تحذير للبنات!!!!!

دى اشهر جمل الشباب بتضحك بيها على البنات بس على مين ......

1- حبيبتى انتى عارفه انا مش بحب حركات الشباب الطايش انا أصلا مبكلمش بنات
(وتلاقيه يعرف طوب الارض )


2- يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)


3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )


4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده , وكأًن كل بنات الدنيا مخلوقين علشانه)


5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )


6- يااه يا حبيبتى انتى تؤمرى وانا انفذ اللى انتى عايزاه اجيبهولك
(فى المشمش)


7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)


8- هكلم باباكى اول ما اكون نفسى
(موووووووووووت يا حمااااااااااار)


9- عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


10- حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)


11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه بس احب اطمنك مفيش حد بره مصر عرف الموضوع ده )


12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهو اساسا ماعندوش عربيه و اكيد ماعرفش يزوغ بعربيه باباه)


13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)


14- ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)


15- فلان قالى اديله رقمك بس انا قلتله اقتلنى قبل ماتاخد رقمها منى
(ياااااه على التضحيه وهى ياعينى رقمها مع مخاليق ربنا كلهم)


16- حبيبتى عايز صورتك عشان قبل ما انام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)


17- اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)


18- اسف يا حبيبتى انى مقدرتش اجى فى الميعاد امبارح كان عندى ظروف صعبه
(معزور الولد افتكر ميعاد البنت التانيه اللى بقاله 3 اسابيع مأجله)

19- عارفه يا حبيبتى انا طول الليل منمتش قاعد بفكر فيكى
(بس على مين ترد عليه تقوله : امال مين اللى كان نايم و مبيردش على التليفون بس كالعاده الرد جاهز ......... ياه انتى تقصدى الخمس دقايق الى نمتهم دول ؟ دول من كتر التفكير فيكى جالى غيبوبة)


20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

ـــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــ

عشر جمل الولد بيقولهم للبنت بس لما يزهق منها وعايز ينفصل عنها لما يشوف واحده احلى منها

1- حبيبتى انا ماستهلكيش
(هيييه وهو ده حال الدنيا , الولد بيضحى علشان الدكتور قاله هاتموت الاسبوع الى جاى فامش لازم يعذبها معاه)


2- انا بعمل كده علشانك انتى
(ايوه ماحنا عارفين باباها قاله لو ماسبتهاش هاحرمها من الميراث)


3- انا هاسيبك علشان مش عاوز اى حد يتكلم عليكى نص كلمه
(ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)


4- انا مش عاوزك تزعلى منى
(ياراجل وانت لما تسبها هتعمل فرح وتدبح عجلين يعنى ؟ لاه والنبى هتفرح وتزرغط الواد سابنى لولولولولولولى الواد سابنى انا فرحانة)


5- انا هاهاجر ومش عارف هارجع امتى
(قصدو مش عارف هيخلص مع البنت التانية امتى )


6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب مصر)

7- انتى احسن حد عرفته فى حياتى بس مش هاينفع نكمل
(ترد هيا بقى وهي بتعيط ئهئ ئهئ ئهئ ليه ليه ليه ....... يقولها حبيبتى اوعى تعيطى انا مقدرش استحمل دموعك .... وبردو مايقولهاش)


8- انتى اكتر حد حبيته فى حياتى بس برده زى ماقولتلك مش هاينفع نكمل
(سايبلكم انتم التعليق لانو معروف)

9- حبيبتى انا اكتشفت ان مافيش مابينا حاجه متشابهه
(على اساس انو الاول كان متشابه معاها فى لون شعرها ,,,,, هو يقصد انو اكتشف بنت جديده جامده موووووت)

10- والله ياحبيبتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لاء ماهو واضح واحنا كلنا مصدقينك)


........................................................................

بالظبط يا ملعم القاضي جاب المفيد الى من القلب بيبان