هما الشباب جرالهم ايه؟؟

سلام عليكم
ازيكم يابشمهندسين وبشمهندسات
طبعا جات في بالي فكره وبعد موضوع م.احمد عويس
الي الكل علق عليه وزعل ناس كتير
قولت اعمل واحد زي نفس الموضوع
بس المره دي بقي هقول

هما الشباب جرالهم ايه؟

ايه رايكم في حال الشباب طبعا المره الي فات كانت علي البنات بس
بس زي ما احنا بننتقد البنات بردوا نشوف الشباب بيعمل ايه ماهو بردوا الشباب مش ملايكه وبنات هما الشيطاطين
زي ماهنا في الحلو والوحش
اكيد بردوا هناك في الحلو والوحش وده حال اي مجتمع
نشوف بقي شويه من الي الشباب بيعمله
ونبدا
كل واحد فينا كده فكره هو ليه بيسقط البنطلون بتاعه فكر في شكله فكر الناس بتتكلم عليه ازاي
وكل واحد شايف نفسه كده هو معلق في رقبته سلسه زيه زي البنات ولا الي لابس في ايده حظاظه او نقولها بقي كده انسيال زي البنات بردوا
طيب ايه اريك في الشباب الي طول ماهو واقف مش سايب بنت في حاله
تقولي ياعم ماتشوف هي لبسها شكله ايه ياعم انت مالك ماتخليك في حالك
طيب ايه رايك في الي بيعاكس واحده بتكون ملتزمه حجتك ايه في دي
طيب كل واحد فينا فكر كل مايمشي في مكان يسمع الفاظ دائما عجيبه واقذر وافظع الالفاظ طيب انت كده مش بضايق غيرك
افرض اختك او امك او بنتك مستقبلا ماشيه في نفس الوقت تحب انها تسمع الكلام ده هتقول لا امال ليه طول ما انت واقف في الشارع مش محترم نفسك
ده حاجه بسيطه من الي موجود في مجتمعنا
فاذا كانت البنات كائنات غريبه فالشباب كده اغرب
او هو تناقض في الشخصيه هو ليه كل واحد عايز الطرف التاني هو الي يبقي صح كل واحد يشوف نفسه
وفي الاخر النتيجه واحده ان الكائنات الغريبه فعلا موجوده في البنات والشباب
مش طرف واحد منهم بس
والان السؤال لكل واحد ايه رايك في الموضوع
انا عرضت الموضوع وياريت اسمع ناقش جاد في مضمون الموضوع وياريت مش نخرج عنه وانا ده عملته ردا علي موضوع البنات جرالهم ايه لان ده وده موجود في المجتمع
والمفروض يكون العنوان الصح
هو الناس جرالهم ايه
او المسلمين اتغير حالهم ليه
كل بنت او شباب تسال نفسها هو كده ربنا راضي عنه تخيل لو الرسول عليه الصلاه والسلام موجود حاليا هيكون راضي عنك اوعنها ؟؟؟؟
ده سؤال بنطرحه بردوا كل واحد ادري بحاله ونفسه؟
ولذلك واجب علي كل مسلم ان ينصح اخواته من المسلمين سواء شباب او بنات ولكن دون تجريح فاحيانا نحتاج قليل من التوجيه ولان كمان في حاجه بنبقي غافلين عنها محتاجين بس تنبيه صغير عشان نرجع
مستني ردودكم

