يوميات احمد ومريم ؟؟؟؟؟

احمد ومريم ..اتنين لسة متجوزين جديد بس دايما الحياة مش بتبقي وردية ولازم يحصل مشاكل عصبية زعيق بس الاهم ان فية واحد بيشد والتانى لازم يرخى تعالوا نسمع القصة دى
احمد راجع من الشغل تعبان ومخنوق ومش طايق دبان وشة وداخل البيت يزعق على اتفة حاجة
احمد وهوة في حالة عصبية و زعيق :اية دة هوة انا كل ما اجى الشغل واخش البيت الاقيكى ماسكة التلفون وبترغي ولاكنى موجود هنا ولا عاملالي اي حساب
مريم:بعد ماقفلت سماعة التلفون-: معلش يا حبيبي اصل انت اتاخرت وانا كنت قاعدة مستنياك قلقت عليك واختى كانت بتطن عليا
احمد بصوت عالي: ايوة طبعا وتلاقيكى اتكلمتى معاها بالساعات ولسة ماعملتيش الاكل ولا عملتى اعتبار للراجل الي شقيان طول النهار
مريم: بكل هدوء وهيا بتقرب منة علشان تشيلة الكارافتة وبتكلمة بكل هذوء-ومين قال يا حبيبي انى نسيتك وماعملتش الاكل انا مجهزالك الاكل ومحضراهولك من زمان
احمد :مية مرة قلتلك مابحش اجى من البيت والاقيكى ماسكة التلفون واخش البيت من غير ماتحسي
مريم : حاضر يا احمد بس انت اهدى كدة بلاش العصبية دى
مريم وهيا بتقلع احمد جاكيت البدلة وبتحطة في الدولاب -وبتتكلم كان مفيش حاجة خالص: تحب ناكل دلوقتى
احمد :وهوة بيحاول يهدى شوية : ماليش نفس كلي انتى
مريم وهيا بتقرب من احمد: احمد يا حبيبي انا حاسة بيك اليومين دول وعارفة اللي انت فية ومشاكل الشغل ماتزعلش نفسك وتتنرفز كدة انا بجد بقلق اوى عليك
احمد : مفيش مشاكل ولا فية نيلة ممكن تسيبينى انام انتى بتضايقينى كدة
مريم : حااضر
احمد : ولو سمحتى خلينى انام من غير ماتقلقينى خالص لحد الصبح ا
مريم : حاضر
احمد قاعد ع السرير ساعة وعمال يفكر وبالة مشغول بحاجات كتير و بيتقلب يمين وشمال لحد مالاقي نفسة مش عارف ينام من التفكير وقام ع المطبخ يعمل كوباية شاي وفوجئ ان الاكل محطوط في المطبخ زى ماهوة وان مريم ما اكلتش وراح جاري يشوف هيا راحت فين مش باين ليها حس في البيت
لحد ما وصل لللصالون ولاقاها نايمة على كنبة بيتفرد وبيبقي سرير
وراح موطى ع الكنبة علشان يبقي في مستوى واحد معاها وحط ايدة بالراحة على وشها فراحت صحيت وهيا مفزوعة
احمد كلمها بهدوء وهوة بيقولها : ماتخافيش انا مش جاي علشان ازعلك او اعمل اي حاجة تضايقك ..انا ماهنش عليا اسيبك نايمة وانتى زعلانة منى ..انا مش عارف ازاي كنت عصبي عليكى النهاردة انا بجد كنت مضايق جدا وجت فيكى انتى ماتزعليش منى
مريم ساكتة وفي عينيها لسة شوية زعل وجرح
احمد: طيب وحياة اغلى حاجة عندى اللي هوة انتى انا مكنش قصدى ازعلك او ازعق في وشك انتى عارفة انتى غالية عندى ازاي كفاية انك دايما بتستحملي عصبيتى وبتقفي جنبي
مريم : وهوة يعنى علشان بتحمل عصبيتك تقوم تعمل فيا كدة
احمد :يا ميرو يا روح قلبي انتى عارفة قد اية انا بقدرك يمكن اقدر اعمل اي حاجة بس مقدرش اشوف عنيكى دى زعلانة منى انا عارف انك حساسة وبتزعلي وبتيجى على نفسك كتير بس كمان عارف ان قلبك طيب ومابتشيليش في قلبك اي حاجة
مريم : وهيا بتبكى : يا احمد اصل انت قعدت تزعق فيا جامد وانا كنت بهدى فيك وانت عارف انا اكتر حاجة بتضايقنى انا حد يزعق في وشي
احمد:وهوة حاطط ايدة على شفايفها : وهوة انا اقدر اتعمد انى اضايقك يا روح قلبي انا يومى دايما بيققي كلة شغل وقرف وتعب يمكن الدنيا بتبقي فيها مليون شغل مليون مشكلة مليون مشوار بس مفهاش غير مريم واحدة بس هيا الوحيدة اللي مابلاقيش غير صدرها الحنين دة ومابقدرش ازعلها ابدا وبعدين ينقطع لسانى لو كنت زعقتلك
مريم :لا بعد الشر عليك يا روح قلبي دة انت الدنيا ومافيها
احمد: بس انتى عارفة اية اكتر حاجة خلتك تكبري في نظري جدا
مريم : اية ياتري
احمد: انك طول مانا بزعق مكنتيش بتزعقي ولا بتردى الكلمة بكلمتها كنا زماننا بنعاند في بعض لحد دلوقتى وسبتينى لحد ما هديت من نفسي .. يارب افضل حنين عليكى على طول ومازعلكيش خالص
مريم :انا عمري مابزعل منك خالص
احمد: انا بردو ساعات بضايق لما بدخل البيت يا مريم الاقيكى بتتكلمى في التلفون وبتشوفينى وبتكملي كلام بردو
مريم:حاضر يا حبيبي مش حعمل كدة تانى مكنتش اعرف ان دة حيزعلك انا اسفة
احمد: وانا كمان اسف على اللي حصل النهاردة واوعدك انة مش حزعلك تانى
مريم : صحيح احنا اخدنا الكلام وما اكلناش انا حسخنلك الالكل
احمد: انا مش عاوز اكل حاجة انا عاوزك تقومى تلبسي دلوقتى علشان حناكل برة انا وانتى النهاردة
مريم: لية يعنى اشمعنى
احمد : وهوة يعنى مراتى حزعلها واسيبها كدة يلا قومى
---------------------------------------
ياتري لو حصل خناقة وانتهت على كدة هل حد من الطرفين خسر حاجة؟؟؟؟؟

