التخصصات

عايزين نتكلم عن تخصصات المواد الاختيارية في تالتة
اولا من حيث الصعوبة انشاءات الاصعب واشغال عامة اسهل شوية ورى اسهل من الاتنين والتقديرات اعلي في اشغال عامة شوية بطريقة سهلة وعلي فكرة الناس اللي في انشاءات واللى متخرجين لأنى سألت ناس متخرجين وشغالين هما نصحونى باشغال عامة منهم واحد شغال مية مية في الابراج وقالى بلا ابراج بلا هبل شغل الاشغال العامة بنية تحتية يعنى الجهة المالكة هى الدولة اللى هى الجهة الاقتصادية الاولى وعلي فكرة مش بتفرق كتير لأنك بتدرس كله والشهادة مدنى عام بس المشروع حسب التخصصمن ناحية الشغل شغل انشاءات دلع قوى وممكن ايام ما تروحش الموقع لكن اشغال عامة شغلها صعب جداااا بش في المقابل رواتب اشغال عامة اعلى بكتير بس انشاءات ممكن تشتغل في بلدك وتستقر كمان لكن اشغال عامة بهدلة وكل يوم في محافظة نيجي لمشاريع التخرج انشاءات ليها استركشر وخرسانة وماتريال وبرامافيرا (ادارة اعمال) اما اشغال عامة طرق او صحية او مساحة اما الرى ما عنديش فكرة بصراحة الشغل طبعا انشاءات يعنى مبانى وكده واشغال عامة يعنى طرق وكبارى وضرف صحى وري يعنى منشآت مياه بس طبعا انت بتدرس كله وليك تشتغل في كله بس يستحسن تشتغل في اللي انت واخد مشروعهكمان في حاجة ممكن تدخل اشغال عامة وتشتغل انشاءات لأنك سهل تتعلم شغل الموقع بتاع انشاءات في شهر بس العكس لأ لو دخلت انشاءات مش هتعرف تشتغل كويش شغل اشغال عامة يعنى اللي يدخل انشاءات يكون عايز يشتغل مهندس مكتب مش موقع
بس في حاجتين اولا ما نفكرش ان انشاءات احسن لأنها اعلي في التقدير لأن ده تفكير خاطيء وكمان ان شاء الله الشغل موجود وده حاجة مش بتاعتنا لازم نعرف ان الارزاق بتاعة ربنا بس احنا بناخد بالاسباب
انا طبعا معلوماتى مش مكتملة بس ده اللي قدرت اجمعه وجايز اكون نسيت حاجة يا ريت لو في حاجة غلط او ناقصة حد ينبهني وعايزين مشاركة كده وشكرا ليكم جميعا واسف للاطالة

ايوة يا عويس بس انت ممن اوى تدخل ري وتشتغل في اي حاجة تانية الشغل مالوش علاقة اوى بالمواد الاختيارية زى ما انت فاكر لأنك كده كده بتدرس كله

والله يابوخالد كلامك كله جميل ومفيد وكلنا طبعا عارفينه المشكله ان فى ناس المجموع بيجبرهم على الدخول لحاجه معينه زى عويس فهو غصب عنه حته لو هو مش عايز اما اللى يبقى قدامه كل الفرص متاح ليه فيبقى الموضوع محير جدا معاه بس زى ماقلت ان الاشغال دى مش بتاعتنا انت بتحاول تجتهد وتشوف ايه الاصح بالنسبالك وايه اللى نفسك تخشه وتنجح فيه لانه كل واحد ليه وجهه نظر وتفكير خاصه بيه انت بتسمع وجهات النظر من كل اللى اتخرج وبعد ماتكون جمعت معلوماتك الكافيه اللى تخليك تاخد قرارك خده وتوكل على الله وامتبصش لاى حد وخليك على ثقه بنفسك وتاكد ان الموضوع مش هايفرق كتير باذن الله وشكراااااااااااااااااااااااااا يا حماده على موضوعاتك الجميله ومجهودك معانا وربنا يوفقنا بجد كلنا

شكرا يا احمد علي مشاركتك بس في ناس مش عارفة اوى انا بحاول اجمع معلومات كتير واوضح للناس الموضوع ماشي ازاى بس حتى اللى فى انشاءات نصحونى باشغال عامة وده اللى محيرنى

لا والله مش علشان كده اولا احمد في القاهرة من اول الاجازة ثانيا احمد شخصية ممتازة ويستاهل الشكر ومن اقرب اصدقائي ليا وانت عارف كل ده كويس

بصو يا جماعه اولا موضوع انك تدخل قسم معين هيخليك كويس فى الشغل فيه ده ملوش اى اساس من الصحه
حتى المشروع نفسه ملوش اى علاقه بالشغل

انا واحد قريبى امتياز مشروع خرسانه ودلوقتى شغال طرق فى السعودية
اسال اى حد متخرج هيقلك مفيش علاقه بين المشروع والشغل
اهم حاجه انك تجيب تقدير ف اى مشروع تاخده
لان دى تقريبا الحاجاه الوحيده اللى ممكن تتسأل عليها تقدير المشروع

بالنسبة للمواد بقى انا احسن قسم هتستفاد شويه منه هو اشغال عامه وبعد كده انشاءات او رى

مش عارف احنا وانتو هيمشو المشروع بالقسم ولا بالمجموع بس احنا اخر كلام سمعناه انه بالمجموع وده لما كان د خالد حمزه موجود مش عارف هيغيرو تانى بقى ولا ايه

بالتوفيق للجميع
[ندعوك للتسجيل في المنتدى أو التعريف بنفسك لمعاينة هذه الصورة]

بص ياسمسم والله انت جبت من الاخر
والله انا متبهدل في المواقع
المفاجأه دراستكم ياجماعة اركونها علي جنب المواقع حاجه تاااااااااااااااااااااااااااااااااااانيه خالص
والشغل بره ملوش علاقة بالكتاب
والله اول يوم نزلت فيه المهندس الي في الموقع قالي كده
الكتاب حاجه وهنا حاجه تانية مصدقتش
بس الحقيقة كده

انا سألت الباشمهندس طارق الحادقة اللي هو اكتر واحد يعرف قالي اولا القسم وبعدين المجموع يعنى الاتنين يعنى المشروع حسب القسم وبعدين تنسيق بقي

انا سألت الباشمهندس طارق الحادقة اللي هو اكتر واحد يعرف قالي اولا القسم وبعدين المجموع يعنى الاتنين يعنى المشروع حسب القسم وبعدين تنسيق بقي وبعدين انا بقول انت كده كده بتدرس كل حاجة بس بردو المشروع اللى هتاخدو اكيد هتبقي متعمق فيه اكتر بس

ياجماعة سوال هو التنسيق ده هيظهر امتي ياريت الي يعرف يقول اول الدراسة عادي ولا اليومين دول

لما تيجي الدراسة ان شاء الله هتعرف

ماهو ده الي انا قولته ياخميس نفس ردي

ايوة بس اشغال عامة في مشروعها اصلا بتحتاج شغل موقع يعنى بتنزل موقع اصلا بدري وتشوف الدنيا فيها ايه