طبعا كل كلمة هتقولها يا أس زي الفل بس لو هنعمم بقا نقول
هوا العالم جراله إيه

ليه ماعدناش قدرين يكون لينا مكانة ولو حتي علي كرسي بلاتك بين دول العالم

وهوا دول الشرق الأوسط جرالها إيه

ليه كل قمة الشيء الوحيد إللي بنطلع منها بيكون إتفاق علي معاد القمة إللي بعدها

وهوا علماء العرب جارلهم إيه

لما كل واحد ربنا يرزقه بمعلومة يروح ينشرها برة ويسيب بلده مليانة بصمجية

وهوا شيوخ العرب جارلهم إيه

لما ماتلاقيش إلا عدد قليل منهم بيطلع يوضح الإسلام الصح برا في دول محدودة

ليه مافيش مشايخ معاهم لغات زي الدنماركية والنرويجية ويطلعوا في بعثات لتوضيح دينا ليهم بدل ما نسبهم علي عماهم وأخرتهم تبقي سودة بإذن الله

وهوا الرجالة العرب جرالهم إيه

لما يكون الراجل عمره 50 و60 سنة وهوا حصيلة أعماله زي مايكون لسة مولود

وهوا الوالدين جرالهم إيه

ليه بيكون إهتمام الأهل إن أولادهم يكونوا مولودين وفي بقهم معلقة دهب ويطلع الأولاد عالة علي المجتمع

وهوا الناس جرالها إيه

ليه الناس مابتسبش حد في حالة ويسيبوا الحساب علي رب يوم الحساب

وهوا العائلات جرالها إيه

ماحدش بيسئل علي قريبة

وهوا المجتمع جراله إيه

لما ماتعديش مسافة 100 متر إلا وتكون سمعت ألفاظ يدنى لها الجبين

إعذروني بس لو كنا عايزين نبقا سادة العالم ففي 3 حلول

يا نعمل زي ما هتلر عمل الهولوكوست ونبيد الناس إلي شوهوا صورتنا قدام العالم

بس الناس دي عددها قد يصل إلي حدود 50 مليون ومن بينهم الكائنات الغريبة دي إللي إسمها شباب وبنات

أو نصلح نفسينا وإللي نقدر عليه

صحيح مش هنعرف نصلح الكون بس علي الأقل نصلح إلي نعرفهم

وإن الله لا يغير ما بقوم حتي يغيرا ما بأنفسهم

وكفاية كدة عشان أدخل أناملي ست سبع تمن تسع ساعات

السلام عليكم ورحمة الله وبركاته

صح كدة الغلط موجود فى الاولاد والبنات لكن طبعا مش كلهم كدةوربنا يهدينا اجمعين يارب

شكرا لمرور الجميع
وتسلم يا ايمن علي ردك فعلا
وانت كده متفق معايا
ان المفروض هو الناس جرالهم ايه مش فئه معينه

وكل واحد شايف نفسه كده هو معلق في رقبته سلسه زيه زي البنات ولا الي لابس في ايده حظاظه او نقولها بقي كده انسيال زي البنات بردوا

اه والله لا وايه لو قولتله انها حرام وفيها تشيه بالنساء يقولك لا يعم ومش عارف ويجيب من الشمال ويحط في اليمين

كنا لسه بنتكلم في موضوع السلسله ده انهارده انصح الشباب والبنات يا شيخ اسامه بن لادن وينا يهدينا جمعيا

اسامه بن لادن مره واحده
ماشي ياعم ياريت حتي نعمل عشر جهاده
المهم نورت التوبيك ياريس واكيد السلسله ومثيلتها حرام
لعن الله المتشبهين من الرجال بالنساء والمتشبهات من النساء بالرجال
وربنا يهدي الجميع

الموضوع جميل فعلا يا اسامة تسلم ايدك بس لاحظ بردو الولد لما بيغلط عمرنا ما بنلتمس ليه عذر بالعكس ده بيكون غلطه اكبر من البنت لأن المفروض ان عقله وتفكيره اعلي بكتير من البنت يعنى البنت تغلط في طريقة لبس في صوتها العالي كده بس الولد فعلا لو في اي حاجة من المواصفات اللي انت قلت عليه بالنسبة ليا بيسقط من نظرى فورا ومش بتعامل معاه اساسا لأن في الحالة دى عمره ما هيكون راجل بجد في التعامل معاه