استنونا في الحلقه القادمة

هههههههههههههههههههههههههههههههههههه
لالالالا تلاقيك بس لسه صاحي من النوم



نورت يا بوبو

dodo كتب:

ايه ده ده د ه ده
رومانسيه بصراحه ورعه
واضح ان القصه هطول والعرض مستمر

الاول نورتي التوبيك طبعا

وثانيا
من ناحية هطول فهي هطول دي 30 حلقه
وان شاء الله هنتفق على ميعاد ننزل فيه الحلقات
انتي عايزنها كل اسبوع ولا مرتين في الاسبوع
ويا رب تعجبكم
وفي مسلسل تاني في رمضان جامد جدا هيعجبكم ان شاء الله

تحياتي للجميع

الحلقه التانيه

احمد ماكدبش خبر وولبس اشيك لبس عندة واخد مريم اللي كانت محتارة تلبس اية وبتنفي اجمل حاجة عندها وراحو مطعم جامد جدا على البحر وقعدوا هما الاتنين بعد ماطلبوا الاكل
احمد:عارفة يا مريم اقولك على حاجة يمكن ماتصدقنيش فيها
مريم : اية هيا يا حبيبي
احمد : تعرفي كنت زمان قبل ما اتجوزك واعرفك كنت باجى اماكن زى دى كتير وكنت دايما بلاقي كل واحد معاه حبيبتة وفرحانين سوا وكنت دايما بقول لنفسي ياتري حيجى يوم والاقي نفسي قاعد مع حبيبتى اللي بحبها وبتحبنى ..بس تصدقي عمري ما اتخيلت انى حلاقي واحدة بتخاف عليا وبتقدرنى كدة زييك يارب نفضل نحب بعض كدة دايما
مريم:انت عارف انا كمان لما كنت بشوف اتنين مع بعض بيحبوا بعض كنت دايما بحلم انى اكون مع الانسان اللي بحبة من غير ما اكون خايفة في يوم او قلقانة وكنت دايما بصبر وبستنى اليوم دة يجى والحمد لله ربنا نولنى اللي في بالي ع الاقل انا احسن منهم وقاعدة مع حبيبي اجمل قاعدة واحنا متجوزين وحاسة معاك بالامان من غير اي خوف من اي حاجة تقف في طريقنا
احمد:سكت شوية صغيرة ...وبعدها بص في الارض نظرة حزن
مريم وهيا حاطة ايديها فوق ايدة: انا حاسة بيك يا احمد وعارفة كل اللي انت بتفكر فية
احمد:انتى عارفة يا مريم انا نفسيتى بقة وحشة جدا بعد الازمة المالية اللي الشركة باقة فيها وخصوصا وان بكرة خلاص حيصفوا نص اللي في الشركة واحتمال اكون واحد منهم والمدير حيحدد مين يفضل ومين يمشي كلة دلوقتى بيحارب كلة وانا موقفي صعب جدا ومش عارف حعمل اية لان علاقتى بية مش قد كدة مابعرفش اكلة بالكلام ولا بعرف اتخابث واكسبوا زى اغلب اللي في الشركة
مريم:لية يا حبيبي التشاؤم دة ربنا انشاء الله حيحلها من عندة بس بلاش تحبط نفسك كدة
احمد:انا مش خايف من حاجة غير على ابننا انا وانتى اللي جاي في السكة دة كمان شهر عاوزة يعيش احسن عيشة كفاية انة حيكون من مراتى وحبيبتى ..يارب اغنينى من حلالك وافتحلنا ابواب رحمتك
مريم :ماتخافش يا حبيبي انا اهو جنبك وبشجعك وانشاء الله انت قدها ..انت عبقري وحساس وانت بنفسك ياما قلتلي ان زمايلك ومديرك مؤمنين بيك وبعدين كل اللي نجحوا في حياتهم نجحوا لما اتحطوا تحت ضغط فهموا كل حاجة وانا مؤمنة بيك يا حبيبي وحاسة انك حتفضل ومش حيقدروا يستغنوا عنك وبعدين انت مش حاسس بقيمة نفسك ولا اية
احمد اتحمس جدا وقالها ربنا يخليكى يا مريم بس كل اللي في الشركة زى مانتى شايفة شغالين فيها بقالهم عشر سنين وانا مجرد واحد جديد كدة اتحطيت في وسطيهم ودة اللي مخوفنى
