بصراحه هاتقدر

لو قابلك الحب الحقيقى وانت طالب فى الجامعه هاتقدر تروح تقوله انا شعورى ليك كده
ام لن تستطيع ان تقول ذلك فى وجه من احببته ام ستننظر القدر الى ان تتخرج باذن الله وستتقدم اليها وترى ما
سيكون نصيبك معاه ام انك لست موافق لذلك بل تريد ان تتعرف كل واحد منا على الاخر اثناء فرصه الدراسه

ارجوكم انتظر ارائكم على هذا الموضوع فلكل انسان رايه الذاتى فدعنا نرى ما راى كل واحد منا

يا جماعة انتو فاكرين الموضوع سهل الموضوع صعب جدا مش كده لنك لو بتحبها بجد وخايف تضيع منك هتصبر لأن كل ما الوقت اتقدم هيكون افضل لأن موقفك هيبقي احسن وهتكون قربت تتقدم واحسن حاجة ودى الافضل في رأيي تتقدم علي طووووووووووووووول

طبعا أنا بنت والكلام ده مينطبقش عليا بس أحب أقول رأيي أنا شايفة أن مفهاش حاجة أن يقولها بس عن طريق وسيط أو بطريقة ما لكن يقف معاها وكده فده سئ لان اللي يحب بجد ميرضاش بأي كلمة تتقال من أي شخص علي اللي يحبها وفي نفس الوقت شايفة إن حراااام يقعد ليالي يحب ويسهر ويبني أحلام وفي الاخر يكتشف إنها مرتبطة أو يصحي في يوم يلاقيها مخطوبة وتبقي صدمة ليه ولو ينفع أنا شايفة إن أحسن حاجة الحلال ده لو إمكانياته المادية تسمح وكل شئ من الأخر نصيب

وحاجة تانية هو في بنت هتستنا ولد من غير ما تعرف إنه بيحبها.البنات وهي في الجامعة بتتخطب

صراحة كلامك عين العقل بس هل فعلا لو في شاب بيحب زميلته وعايز يرتبط بيها هل فعلا هي ممكن تفكر فيه ولا هتقول بقي ده لسه بدري عليه علي ما يكون جاهز وهل انه لما يخليها تعرف انه بيحبها هل ده هينقص من شخصيته في حاجة ولا عادى انا مش عارف بصراحة لأنى ما اتعاملتش قبل كده مع اي بنات علشان كده مش عارف بيفكرو ازاى

ممكن تفكر فيه وممكن لأ حسب نوع البنت وممكن توافق عليه عادي أنا أعرف شباب كتير خطبوا وهما في الكلية وبعدين معليش أي واحدة تتمني مهندس إحنا مش قليلين والمهم الأخلاق وأنا شايفة إنه مش هينزل من نظرها وخاصة لما تشوفه بيخاف عليها من كلام الناس ولو مابتحبوش ممكن ده يخليها تحبه

مش عارف بس جايز