زيارة لدار الأيتام

انا معاكي يا سوسو

معاكى ان شاء الله

وبشكر بجد كل اللي ساهم بمجرد ان سمع العنوان جزاكم الله خيرا

انا اكيد مشارك بس ايه النظام وياريت يكون المنتدي ليه نشاط كده
احنا السنة الي فات عملنا حفلة كبيرة في يوم اليتيم وجمعنا شوية من التبرعات الي قدرنا عليه ووصلنها للاطفال وكانت حالتهم صعبة ياريت الناس تتجمع واحنا نعمل كتير

شكرا لمشاركتك مش كفايا يوم واحد في السنة لازم نحس بالايتام كل لحظة وكل ثانية والاطفال مش محتاجين لبس ولعب وبس في حاجات أهم من كده بكتير صدقني أنا في أول زيارة حسيت بيهم أنا عندي اراء كتيرة وإقتراحات ونفذت منها حاجات وفعلا نجحت مش هقول حاجة إلا لما أحصل علي أكبر عدد من الأقتراحات وإن شاء الله بالتعاون هنقدر نحقق حاجة

اوك انا معاك في اي اقتراح
بس مش موضوع يوم
احنا عشان نعمل يوم واحد ده حصل بصعوبة
والناس كلها بتوافق في الاول والكل بيخلف بعد كده
يوم واحد ده كان تعب جامد والتبرعات الي جات راحت ليهم مش موضوع لبس ولعب بس لاني كنت من ضمن من يجمع التبرعات
بس اصعب شئ تجميع التبرعات لان الواحد بيلقي نفسه في الاخر لف كتير ومش معاه المبلغ الي يستحق وهي دي الصعوبة انا لو عليا نفسي كل يوم مش يوم واحد

انا معاكم في اي حاجة فيها خير لأن بجد هو ده اللي باقي لينا

شكرا يا جماعة بجد .باشمهندس حضرتك بتقول إنك لاقيت صعوبة في لم التبرعات وانا بعيد تاني الاطفال مش محتاجة بس تبرعات في حاجات أكتر بكتير تفرحهم غير دي عن تجربة

ياريت كل اللي يدخل يقول أراء وإقتراحات أنا مش يس عايزة أصوات

اوك انا متفق معاك ان في حاجات تانيه
بس المادة وجودها مهم جدا
معلش هم ايه الي خلاهم يبقي في دار ايتام غير انهم مش موجود الماده دي
معاك في الراي بس هناك اشياء لابد من وجودها
هقولك علي حالة من ضمن الي شوفتهم
طفل عايش في دار الايتام
وفوجئت ان والده ووالدته علي قيد الحياة
روحنا عشان نسال المشرفين ايه الي خلاه موجود هنا
كان الرد ان والده مش معاه يصرف علية اعتقد ان ده صعب علي اهله جدا انه يخلي ابنه في دار ايتام هو لسة عايش
مش هنكر ان لابد من وجود الحاجات التانية بس المادة مهمة جداااا
دي حالة من ضمن حالات وسمعت قصص يشب لها شعر الراس وهقول بقي احنا هنا معلش عايشين كل حياتنا ايه شوية هيافات وكل واحد ماشي ورا واحد بيقول اي كلام معجب بيه واحده بتقلد فلانه واخ مش بيسب ماتش كورة وممكن يسيب فرض ربنا ده احنا في مصيبة
المهم انا معاكم لو علي الافكار هبقي اقولكم لو عندي افكار جديدة
اتمني ان تقبلوا مروري
اسف علي الاطالة

ولا يهمك .ماشي أنا معاك بس مش كل اللي في الملجأ هناك عشان الفقر في أسباب تانية منها متلا إنفصال الاب عن الام والولد مش لاقي حد يربيه مثلا.بس بردوا معاك في إن المادة من ضمن الأساسيات وليست الاساس بس إحنا مازلنا طلاب يعني كل واحد فينا بيأخذ مصروفه من أهله وفي منا غير مقتدر يبقي خلاص نتخلي عن الموضوع ومنشاركش لمجرد إنى ممعيش فلوس أتبرع بيها أتمنى يكون المعني وصل

الحاجة دي انا عملتها بنفسى وشايفة إنها حققت حاجات كتيرة أولا كنت أنا وواحدة صحبتى بس وياريت الكل يساعدني في إنه يعمل زيها ........كنا بنروح كل يوم خميس نذاكر للأطفال كده كده أخر الاسبوع ومحدش فينا بيذاكر وكنا بنشجعهم علي المذاكرة بالهدايا للي بس كان يجتهد معانا وبصراحة إحنا كنا إتنتين وعدد الأطفال كتير فأنا بطلب من كل واحد في المنتدي يكون مجموعة ويوم واحد في الشهر بلاش الأسبوع يروحوا يدراسوا ليهم مادة من المواد اللي كانوا شاطرين فيها صدقوني هتعملوا حاجات قليلة بس هتحسوا إنكم عملتوا كتير وخاصة إن ده اللي هينفعهم إنهرده وبكرة ...............ياريت تقولولي رأيكم في الفكرة دى وتناقشوني في عيوبها ومميزاتها بصراحة

حاجه كويسه وشعور جميل وعاوزين فعلا نعمل حاجه مش برضو لازم على الاقل نروح بمبلغ كويس عشان ميبقاش زى اللى رايحين يتفسحو
انا معاكى ان فى ناس محتاجه تلاق حد مجرد انه حاسس بيهم وكده بس برضو لازم يبقى فيه جانب مادى
المشكلة اننا ف الاجازه وجمع التبرعات من الكليه دلوقتى مش هينفع
لو حد عنده اى فكره ممكن يقولها وانا اول واحد معاكم ان شاء الله

انا عن نفسي مستعد ومش مشكلة لو علي الجمع ممكن انا اجمع من الي اعرفهم عادي بقيت متمرس فيها الحمد لله
ولو عايزين تروح في ايام عادي شوفوا هتعملوا ايه وانا معاكم وفي ناس تانيه هتيجي