مريم: يا احمد استعذ بالله انت بتعمل اللي عليك و بتجتهد اما التوفيق دة من عند ربنا وبعدين احنا اية اللي خلانا نبطل نصلي فاكر اول ايام جوازنا لما كنا بنصلي الفجر سوى وكنت دايما بتصحينى ونفضل نقرا قران لحد الشروق
احمد : فاكرة الايام الجميلة دى
مريم: طبعا يا احمد وهوة في ايام معاك مكنتش جميلة؟؟..احنا حنروح النهاردة نصلي الفجر وندعى ان بكرة يكون اجمل يوم
احمد:دة اهم يوم في حياتى ..انا مش حنام.. عارفة كلامك دة بيخلينى عاوز اكسر الدنيا وابقي احسن واحد في شغلي وبحس بجد انى اتجوزت انسانة بالدنيا دى كلها
مريم: يووة يا احمد احنا اتكلمنا كتير ونسينا الالكل برد هوة احنا مش مكتوبلنا ناكل النهاردة ولا اية مرة يا خدنا الكلام بالعراك والمرة التاية بكلامك الحلو دة...
وبعد ما اكلوا وبعد فترة من القاعدة الرومانسية الجميلة وتبادل الكلام الحلو اخدوا بعضهم وركبوا العربية علشان يروحوا لبيتهم هما الاتنين ..
احمد:السكة فاضية لية كدة النهاردة
مريم:بحب اوى الشتا بتاع بلدنا اسكندرية وفي اخر شهر يناير بيبقي احلى وقت تمشي بية بالعربية ع البحر..ماتيجى نطلع ع البحر شوية يا احمد وحشنى منظرة على الحقيقة
احمد: الحقيقة ..!! اية يابنتى قناة الجزيرة اللي انتى عايشة فيها دى بس ولا يهمك يا روح قلبي البحر واللي حيودوكى البحر تحت امرك في اي وقت
احمد طالع ع البحر وهوة ماشي بسرعة جامدة علشان الطريق فاضي
مريم: تصدق يا احمد انا سقعت جدا ممكن تناولنى الجاكيت بتاعى من الكرسي اللي ورا مش عارفة الف علشان البيبي
احمد : لا علشان خاطري ماتلفيش لحسن يجرالة حاجة ...
واثناء ما احمد بيلف وهوة كان سايق ومهدى وباصص وراة رجلة فلتت على البنزين وداس جامد وفجاءة ماحسش بحاجة غير ان العربية خبطت في عمود نور وبسرعة مريم اتلفت جنبها لاقت احمد مغمى علية وفي دنيا تانية
مريم: احمد فية اية سمعنى
وهيا بتهز ايدية .....احمد يانهار ابيض وحياة اللي بينا رد عليا طمنى عليك
وقعدت تكلم نفسها وهيا متوترة جدا : يارب مفيش مستشفي قريبة واحنا الساعة 3 ونص اتصرف ازاي يارب استرها يارب يارب استرها معانا يارب
مريم اتصلت باخوها ع الموبيل وقالتلة تعالي بسرعة احنا عملنا حادثة الحقنى اجري وتعالي حالا
اخو مريم جة بسرعة واخدهم وراحو ع المستشفي
وصلوا لحد المستشفي و دخلوا احمد الطوارئ و فضلت جنبه مستنيه برة واخوها معاها لحد مالدكاترة يطمنوها وخافت ساعتها تبلغ اهله وتقلقهم باليالي
احمد بقة حالته خطرة جدا دة الكلام اللي بيتداول بين الدكاترة جوة ورجلية مش بخير وفيها كسر كبير ممكن يحتاج لعملية ...
الساعة جت 8 ومريم قاعدة برة مش عارفة تعمل اية ومانعينها من انها تدخل ومش عاوزين يقولولها حاجة ..احمد حبيبي ياتري حيجرالة اية... يانهار ابيض المفروض يكون في الشغل من ساعة ...شغل اية يتحرق ..انا السبب ..طيب اعمل اية ..كدة احمد ممكن يترفد دة النهاردة يوم تحديد مستقبل ياتري انا بايدى اية
تفتكروا مريم ممكن يكون في ايديها حل لكل المشاكل اللي حصلت فجاءة؟؟
تفتكروا ممكن يجري اية....ياتري فعلا هيا السبب ..تفتكروا حيزعل منها لو اترفد او جرالة حاجة

