اعرفى عريسك من طريقه اكله

‎ إذا كان عادي يعني لا بياكل بسرعة ولا ببطء ولا دايمًا شبعان ولا

مفجوع على طول.. يبقى

شخص معتدل في عواطفه

وقراراته ويبقى ده

آخر الرجال المحترمين..

كلبشي .. واستعجلي الزفاف والحياة هتبقى بمبي

إذا كان بيحب الأكل زي عينيه.. وأول ما يدخل من الباب وقبل ما

يقول لك ازيك يقول لك ريحة التقلية تجنن ياروحي إنتوا عاملين ملوخية

على أرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسان طفس .. وهوائي

وطايش.. وأوعي تتجوزيه أحسن ياكلك وانتي نايمة....؟؟

أما

إذا كان مش مهتم بالمرة.. لايقولك ده حلو ولا ده عادب ولا

مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..

وهاتعيشي إنتي الراجل والست ف وقت واحد واعملي حسابك هاتركبي وتدلدلي رجلييكي

أما إذا كان بياكل زى مايكون حد بيجري ورااااه وساعة الأكل

بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك

لست ملهمته..ولست فتاة أحلامه ولستِ حلمه.. ويروح مطلقك بالتلاتة..

إخلعي إنتي بدري أحسن لكرامتك.

أما إذا كان بياكل على مهله.. ويمزمز.. ف كل صنف لوحده.. ويسأل

عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب

حاسبي منه يا اختي ده النوع اللي له مخ.. وبيوزن الأمور بطريقه تفقع

المرارة.. ولو في يوم طلبتي منه يقولك كلمة حلوة هايقولك مش عامل

حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟

نظااااام شلل رعاش

بدري.... بدري....

إخلعي يا أمي... أما

إذا كان بيقعد يقطع ف الأكل زي مايكون ف خناقة ويخبط ف الطبق

من الغل.. ويقطع حتة اللحمة زي ما يكون بيدبحها.. ويتفتف.. ويتكلم..

طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو

بالسكينة ف عينك يعمل لك عاهة مستديمة وبعدين.. يهدى.. ويقول لك:

"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""

أما إذا كان دايمًا قرفاااان دايمًا مش عاجبه العجب ولا الصيام

فى رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا

محشي ولا صوابع

مووووز.. أووووف.. الرز محصويل.. يامَّه المكرونة

معجنة..

إذا كان كده توكلي على الله وهاتي أحمى ساطووووور عندك وأنا أعرف لك

واحد محامي هايطلعك منها زي الشعرة م العجيييين

والأحسن من ده كله.....

مالها القعدة ف بيت أبووووووووكي؟؟

والأحسن من ده كله.....

مالها القعدة ف بيت أبووووووووكي؟؟

لو على كلامك ارحم بكتير

انتوا واخدين عننا فكره غلط جدا

بس تسلم ايديك على اد ما بتعيطينا في المنتدى على اد ما ضحكتينا

اعرفى عريسك من طريقه اكله 959505

a7med.3zz كتب:: والأحسن من ده كله.....

مالها القعدة ف بيت أبووووووووكي؟؟

لو على كلامك ارحم بكتير

انتوا واخدين عننا فكره غلط جدا

بس تسلم ايديك على اد ما بتعيطينا في المنتدى على اد ما ضحكتينا

بعيطكم يااااااااااااه انا وحشه اوى كده
خلاص ليك عليك الكل اللى جاى عياااااااااااااااااااط * عيااااااااااااط
اى خدمه
اعرفى عريسك من طريقه اكله Lol