اكيد يامحمد لان المفروض ان الولد او بمعني تاني الرجل هو القائد وهو المتحكم احيانا في بعض الامور لانها تحتاج عقلانيه اكتر من العاطفه
فمهما كانت النساء فهم في الاخر تغلب عليهم العاطفه وهذه طيبعة البنت وليست عيب فيها وانما هناك بعض المواضع هي خاصه بالنسبه لها وتحتاج الي العاطفه زي ماالرجل يرجح العقل اكثر وهذه طيبعه ومن هنا وجد التكامل بين الرجل والمراه فكل منهم له مميزاته دون الاخر
فاذا حدث اختلال فذلك فاكيد بيحصل اشياء كثيره غير صحيحه يعني لما نشوف ولد تصرفات تقلبه علي بنات ده مشكله والعكس بردوا لما تكون بنت وعايزه تعمل دور رجل ده مشكله وهنا لاده بينجح ولا ده بينجح كلنا منا خلق لاشياء محدده وهي سنه الله في كونه
واكيد كل منا مش بيحب يتعامل مع شاب من النوعيه دي بس لازم الاول تنصحه قبل ماتقطع تعامه معاك جايز يتغير وتكون افادته
بس انا بردوا عايز اسمع راي البنات في الموضوع ده ايه رايهم في الشباب الي بيبقي بالمواصفات دي مافيش حد فيهم علق مستني ارائهم اكيد هيفيد الشباب ونظرتهم ليهم ايه

طيب يا شيخ اسامه اتنين شاي علشان القعده تح

لو

ماشي ياعم احمد روق بقي ياريس كده

شوف يا اسامه انا متفق معاك في موضوع ان الشباب جرالهم ايه لان اغلب الشباب دلوقتي بقى شاغل نفسوا بحاجات تافهه
كتير يدور على بنت يظبطها يقعد على شات ويضيع وقتوا في حاجات كتير اوي ملهاش لازمه مش هيستفيد منها حاجه
ودا طبعا ناتج عن التفكير الخطأ والطفولي

اما بالنسبه للاستاذ الى بيتكلم عن موضوع السلاسل والحظاظات وبيقول بيجيب من اليمين للشمال
هقلك على حاجه

هو قالي العرف اتفق على ان الحاجه دي حرام عرف مين الى قال الحاجه دي حرام
بيتكلم على اعراف مش في الدين
لو لفيت مصر كلها هتلاقي في كل محافظه عرف معين يعني البنت لو كانت مش محجبه في الفيوم
العرف هنا انها مش محترمه ولو رحت مثلا اغلب مناطق القاهره هتلاقي عادي جدا انك تشوف بنات كتيره مش محجبه
فأنا مش بعترف بحاجه اسمها عرف
اما بالنسبه لموضوع الحظاظات والسلاسل احنا بنقول انها حرام وخلاص عارفين هي حرام ليه بنقول تشبه بالنساء
وخلاص وكدا من غير ما نفهم ايه اساس الموضوع
1-الفضه حلال للرجال شرعا وبدون اختلاف طبعا
2- تحريم هذه الاشياء الاساس فيه الاعتقاد بأنها تجلب الحظ يعني لو حضرتك لبست الحاجات دي معتقدا انها بتجلبك الحظ هو دا الى حرام مش الحرام انها تشبه

اما بالنسبه للبس فانا هقلك على حاجه عورت الراجل من السره للركبه غير كدا فهو لم يخالف الشريعه
صح ولا لا ما دام البس محترم ومش فيه كشف للعوره خالص
ايه المشكله فيه يعني مكنش قلك البس ازواق

وانا اسف للاطاله واتمنى ان وجهة نظري تكون وصلت بشكل صحيح لان الموضوع دا بصراحه مينفعش فيه النقاش على النت ونكمل في الكليه

