ماذا لو .........؟

اتمنى ان اغمض عيني واسير ولا انظر الى الخلف

ما دام قد اصبح من الماضي فاتمنى ان يغرق في النسيان

شكرا هبة موضوع جميل

طالما ماضي يبقي منتهى الصدق مع نفسي انى امضى ولا كأنى شفته او اعرفه اصلا ولو عكلت غير كده اكيد مش هكون صادق مع نفسي اطلاقا في انى اعتبره ماضي ومشكورة علي الموضوع الجميل

أنا مع المهندس إن اللي يحب بجد عمره ماينسي حبه ولا ملامح حبيبه ولو كنا سبنا بعض عشان جرح فالحب الصادق بيداوي الجراح مهما كبرت أما لو كان نصيب فمعانى الحب أسمي من إنها تكون جواز وبس

لأ بس خلاص طالما بقي ماضي يبقي ملك لحد تانى وانا كده يبقي بتعدى علي حقه وانا ما ارضهاش لنفسي واللى مش هرضاه لنفسي اكيد مش هرضاه لغيري احنا طبعا مش هنقدر نكتم مشاعرنا بس بردو لازم عقلنا يكون المتحكم الاول فينا تحت اى ظرف من الظروف

معاك بس لو ماكنش ملك لحد تاني

ما هو لو مش ملك لحد تانى اكيد انا هبقي ملك لحد تانى ودى تبقي خيانة وانا مش هقبلها ولو انا وهو مش ملك لحد التانى يبقي مش هيكون ماضي اكيد انا هحاول استمر معاه مهما حصل واحاول ارجع اللي فات ومش هعتبره ماضي لأن ماضي معناها ان في حاضي يعنى في غيره وهو الاحق بالتفكير فيه والنظر ليه من اي حد تانى

طيب مثلا أنا كان ليا علاقة بشخص وإتقدملي وأهلي رفضوا وقررنا نبعد عن بعض وكفايانا ذنوب ومشي في الحرام ده يبقي ماضى ولا لسه حاضر سؤال للباشمهندس ميدو

ده علي سبيل المثال أنا مليش علاقة بحد بعتبر كل الشباب إخواتي محدش يفهم غلط

صراحة كده احرجتيني بس بردو طالما اترفض يبقي ماضي واكبر دليل انك بتقولى قررتو تبعدو يعنى حتى مجرد التفكير مش ممكن كمان يكفيني انك قلتى ذنوب ومشي في الحرام معنى كده ان ده غلط وانا مش بختصك انتى انا بتكلم بصفة عامة لأن واضح انك شخصية كويسة ومش من الناس دي انتى كده بتوافقى علي رأيي من غير ما تاخدى بالك وكمان في حاجة صغيرة كده انا اسمى محمد يا ريت بلاش كلمة ميدو لأن ده اسم التسجيل بس

عارفة إن إسم حضرتك محمد وأسفة أني بناقش حضرنك كتير بس أنا مبهورة برئ حضرتك إزاي معندكش إخوات بنات ورئيك كده في حين إن في شباب كتير عندهم إخوات بنات وبيمشوا مع بنات وكتير منهم بتيسلوا مع إن معروف كما دنت تدان بس للأسف محدش بيفهم كده

وحاجة تانية ماشى حرام بس كلنا بنغلط وكلنا بنعمل حاجات غير دي المهم نتوب لربنا ونرجع إبن أدم خطاء بالفطرة وإحنا مش ملايكة علشان كده أنا مش هحاسب أي حد عن ماضيه طالما كان نيتوا خير وعرف خطأه منه ربنا بيقبل التوبة فأكيد ماروحش أنا احاسبه. شكرا لرئيك فيا بس أنا مستاهلش ده كله أنا إنسانة عادية

اولا انا فرحان جدا بمناقشتك وبرأيك لأن رايك بيقول انك شخصية كويسة وفي البنات عموما صعب الاقي بنت تفكر تفكير زى ده اغلبهم هايفين الا من رحم ربي وقلت قبل كده انا بعتبر كل زميلاتى فعلا بجد اخواتى كلهم بلا استثناء ومش لازم يكون ليا اخوات بنات علشان افكر كده لأن علي ما اعتقد دى مسألة مبداماشي عليه طول عمرى وكمان انا متأكد انك تستاهلى اكتر من اللى بقوله عليكي فعلا ربنا يبارك فيكي

ده كتير.لا تعليق

ربنا يبارك فيكي فعلا