اشهر 60 جملة يقولها الاب والام فى مصر‏

هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك .... وهم يقولون

كفاية مقدمات بقى وادخلكم فى الجمل على طووووول :

1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

3- ماتردش عليا :
دى نصيحة لو التزمت بيها ستكسب مديرك فى العمل .

4- تقعد فى أول صف قدام السبورة :
جملة تعودك على أن تكون فى المقدمة دوما .

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )

6- اللى بيشيل قربة مخرومة بتخر عليه لوحده .

7- ومالها الكتب بتاعت الوزارة .

8- بص كويس وإنت بتعدى الشارع .

9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )

10- افرد ظهرك .

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

12- ما تمشيش حافى فى السقعة دى .

13- صليت العصر ..؟! ( إشمعنى العصر ....!!!!!)

14- ربنا يهديك .... ربــنــا يــهــديــك ... أو ... إنك لا تهدى من أحببت .

15- إطفى التليفزيون وقوم ذاكر .... أو ... إطفى التليفزيون وقوم خش أوضتك .

16- إوعى تقول لحد هات لى حاجة .

17- إقفل صدرك .

18- بلاش وقفة فى الشبابيك والبلكونات .

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

20- المسلسل مش هاينفعك ... قوم .

21- كفاية رغى فى التليفون .

22- ماتقعدش قدام المروحة وإنت مستحمى .

23- وإنت فاكر إحنا مستنيين منك حاجة ؟!

24- ماتعليش صوتك .

25- بلاش لعب فى الشارع .

26- يا ابنى اللى ذاكر ذاكر خلاص .. قوم نام .

27- بلاش لعب بالمقص .. بيجيب الفقر .

28- يا ابنى كلم خالتك العيانة .. اسأل عليها .

29- إوعى حد غريب يديلك حاجة تاكلها او تشربها وتاخدها منه .

30- النوم لحد الضهر بيجيب الفقر .

31- إوعى تكدب عليا تانى مرة .

32- لازم تاكل سلطة .

33- لو شوفت خناقة مالكش دعوة بيها .

34- عيب .. لازم تحترم الأكبر منك .

35- كلمنا لما توصل; .

36- بلاش أكل بره .

37- لو فلحت ابقى قابلنى .

38- يا ابنى أنت مسطول ولا إيه .

39- إنت فاكرنا نايمين على ودانا .

40- وطى المدعوق ده شوية .

41- قوم إقرالك كلمتين ينفعوك .

42- إيه اللامبالاة والاستهتار اللى إنت عايش فيهم دول .

43- إنت فاكرنا لاقيين الفلوس دى فى الشارع .

44- والله ما إنت فالح .. وآدى دقنى اهيه .

45- ما تتكلمش بصوت عالى فى الحمام .

46- ماتنامش غير لما تغسل سنانك .

47- ماتلزقش فى التليفزيون كده .... نظرك هايضيع .

48- ضرب أمثلة تشجع على الكفاح ... أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

49- سلم على عمك كويس يا ولد .

50- يا ابنى محدش بينفع حد .

51- ماتطلعش إيدك من شباك العربية .

52- قصة الغريق اللى ك**** اللى كل مرة يقول إلحقونى .. لحد ما غرق .

53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.

54- ربنا يرزقك بعيل يوريك اللى وريتهولى .

55- ماتطلعش على الملاية النضيفة ورجليك مت******ة كده .

56- ماتقعدش عريان كده قدام إخواتك البنات .

57- حول القناة دى ... بلاش مسخرة وقلة أدب .

58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

59- طلع إيدك من جيبك وإنت بتكلمنى .

وأخـــــيــــــرا ..... ياللا يا أبو كحكة
إنت فاكر نفسك هاتقعد تاكل معانا

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )

الله يرحم ايام زمان

هههههههههههههههههههههههههههههه

- كفاية رغى فى التليفون .

اعمل اييييييييييييييييييه علشان مسمعش الكلمه دى

هبه لو فهمت انك بتلمحي لحاجة هيكون ليكي يوم مش تحلمي بيه معايا

هههههههههههههههههههههههههههههههههههههه

لا مش اللى فهمتى خاااااااااااااااالص وحد يقدر يا بت
احنا بردو جامدين اوى فى البيت اشهر 60 جملة يقولها الاب والام فى مصر‏ Icon_rolleyes

يا جامد انت

11- بتذاكر إزاى والبتاع ده شغال جنبك .
- بلاش أكل بره
51- ماتطلعش إيدك من شباك العربية .

جيت على الجرح يا ابني اسطوانة بابا المشروخه

هو سمعهالك ولا ايه

ههههههههههههههههههههههههههه
اكيد كل واحد فينا سمع اغلب الكلام ده بس ازاى نتعامل معاهم
عايز ردود وحلول

شوف يا سيدي انا كنت باخد من هنا واطلع من هنا

لان طبعا مينفعش ارد على بابا هو انا معاك الجمل دي مش جيه من فراغ

هو خوف علينا مش اكتر واحنا لازم نقدر الخوف دا ونحترموا

كلامك كله حكم

ولخصت الموضوع فى سطرين

انا حبيت اجيب كام جمله من اللى بيتقالولى لقيتنى هنقل الموضوع كده هههههههههههههه

وبعديت الحاجات دى ملهاش حل لما تتجوزو وتجيبو عيال هتقولولهم كده برضو

هههههههههه
عندك حق
بس هو فعلاخوف
وبعد كده هتعرف ان الكلام ده هيفرق معاك كتير اوووي
جايز منا كتير بيسترخم الكلام ده
انا كبرت بقي خلاص
مش كل شويه
بس هنحس بيه لما نكبر اووووي

ههههههههههههههههههههههههههههههههههه
والله عندك حق وهما كمان عندهم حق
احنا بنعمل حجات نخلى اى حد يروح العنايه المركزه

وربنا يخليهم لينا ويقولوا كل اللى عايزينه

Eng.Mohsen كتب:: ههههههههههههههههههههههههههههههههههه
والله عندك حق وهما كمان عندهم حق
احنا بنعمل حجات نخلى اى حد يروح العنايه المركزه

وربنا يخليهم لينا ويقولوا كل اللى عايزينه

انت هتقولى ربنا يستر عليهم وعلى ابو شقيق حبيب قلبى عموما تسلم ايدك

اشهر 60 جملة يقولها الاب والام فى مصر‏ Sdfsdfsd

هههههههههههههههههههههههههههه

انا فاهمك والله

بس بلاش تسيح للناس سيبهم فى حالهم ولا ايه رايك

» انك لعظيم ايها الاب........
» التشفير لحماية البيانات في حالة سرقة الاب توب