جميل ردك يا احمد بس انا بختلف معاك بقي في حاجه
افتح كتب الفقه
وهتلاقي قاعده كبيره
الثابت بالدليل ثابت بالعرف يخالف العقيده طبعا الي يعرف الكلام ده الي دارس علم شرعي
يعني ايه الكلام ده بقي
ايه هو زي الرسول
كان ايه مش كان ايزار وكان قميص (عبايه)وكان الغطره او العمه
تعالي انت بقي او اي حد فينا يقدر ينزل الجامعه بجلباب صح حرااااااااااام خالف العرف
وياخذ عليه اثم
كذلك الامر في العوره وموضوع السلاسل ال ذكرتهم يا احمد
اتمني تكون وضحت تلك القاعده الفقيه
والكلام ده مش من عندي او رايي ده من كتب العلم الشرعي وقواعد فقهيه كبيره بيدرس تحتها حاجات كتير وانا اوجزت جدااا
واسف علي الاطاله

والله يا اسامة انا معاك انه في ناس كتير من الشباب والبنات بيعملوا حاجات المفروض ميعملهاش مسلمين زي البنطلونات الساقطة والحجاب الاسباني اللي طلع جديد وفعلا المشكلة بقت الناس جرالهم ايه مش بس الشباب ولا البنات

وكلامنا كله بيبقى الهدف منه اننا نتغير ونغير اللي حوالينا للاحسن مش مجرد اننا نهاجم البنات وخلاص او نهاجم الشباب المختلفين معانا من اجل الهجوم بس
وبعدين يا احمد انت بتقول انه السلاسل حرام لو انت قصدك تشبه بس
طيب مادام الموضوع فيه شبهة مانبعد عنه احسن بدل ما نوقع في الغلط
وعموما يا اخي (اتقوا مواطن الشبهات)

اولا احنا خلاص قربنا.............هتسال قربنا من ايه؟
قلابنا من يوم القيامة
تعالي نقول حديث الرسول ونفكر بيه بعضنا
"لعن الله المتشبعين من الرجال بالنساء والمتشبهات من النساء بالرجال"
هو ده اللي احنا فيه واللي وصلنا ليه
اللعنة
واللعياذ بالله
البنت بتقلد الولد بلبس البنطلونات والولد بيقلد البنت
بيلبس سلاسل وانسيال وبيطول شعره ويعمل قصه ويحط توكة وخد عندك
اكتر من كده
يعني الرسول حرم علي المراة انها تعمل حواجبها وتبص تلاقي الشباب بيعملوها
ما تعرفش الدنيا مالها
علي فكرة انتو عارفين الحل فين؟

الحل عند الشباب وبس
هتقول متحيزة
هقولك لا
تعالي افهمك
الولد هو الاب والاخ
ازاي اب يرضي بنته تطلع ببلوزة قصيرة ولا جيب ضيق او شفاف
ولو الاب مشغول فين الاخ اللي بيشوف اخته واقفة بتضحك مع ولد ولا شعرة في راسة بتهتز
فين الكرامة
ضاعت ودي المصيبة
بصو الموضوع كبير ولو قعدنا للسنة الجاية مش هنخلص كلام

المهم
اننا نبدا ننفز مش نتكلم وبس
واسفة علي الاطالة

فعلا معاكي حق الاساس هو الاب والاخ

مين قال إن الأساس هوا الأب والأخ بس
ودور الأم إيه في الموضوع

والأخت إلي تنصح أختها راحت فين

لو هنتكلم عن السبب
تبقا الأسرة كلها كبيرها وصغيرها مسؤول عن خروج واحدة من الأسرة بالمنظر ده

