تعملي إيه لو جوزك قلك هتجوز عليكي...

بس ممكن تكون هي اللي ناقصة

مفيش حاجة اسمها هى اللى ناقصة لو ناقصة ما كانش هيستحملها اصلا من الاول في ناس بتتجوز الجوازة التانية بعد 10 او 20 سنة من الاولى يبقي ايه اكتشف النقص ده متأخر انا رايي ده فراغة عين الواحد لما يتجوز لازم مراته دى تكون كل حاجة في حياته ومجرد التفكير فى حد غيرها ولو زواج انا بعتبرها خيانه ما لم يوجد سبب قوي وهى مش مقصرة

مش قادرة اصدق عنيه ان دة راى الشباب بس عموما الست اللى تقبل ان جوزها يتجوز عليها تبقى حكمت على نفسها بالتعاسة العمر كله وكرامتها كمان راحت دة راى بصراحة وربنا ما يورى دة لاى ست يارب

mai mohammed كتب:

مش قادرة اصدق عنيه ان دة راى الشباب بس عموما الست اللى تقبل ان جوزها يتجوز عليها تبقى حكمت على نفسها بالتعاسة العمر كله وكرامتها كمان راحت دة راى بصراحة وربنا ما يورى دة لاى ست يارب

بص يا مي يا حبيبتي أحب أعرفك حاجة لو كان زواج الزوج علي زوجته الأولي نقص من كرامتها ماكنش ربنا سمح بيه بإختصار ربنا مش هيسمح بحاجة تقلل من كرامة خلقه........دي حاجة تاني حاجة علي سبيل المثال الأحسن يتجوز عليكي في الحلال ولا يخونك بأساليب من إياها ده علي إعتبار إنه راجل.........قبل ما تقولي لو هو كده مش هستمر معاه OKبس أوقات الظروف بتفرض علينا حاجات ...........

ولا يخونك باساليب من اياها ده علي اعتبار انه راجل....يعنى ايه الكلام ده يعنى احنا كرجالة الخيانة في دمنا ولا الستات اللى مش بيخونو يعنى انا مش عايز افتح واتكلم بس بجد اللى بيعمل كده ويخون يبقي راجل ناقص لأن زوجتى لازم تبقي الاولى والاخيرة وكل حياتى الا في ظروف معينة وده ما اعترضناش عليه كمان من ناحية الدين هو حلال بس في بعض الدعاة بيقولو وانا سمعتها واحد قال انا لست من دعاة التعدد نظرا لغياب الحكمة
يعنى سهل الواحد يتجوز تانى لكن اليومين دول اللى هيتجوز تانى صعب يطبق شرع ربنا ويعدل وانا شفت من ده كتير حواليا مش كده بس الزوجة التانية بتيجي بالخراب كمان يعنى اللى يتجوز تانى لازم يبقي عنده من الدين والحكمة والصفات الخاصة جدا اللى مش موجودة غير قليل اللي تمكنه انه يعدل لكن مش قدها يبقي مفيش داعى وده اللى القرآن الكريم نص عليه

Mido EL Ashiry كتب:

ولا يخونك باساليب من اياها ده علي اعتبار انه راجل....يعنى ايه الكلام ده يعنى احنا كرجالة الخيانة في دمنا ولا الستات اللى مش بيخونو يعنى انا مش عايز افتح واتكلم بس بجد اللى بيعمل كده ويخون يبقي راجل ناقص لأن زوجتى لازم تبقي الاولى والاخيرة وكل حياتى الا في ظروف معينة وده ما اعترضناش عليه كمان من ناحية الدين هو حلال بس في بعض الدعاة بيقولو وانا سمعتها واحد قال انا لست من دعاة التعدد نظرا لغياب الحكمة
يعنى سهل الواحد يتجوز تانى لكن اليومين دول اللى هيتجوز تانى صعب يطبق شرع ربنا ويعدل وانا شفت من ده كتير حواليا مش كده بس الزوجة التانية بتيجي بالخراب كمان يعنى اللى يتجوز تانى لازم يبقي عنده من الدين والحكمة والصفات الخاصة جدا اللى مش موجودة غير قليل اللي تمكنه انه يعدل لكن مش قدها يبقي مفيش داعى وده اللى القرآن الكريم نص عليه

اللى قالو البشمهندس دة هو اللى انا اقصدة انا فعلا شفت رجاله كتير متجوزين اتنين بس ملقتش تقريبا حد عادل بينهم ابدا واكيد طبعا دة شرع ربنا بس لو الواحدة عملت كل اللى عليها يبقى يتجوز ليه بس وكمان ما يستهلش تعيش مع شخص كدة