الحلقة التالتة مليانة مفاجاءات

انتظرونا يوم الخميس القادم وحلقه جديده

الحلقه 3

مريم قلقانة وحاسة ان الموضوع كبر جدا ومش عارفة تعمل اية طول الليل كانت بتكمل ختمة القران اللي بدأتها وبتصلي وبتدعى ان احمد ربنا يقومة بالسلامة واخوها فضل معاها لحد ماطلع النهار ..الساعة جت 8 وهيا قلقانة جدا وفكرت في قرارة نفسها وقالت ما انا لازم اتصرف واشوف حل اة صحيح انا نسيت ..نسيت ان موبيل احمد جوة وفية كل النمر بس مش ينفع اروح اخش عليهم وهما جوا...انا لازم ابعت اخويا ياسر يروح للشركة ويحاول يشرح للمدير اللي حصل واكيد هوة هيقدر الموقف
مريم ما كدبتش خبر وبعتت اخوها ياسر الشركة اللي بيشتغل فيها احمد وهناك احمد سئل عن مدير الشركة وكانت المفاءجئة ان كل الموجودين في الشركة قالولوا ان المدير ماجاش النهاردة ..ياسر اطمن وسئل عن موضوع تصفية مهندسين الشركة وفقالولوة ان المدير ساب ورقة متعلقة في استراحة الشركة فيها اسماء كل الموظفين والمهندسين اللي حيفضلوا في اماكنهم وحيكملوا ...ولان ياسر قلق هوة كمان جدا جري بسرعة للاستراحة وفعلا قعد يقري الورقة وكانت المفاجاءة الكبيرة ان اسم احمد مش من ضمن الناس اللي اختيروا انهم يفضلوا في اماكنهم ..ياسر حس هوة كمان بالقلق خايف يقول لاختة ويحصلها حاجة ..ياتري احمد لو عرف وهوة في الظروف دى حيعمل اية ..حلها من عندك يارب...
مريم تعبت جدا لما عرفت الخبر من اخوها دة غير انها مش قادرة خالص وحاسة ان الحمل قرب وانها حتولد حلاص دلوقتى مش عارفة تعمل اية وخايفة تكلم اهلة اللي مايعرفوش اي حاجة لحد دلوقتىواحمد مفيش اي اخبار عنة غير كل شوية يطلع دكتور يقول ماتقلقيش احنا سيطرنا على الوضع واللي كان مصبر مريم دايما هوة ايمانها بربنا وبأن ربنا اكيد جيقف معاهم
الساعة باقة واحدة الضهر والدكتور الكبير طلع من الغرفة اللي فيها احمد و هوة وشة مستبشر خير ..جريت مريم علية وهيا بتتأوة من شدة التعب وخصوصا وانها مش قادرة وحاسة ان هيا كمان حيغمى عليها وهيا بتقول بلهفة : خير يا دكتور طمني بجد في اية احمد بقي كويس ؟؟
الدكتور قالها احمد الحمد لله احنا عملنا العملية ولحقناها بسرعة شوية جروح بسيطة اللي موجودة دلوقتى ويوم او يومين وحيرجع زى الاول والفضل يرجع ليكى انك جبتيه في الوقت المناسب قبل مايفوت الاوان
مريم: الحمد لله يا دكتور انا بجد مش مصدقة نفسي-قالت الكلمة دى وهيا عيونها مليانة دموع كتير ..وبعدها قالت للدكتور ...يعنى انا اقدر اخشلة دلوقتى ؟؟؟
