذرني ان ادخل هذا القسم وكلهم فضلوا اشغال عامه
وانا اعرف ناس السنه دي في رابعه انشاءات واخدوا مشرعهم اشغال (بس ده مش هيحصل معانا لان دي اخر سنه يحصل الكلام ده بعد كده كل تخصص هيبقي بمشاريعه)
وكلهم قالوا ان مواد اشغال افضل بكتير من مواد انشاءات من حيث الشغل بره يعني الي فهمتوا منهم ان كلنا بنعرف مثلا نصمم كمرات بس مثلا الي مش درس طرق او مساحه مش يعرف يصمم طريق الا اذا كان دارس طرق عكس التصميم الانشائي كلنا هنبقي عارفينه ومش هتفرق خالص بعد التخرج
كله بيشتغل في كله بس الفرق ان ده دارس وده مش دارس
والله اعلم

صح يا اسامة كلامك صح ويا ريت الناس كلها تسأل كويس قبل التخصص زى ما احنا عملنا علشان يتأكدو ويفضل انهم يسألو ناس متخرجين علشان دول بردو اللي عارفين الدنيا فيها ايه برة

عندك حق
من ضمن الناس الي رجحوا لينا هذا بعض من المعيدين
زي م/ احمد سراج الي كان بيدينا ماتريال السنه الي فاتت
قال اشغال وفضل طرق خاصه

ده راجل شغال برة وعارف السوق علشان كده نصح نصيحة مظبوطة

اي خدمه ياعم
معانا الحصريات
بس بجد معيدين كتير قالوا كده ودكاتره كمان
انا كنت ناوي ع انشاءات بعد الي سمعته ده غيرت خالص
بس للاسف احنا بنجري ع التقدير الاعلي وخلاص ومش بنفكر انا جبت كذا يبقي ادخل كذا
فكرني بايام اعدادي بردوا لما كانت كهربا ومدني وكل الناس تجري ع كهربا وكنت هعمل زيهم بس الحمد لله ربنا كرمنا بقي
وياجماعه الكل يستخير بردوا هيستريح

كلامك صح وان شاء الله ربنا يوفقنا واياك للأفضل ويوفق الجميع

بالتوفيق ان شاء الله ليك ولينا يا عبد التواب

كويس مكنتش عارفه بالموضوع
تسلم ايدك

شيخ المهندسين كتب:

بصى يا بشمهندسه التخصصات كالتالى وسنرتبهم من الاعلى للاقل

الانشاءات:هو افضل التخصصات وطبعا يختص بالاعمال الانشائيه الخرسانه وخلافه بمعنى ان المهندس المتخصص فى الانشاءات سيكون مجال عمل عمله فى الموقع هو الاجزاء الانشائيه و الخرسانه الخاصه بالمبنى المراد تنفيذه والماده الاساسيه فيه هى الاستركشر

اشغال عامه:ده التخصص الافضل بعد الانشاءات مباشرة وهو يشمل كل مايختص بالاشغال العامه مثل الطرق والكبارى والمرافق (مياه-كهرباء-تليفونات) والماده الاساسيه فيه هى الطرق والكبارى

الرى :وده التخصص الاخير نظرا لصعوبته بس طبعا تخصص رى مظبطنهم السنادى عشان الناس تدخل القسم ده وهو يختص بكل ماله علاقه بالرى والموارد المائيه مثل اعمال الرى والهندسه الصحيه والماده الاساسيه فيه هى الرى بالاضافه الى الهندسه الصحيه كماده اختياريه[/quote]
تسلم ايدك يا شيخنا