هام المهندس

بسم الله الرحمن الرحيم

ياجماعه هنا نقاش هندسي بحت
اه
وبعيد عن ال بندرسه عشان محدش يقول هنزاكر تان

بصو اول حاجة مفروض نكون نعرفها
التكعيب ازاي نكعب اي حاجة عشان نعرف عندنا خرسانات قد ايه كام متر خرسانه يعني

بصو الخرسانات ف المبني بتنقسم الي
1- القواعد
2-السملات او الشدادات
3- الاعمده
4-الكمرات
5-البلاطات

بصو بقا كل عنصر من العناصر ال فاتت ليها طول وعرض وارتفاع وتكعيبهم يعني ان نضرب الطول * العرض * الارتفاع
بس خدو بالكم ان ف البلاطات ارتفاع البلاطة ال هو سمك البلاطة

وبنحتاج التكعيب عشان نعرف احنا عندنا كام متر خرسانه عشان نحسب الكميات المطلوبة من حديد واسمنت ورمل وزلط وعشان بردو نحاسب العمال او المقاول ال مفروض بياخد منك المتر بكزا

وبعد كدة هنعرف المتر المكعب خرسانه فيه قد ايه من الكميات ال فاتت
بس دلوقتي هقولكم حاجة
ان الطوب المتر الطولي ال هو المتر المربع فيه 70 طوبه لو الحيطة نص طوبه
والمتر الطولي فيه 140 طوبه لو الحيطة علي طوبه

دا عشان نحسب الطوب يعني نحسب كام متر طولي ف البيت وبعد كدة نشوف الحوائط ال نص ونضربها ف 70 والحوائط ال طوبه ونضربها ف 140 وكدة يبقي عرفنا احنا هنجيب قد ايه طوب
اه
الطوب بنقول هنجيب بالالف يعني عاوزين 10000 او 25000 طوبه وكدة يعني
دا الطوب
معروف ان المتر طوب بياخد 3 شكاير اسمنت مونه
طب بصو
شغلانه المهندس اول مايتخرج انه يعرف ازاي يستلم من المقاول الشغل
ف المرة الجاية هنعرف بازن الله
ازاي استلم القواعد
وازاي استلم الاعمدة
وازاي استلم اعمال النجارة والحدادة
وازاي ابص علي السقف كدة اشوف ايه غلط معمول


ها يا جماعه دي فكرة حلوة نكمل ولا ايه
وطبعا ياريت ال عنده معلومة مش يبخل علينا بيها عشان احنا عاوزين نبقي احسن مهندسين
زي ماحنا حلوين ف كل حاجة تانية ومحدش زينا يبقي بردو ف مجالنا قشطة

والسلام عليكم ورحمة الله

معلومات مهمه ربنا يكرمك