الدكتور قالها اكيد طبعا وتقعدى جنبة كمان بس هوة ادامة ساعتين لحد مايفوق وانصحك ما تحاوليش تصحية او تفوقية الا لما يفوق من نفسة
مريم : حاضر يا دكتور يا منت كريم يا رب ..الحمد لله على كل شئ
مريم فكرت وحست ان البيت مفهوش فلوس واتصدمت لما عرفت تكاليف العملية وان الي شيلينة مايقديش الفلوس دى وحست انها اتحطت في موقف صضعب خصوصا وانها مش عاوزة حد من اهلها او من اهله يعرفوا وكفاية ان ياسر اخوها بس هوة اللي يعرف ووصتة مايقولش لحد
مريم راحت في مشوار سري الى الجواهرجي وباعت كل شبكتها وذهبها قبل ماتزوج وما سابتش الا دبلة زوجها لأن عليها اسم احمد.. يارب المبلغ ده يكفي العملية
أكيد احمد حيرفض في البداية بس ح احاول أقنعه بس يارب ما يعملهاش مشكلة

دفعت مريم تكاليف العملية كلها و قعدت في الغرفة اللي نايم فيها احمد على كرسي وهيا تعبانة ومنهمكة جدا الحمل وسهر طول الليل وتعب وارهاق اتحملت كل دة لوحدها وفي عز الظروف الصعبة جدا دى
مريم تعبت جدا لحد مالقت نفسها بتنام على الكرسي دة ومش حاسة بنفسها
وبعد شوية احمد ابتدى يفوق ولقي فجاءة مراتة قاعدة ع الكرسي ورايحة في النوم وهيا جنبة قعد يفكر فيها وهوة باصص في وشها ..ياة الست دى تعبت معايا جدا ...احمد قام من على السرير بصعوبة جدا وبذل كل جهدة وراح لمريم علشان يبوس راسها ويبوس ايديها ..مريم اتفجعت جدا واخدتة ع السرير وقعدت جنبة وهيا بتزعق فية انت اية اللي اومك وانت في الحالة دى
احمد : لو مكنتش حقوم علشان حبيبتى وروح قلبي مراتى اللي واقفة جنبي ومال حقوم علشان مين
مريم: ماتقولش كدة يا احمد دة واجب عليا انت لسة تعبان لحد دلوقتى
احمد: مسك ايديها وقالها ربنا يخليلي ايدك الجميلة اوى دى اللي طول ماهيا في ايدى مش حاسس بأي تعب ..
احمد: الشغل حصل فية اية انا قلقان
مريم : سكتت وعيونها كانت فضحاها..انت في اية ولا في اية يا احمد اهم حاجة انك قومت بالسلامة دي بالدنيا كلها
احمد: وهوة في حالة انهيار وماسك دماغة: انا كنت متاكد من كدة انا مليش حظ انا تعبت وخسرت كل حاجة وانا خسرت ثقتى فى نفسى وشكلى أمام الكل وخسرتك معايا كل حاجة
مريم رددت بمرح: الكل مين يا بنى ؟ أنا بس اللى عارفة الموضوع ده . ...وبعدين تفتكر شكلك ح يتهز قدامى من محاولة خسرتها ؟! ده انت الدنيا ومافيها يا حبيبى وفداك العلم كله وبعدين احنا عملنا اللي علينا سيب بقي الباقي على ربنا مش حيخذلنا