هههههههههههههههههههههههههههههه

لا مش بنعيط اوي يعني هو بس الكلام بيجي على الجرح

بصراحه موهبه ولا اروع

اى خدمه يا فندم اعرفى عريسك من طريقه اكله Icon_biggrin

ربنا ما يجيب جراح ابدا

امين يا رب

طيب وانا اعرف منين بقى طريقه اكلته لازم اعرف من دلوقتي

اه يا بت لازم تعرفى ومن غير ما ياخد باله علشان مش يكون فى اى احتياطات
هههههههههههه وابقى قوليلى ع النتيجه

dodo كتب:: طيب وانا اعرف منين بقى طريقه اكلته لازم اعرف من دلوقتي

اعزمية على كنز و 2 تودو و3 شيبسى عائلى و2 مولتو
واتفرجى علية وهو بياكل من بعيد لبعيد
هههههههههههههههههههههههه

dodo كتب:: طيب وانا اعرف منين بقى طريقه اكلته لازم اعرف من دلوقتي

اعزميه على الغدا بسيطه يعني اعرفى عريسك من طريقه اكله Icon_biggrin

بس متنسيش تقولي على النتيجه

اكيد عاوزة تعرف النتيجة من غير ما تغرم
فاكرين الحاجات دة بالساهل
ههههههههههه

وهو بقا هيقبل انها هى تعزمه

ونعم الرجوله اعرفى عريسك من طريقه اكله 959505

eng. heba كتب:: وهو بقا هيقبل انها هى تعزمه

ونعم الرجوله

هو مين الى عايز يعرف طريقة اكل 2 هي الى مضطره
خلاص اقلك احنا نجمع من كل 1 في المنتدى جنيه ونعزموا احنا يعني عندي اعز من دودو

عدد الاعضاء اللى موجودين فى المنتدى ميجبش تمن غدوه تقدر تحكم منها عليه
وبما انك صاحب الاقتراح شيل الليله لوحدك اعرفى عريسك من طريقه اكله Icon_biggrin

طبعا قدها وقدود

eng. heba كتب:: عدد الاعضاء اللى موجودين فى المنتدى ميجبش تمن غدوه تقدر تحكم منها عليه
وبما انك صاحب الاقتراح شيل الليله لوحدك

طبعا قدها وقدود

يعني هي لازم تغديه في ماك علشان تعرف اي عربيه فول هتقوم بالواجب وزياده
بس لو دودو مصممه يعني اوك

انا ممكن الغي الاقتراح مالوا الكنز نخليها كنز اعرفى عريسك من طريقه اكله Icon_biggrin

خلاص يا جماعه انا هنعزمه قريب بعد اول مرتب ان شاء الله علشان يكون من حر مالي ونعرفوا بقى ومش هنساكم اكيد هقولكم الي حصل
وخاصه انتي يا هبه علشان تكوني على وعي

هههههههههههههههههههههههههههههههههههههههههههه

فعلا قريب اوي بعد 10 سنين كدا

احنا هنجمع من بعض ونعزموه
وليكي عليا اجبلكم بيتزا بالجمبري من هت تحفه هتكشفهولك على حقيقتوا

طب وان طلع مبيحبش البيتزا هتعمل ايه يا فااااااااالح

اعرفى عريسك من طريقه اكله 2

ولو مش بيحب البيتزا الجمبري اعمل انا ايه بقى

ههههههههههههه
والله شردتوا الرجاله ليه بس كده ده احنا غلابه والله
هو في زينا

dodo كتب:

ولو مش بيحب البيتزا الجمبري اعمل انا ايه بقى

اكلها انا عادي يعني هنرميها هو الخسران

dodo كتب:

ولو مش بيحب البيتزا الجمبري اعمل انا ايه بقى

اكلها انا عادي يعني هنرميها هو الخسران

ههههههههههههههههههههههههههههههههههههههههههههه
والله موضوع يموت من الضحك
يسسسسسسسسسسسسسسسسسسسسلموا
ايديكى
اعرفى عريسك من طريقه اكله 000-c%20(30)

هههههههههههههههههههههههههههههههه

اتهدى بقا وبلاش تنطيط خيلتينى
ههههههههههههههه

نورتى يا هندسه

» افضل طريقه لعتاب الاصدقاء ....
» طريقه حساب عدد الاسياخ في طن واحد