ساعدنى على وداعك ياملاكى

ليتنى استطيع سماع صوتك من جديد
واعلم اننى لن افعل ابدا
مرت ايام كثيرة وانا امسح دموعى
لما لا يمكن للماضى ان يموت وحسب؟؟؟
وانا اعلم انه علينا وداع بعضنا
حاول ان تغفر وتعلمنى ان احيا
لا مزيد من الزكريات
لا مزيد من الدموع الصامتة
لا مزيد من التحديق خلال الاعوام الضائعة
ساعدنى على وداعك يا ملاكى


بصراحه يا روقه مش عارف اقولك ايه لو قولتلك تسلم ايديكي يبقى بظلمك وربنا
وعلى فكره لو دا من تأليفك وعد مني اني هطالب بعمل قسم خاص لكتاباتك
مقدرش اقولك غير ارفعلك القبعه

انا عندى موضوع كمان انا كتبتة على الورق وبس لسه ماكتبتة على الكمبيوتر
بجد لو عجبكم يبقى الحمد لله
انا هاوية مش بلتزم بقواعد معينة ومش بكتب دايما
بس
انا بحب اكتب عن الحاجة اللى بتعجبنى
بس انا عندى اقتراح لو تعرف تفتح قسم للرسم
ده بجد يبقي روعة
واكثر من روعة
وبجد شكرا

شكرا اليك
بس انا موهبتى الاولى الرسم
وشكرا ليكم انتم على المنتدى بتعنا

روقة كتب:

شكرا اليك
بس انا موهبتى الاولى الرسم
وشكرا ليكم انتم على المنتدى بتعنا

لا شكر على واجب اهم حاجه فعلا اننا نقدر نفيدكم وتقضوا وقت سعيد معانا
وربنا يخليلك الموهبه الجميله دي
كدا ممكن نقدر نقول اننا عندنا فنانه بقلب جااااااامد

رووووووقه
انا الاول بهنيكى على موهبة الرسم دى
وياريت اشوف اى حاجه من رسوماتك
انا على فكره فى كليه تريه فنيه
وبحب اللى بجد عندهم مواهب فى الرسم وبيرسموا كويس مع انهم مش دارسين
تانى حاجه بقى
انا بعتذر ليكى انى هاقول كدا
انا عارفه الاغنيه دى
دى اغنيه اجنبيه فعلا دى الترجمه بتاعتها
انا كنت بعمل عليها سيرش ولاقيت كلامتها هنا وسجلت عشان اكلمك مخصوص وترفعيها
ياريت فعلا لو عندك ارفيعها لانى مش عارفه اوصلها خاااااااالص

سندريلا المستقبل كتب:

انا كنت بعمل عليها سيرش ولاقيت كلامتها هنا وسجلت عشان اكلمك مخصوص وترفعيها
ياريت فعلا لو عندك ارفيعها لانى مش عارفه اوصلها خاااااااالص

اولا برحب بيكي في منتدانا
وثانيا
انا عملت سيرش على اليو تيوب وعلى جوجل لا لقيت كلمات مشابهه ولا اغاني
وكمان دورت في موقع lyrics
الى المفروض عليه جميع كلمات الاغاني الانجلش مفيش حاجه
يا ريت انتي لو تعرفي مين الى بيغنيها
تقولي عليه واحنا نجيبها مفيش مشكله

تحياتي

اهلا بيكي مره 2 معانا في المنتدى

سندريلا المستقبل كتب:

انا نفسى مش عارفه
والحاجه الوحيده اللى لاقيتها للاغنيه دى الكلمات اللى هنا
بس والله اانا لسه سامعها فى فلم من يومين اجنبى وجعبتنى جداااااا
وهو الفلم كله كان غنائى اصلا
والاغنيه دى كانت دويتو
بين اتنين ولد وبنت
وكانت بتغنيها فى المقابر
هاحاول اوصلها والله او اعرف اسم الفلم حتى ايه وهاقولكم
ولحد ما يحصل دا
انا بعتذرلكم جدا على اللى حصل
وياريت تعتبروا كلامى اكنه ما اتقالش
وانا اسفه بجد لانى بوظتلك الموضوع يا روقه
بس انا مش جايه ابوظه والله ولا دا كان قصدى
وكمان انا مش بكدب
وبجد انا سعيده جدا انى اتعرفت عليكم

من غير اعتذارات ولا حاجه طبعا اهلا بيكي في منتدانا واي عضو اهلا بيه
وبعدين مفيش زعل ولا حاجه واكيد بردوا مسدقينك من غير حلفان
وبالنسبه للاغنية مفيش غير حل من 2 يا اسم الفيلم يا اسم المطرب
لان بأسم الاغنيه مش لاقي خالص
ولـــ2 مرا نورتني المنتدى

اولا مافيش داعى للاسف وانتى تشرفى فى منتدانا فى اى وقت
وثانيا انا كتبت موضوع تانى امس وياريتك تدخلى وتشوفيه واتحداكى انك تكونى قراتيه او شوفتيه قبل كده
وعلى فكرة
انا بهدى الموضوع ده للمنتدى
واما بخصوص الموضوع اللى انتى علقتى عليه انا ماقولتش انى انا اللى كتباه لوحدى انا كل اللى عملتة
انى اخترت العنوان والفت فيه بعض السطور ورتبته بس الموضوع ده كان عند انسانة عزيزة عليا جدا
هى كانت ذى اختى وللاسف انا مش هقدر اسالها ان كانت جيباه من على النت او حتى جيباه من فيلم
لان المهم فى كده ان صدقت شعورها وكلماتها وحسيت انها صادقة بجد
واما بخصوص موهبة الرسم
انا بس مستنية واحدة صاحبتى تيجى من السفر علشان هى عندها سكنر
واوعدك انك هتلاقى رسوماتى قريبا على المنتدى
ولو فى حد عايزنى ارسملة صورة يبعتهالى هو بس فى رسالة وانا اوعده انها فى مسافة اسبوع
هتكون على المنتدى
وبجد شكرا ليكم على مروركم