احمد ماعرفش يبص في عينها وأشاح وجهه عنها: أرجوكى يا سارة انتى بتزودى احساسى بالذنب بكلامك ده .......أنا خذلتك
- فأخذت مريم تقرأ آيات القرآن على جبينه كى يهدأ .....وبتطلب من الله القوة والعون علشان ماتنهارش ادامة .....من يقول على المرأة أنها أضعف من الرجل ؟! دى مطلوب منها أن تكون زوجته وحبيبته وأخته وصديقته وأمه أيضا .
احمد: بعد ما هدى من كلامها ..انا مش عارف من غيرك يا مريم كنت حعمل اية انتى احن واعظم انسانة في الدنيا عمري ماتخيلت ان مراتى حبيبتى تقف جنبي بالشكل دة...عارفة يا مريم ربنا يقدرنى بجد وما ازعلكيش ابدا طول حياتى يارب تقومى انتى كمان بالسلامة وتجيبلنا بنتنا الجميلة اللي حتكون جميلة وطيبة زييك كفاية انها حتكون منك من احلا واطيب واعظم مريم في الدنيا
مريم: يابنى قول انشاء الله وبعدين هيا لو حتطلع حلوة فدة لان ابوها زي القمر
احمد: عارفة يا مريم حاسس انى بحبك لدرجة انى نفسي اشيلك من على الارض اللي بتمشي عليها مش عاوز اي حاجة في الدنيا تتعبك وبعدين جهزى نفسك بقي الايام الجايا مفيش مطبخ ولا في وقوف على رجليكى انتى حتفضلي ع السرير وانا اللي حعمل كل حاجة وبعدين الحمد للة انا بقيت صايع دلوقتى لا شغلة ولا مشغلة يعنى حفضل جنبك ليل نهار
احمد: ياتري مين اللي بيتصل بيا من النمرة الغريبة دى
احمد: الو مين معايا..
مريم : قاعدة جنبة وقلقانة وخايفة واحمد كل كلامة ساعتها في التليفون ...اة اة ايوة ايوة حاضر ماشي
وبعد ما انهى احمد المكالمة: مريم فية حاجة حصلت
مريم في خوف: في اية يا احمد
احمد وهوة حيموت من الفرح: المدير اتصل بيا وبيقولي انهم رفدونى من وظيفتى مهندس مساعد وقالولي انى ما استحقهاش وان النظام الجديد في الشركة بيتطلب انى اكون مدير قسم المهندسين في الشركة ودى فيها ضعف المرتب اربع مرات شفتى انتى وشك حلو عليا ازاي
مريم: مش انا قلتلك يا حبيبي طول ما احنا بنعمل اللي علينا وبنراعى ربنا ربنا مش حينولنا حاجة وحشة
انا بقي دلوقتى فخورة بجوزى حبيبي
احمد: مريم جوزك دة اللي انتى شايفاة ادامك لو قال في يوم انة انسان ناجح فدة بفضلك انتى وعلشانك انتى وبس وانا من غيرك مكنتش عملت اي حاجة
مريم: ماتقولش كدة يا حبيبي دة انت اغلي حاجة عندى وانا وانت واحد انت كنت متاكدة ان ربنا حيوسع رزقنا
احمد: دة مش رزقنا احنا دة رزق بنتنا اللي جاية في السكة دى هما مش بيقولوا البنات رزقهم واسع
مريم: الحمد لله يارب كنت خايفة جدا

تحياتي