بصراحه انتوا خدوتنى عن موضوعى الاساسى اللى بفكر فيه حاليا بس عموما خير الموضوع بصراحه شدنى وحبيت اقول رايى لان دى شخصيتى متاسف لو حد بيزعل انى اقوله انا بحس ان الزوجه مقصره كتير فى حق الرجل لو الواحده مهتمه وعملت كل اللى عليه ماعتقدش انه هايعمل كده الا قله وهم نادر جدا لانى غريزتهم الفطريه تسبق مدى تفكيرهم ولا ينظرون الى القي انما ينظرون الى اغراض اخرى بعيدا عن ذلك وذاك انا فعلا ليا اخواتى كتير متزوجين واعرف اكيد ناس كتير اللى لاحظته فعلا ان المعامله بتتغر بعد ماتوضع المراه وليدها او ابنها الاول ويصبح همها الشاغل هو تربيته واكن زوجه لما يكن موجود فى الحسبان بخلاف كل الحب الذى كان موجود قبل ذلك واهمالها لزوجها فى كل حقوقه ونست ان عليها واجبات لابد من تحقيقها طبعا الراجل لاسيما ان الموضوع عنده بيفرق وخاصه اننا نعيش عصر الفتن وانتم تعلمون ماذا تلبس وتفعل الفتيات وخاصه هنا فى القاهره فالموضوع صعب ولكن دعونا نفكر فى ان لو ادى كل واحد ماعليه وكان الحب والاحترام موجود فلا اعتقد من وجود مايدعى الى الزواج الثانى اليس كذلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
متاسف جدااااااااااااااااااااااا للاطاله

ردا علي الباشمهندس محمد لما قولت إنه راجل من إياه............ قصدي الراجل الي هيتجوز علي مراته مش قصدي كل الرجالة وبقولها تاني وبكررها سواء للجنسين مش كلهم ملائكة ومش كلهم شياطين ومكان النقط ضع اللفظ اللي حضرتك تحبه علي الراجل ده حسب رأي حضرتك عليه سواء موافق أو رافض المبدأ.ثانيا والله أنا شايفة إن الراجل يعدل ما يعدلش هو اللى هيتحاسب علي نفسه.أنا من وجهة نظري شايف إن عادي لما جوزي يتجوز عليا ده لو أنا وافقت أتجوز أصلا المهم اعرف الاسباب وأحاول أعالجها مقدرتش أنا بنفسي هروح أخطب ليه.زي ما بحب أخد حقوقي ده حق من حقوقه ما أحرموش منه.أنا هسأل سؤالين وعايزة أجابة عليهم أولا :لو مراتك مابتخلفش و إنت نفسك في طفل يقولك بابا عارفة إن مش ذنبها ومش بإيدها بس بردوا مش ذنبك تعرف لو واخدها عن حب هتقول مش مشكلة وتتحمل بس لو واخدها عن طريق الجواز التقليدي تفتكر هتقدر...........؟؟؟؟!!!! ثانيا بتحصل وبنشوفها ليه أغلب المتخصصين في شرح أمور الدين بيعددوا في الزواج علي سبيل المثال الشيخ محمد حسان يبقي عندهم نقص بردوا السؤال متروك ليكم إنتم وعايزة إجابة..........؟؟؟؟!!!!!!!!!

اولا انا قلت الا في ظروف خاصة وعدم خلفة الصبيان واحد من الاسباب دى ثانيا انا قلت انه قليل جدا اللى ممكن يعدل والشيخ اللى قال انه ليس من دعاة التعدد علشان كده كان فضيلة الشيخ محمد حسين يعقوب نظرا لغياب الحكمةودول ما عندهمش نقص وما نقدرش نقول كده بس دول بردو عندهم امكانيات شخصية في شخصيتهم ودينهم تخليهم قد تعدد الزيجات وربنا يباركلنا فيهم كلهم يعنى من الاخر هما عندهم زياده عننا بتمكنهم من ده مش نقص يخليهم يعملو كده وكمان البنت عندنا حتى لو بتفكر زيك ساعة التنفيذ هتجيب ورا على الاقل من جواها وانا شفت ده بعيني كان الموقف زيك تمام وقالتله اروح اخطبلك كمان ولما الموضوع دخل في الجد اتغير موقفها نهائيا ثالثا خصوصا المرأة لو مقصرة صعب اوى تعترف بتقصيرها مع زوجها لأنها تتمنى انها تكون الافضل في عينيه

soso كتب:

mai mohammed كتب:

مش قادرة اصدق عنيه ان دة راى الشباب بس عموما الست اللى تقبل ان جوزها يتجوز عليها تبقى حكمت على نفسها بالتعاسة العمر كله وكرامتها كمان راحت دة راى بصراحة وربنا ما يورى دة لاى ست يارب

بص يا مي يا حبيبتي أحب أعرفك حاجة لو كان زواج الزوج علي زوجته الأولي نقص من كرامتها ماكنش ربنا سمح بيه بإختصار ربنا مش هيسمح بحاجة تقلل من كرامة خلقه........دي حاجة تاني حاجة علي سبيل المثال الأحسن يتجوز عليكي في الحلال ولا يخونك بأساليب من إياها ده علي إعتبار إنه راجل.........قبل ما تقولي لو هو كده مش هستمر معاه OKبس أوقات الظروف بتفرض علينا حاجات ...........

اسكت يا عويس فضحتنا بلاش كومنتات يا عويس واقعد فى البيت لحد ماتجيلك بنت الحلال اللى تستهالك وتخدتك وامرها لله وتتجوزك هههههههههههه !!!

مش اللى تستاهله بقي اللى تتجنن في عقلها وتكون امها داعية عليها وتكون خدمتنى وخدمتك وخدمته وخدمت البشرية كلها وظلمت نفسها....ههههههههههههه