وشكرا

البسمة والامل كتب:: اولا احنا خلاص قربنا.............هتسال قربنا من ايه؟
قلابنا من يوم القيامة
تعالي نقول حديث الرسول ونفكر بيه بعضنا
"لعن الله المتشبعين من الرجال بالنساء والمتشبهات من النساء بالرجال"
هو ده اللي احنا فيه واللي وصلنا ليه
اللعنة
واللعياذ بالله
البنت بتقلد الولد بلبس البنطلونات والولد بيقلد البنت
بيلبس سلاسل وانسيال وبيطول شعره ويعمل قصه ويحط توكة وخد عندك
اكتر من كده
يعني الرسول حرم علي المراة انها تعمل حواجبها وتبص تلاقي الشباب بيعملوها
ما تعرفش الدنيا مالها
علي فكرة انتو عارفين الحل فين؟

الحل عند الشباب وبس
هتقول متحيزة
هقولك لا
تعالي افهمك
الولد هو الاب والاخ
ازاي اب يرضي بنته تطلع ببلوزة قصيرة ولا جيب ضيق او شفاف
ولو الاب مشغول فين الاخ اللي بيشوف اخته واقفة بتضحك مع ولد ولا شعرة في راسة بتهتز
فين الكرامة
ضاعت ودي المصيبة
بصو الموضوع كبير ولو قعدنا للسنة الجاية مش هنخلص كلام

المهم
اننا نبدا ننفز مش نتكلم وبس
واسفة علي الاطالة

والله كلامك كله تمام وده اللي انا بقوله لان ازاكانت الام بتربي اولادها على داخل البيت فــ الرجل هو اللي بيربي الاولا على مواجه الحياه خارج البيت وممكن الام تكون مش فارقه معاها او مش واخده بالها فلازم يبقلا في اسس مجتمعيه يتربي عليا الابناء

وفعلا الهدف من كل المواضيع دي هيه التغير والتغير للاحسن والمفروض ان المواضيع دي وغيرها يحصل فيها مناقشه مش هجوم ودفاع

بنشكر كل الي ردوا ياجماعه
وشكر خاص جداااا
م. بسمه والامل وعندك حق في كل حرف
وكفايه كلام بقي
وده الي بنقول فيه من الصبح وياريت ننفذ بقي الكلام ده

البسمة والامل كتب:: اولا احنا خلاص قربنا.............هتسال قربنا من ايه؟
قلابنا من يوم القيامة
تعالي نقول حديث الرسول ونفكر بيه بعضنا
"لعن الله المتشبعين من الرجال بالنساء والمتشبهات من النساء بالرجال"
هو ده اللي احنا فيه واللي وصلنا ليه
اللعنة
واللعياذ بالله
البنت بتقلد الولد بلبس البنطلونات والولد بيقلد البنت
بيلبس سلاسل وانسيال وبيطول شعره ويعمل قصه ويحط توكة وخد عندك
اكتر من كده
يعني الرسول حرم علي المراة انها تعمل حواجبها وتبص تلاقي الشباب بيعملوها
ما تعرفش الدنيا مالها
علي فكرة انتو عارفين الحل فين؟

الحل عند الشباب وبس
هتقول متحيزة
هقولك لا
تعالي افهمك
الولد هو الاب والاخ
ازاي اب يرضي بنته تطلع ببلوزة قصيرة ولا جيب ضيق او شفاف
ولو الاب مشغول فين الاخ اللي بيشوف اخته واقفة بتضحك مع ولد ولا شعرة في راسة بتهتز
فين الكرامة
ضاعت ودي المصيبة
بصو الموضوع كبير ولو قعدنا للسنة الجاية مش هنخلص كلام

المهم
اننا نبدا ننفز مش نتكلم وبس
واسفة علي الاطالة

انا معاك جدا يا بشمهندسة انه الشباب والاباء هم المسئولون الوائل عن اللي بيحصل بس برضه فين دور الام وفين تدين والتزام البنت نفسها
للاسف الكل مشتركون في المصيبه دي
وياريت فعلا كلنا نبدأ ننفذ زمحدش يقول انا مفيش عليا حاجة اعملها

» حوار بين الشباب والبنات فى الجامعه