فضفضه

اولا شكرا مادو وطبعا العضوية دى للاستخدام فى الموضوع ده بس
وياريت نستخدم العضوية دى الاستخدام الصحيح والامثل وعدم المشاركه بها خارج اطار الادب والذوق العام
واى حاجه خارجه طبعا مش هوصى المشرفين

لو قلتلك ان انا مش عرفني
انا تهت مني
انا مش انا
هتضحك عليا ؟

ينقل لكلمات من القلب ويثبت

الموضوع جامد جدا والفكره مش كنت اعرفها من قبل كده
تسلم ايدك مادو

الف شكر ياجماعه بس يارب نستخدمها اصلا ونستخدمها صح

اولا اكيد هنستخدمو و هنستخدمو صح يامادوا ومتقلقش
حطفى بطنك بطيخه صيفى زى مابيقولو

انا مخنوق اوى ومش عارف اعمل ايه ولا ليا نفس اذاكر ولا ليا نفس اعمل اى حاجه حتى الدراسه حاسس انى مش هقدر اكملها تعبت واتخنقت فيه كورسات كتيره عاوزه تتاخد درجات ضايعه عندى يقين انى حتى لو ذاكرت مش هجيب تقدير معرفش انا تقريبا دماغى مشتته فكريا جوايا طاقه كبيره بس مبتطلعش غير فى اى حاجه تافه عمرها ماطلعت فى حاجه مفيده اعتقد كفايه كده بس معرف كنت عاوز اتكلم مع حد بس مش لاقى اى حد فقلت ادخل افضفض على فكره تقريبا ردودكم كلها هتبقى متوقعه

متشكر جدا على سعة صدركم وشكرا اوى يامادوا على فكرتك دى

بص انا لما بيحصلى كده بوقف كل حاجه بعملها كل حاجه اغير كل حاجه لمدة يومين كده اروح مكان جديد اغير جو اسيب المذاكره نهائيا ولا حتى اسأل عنها ولا الناس خدت ايه ولا عملت ايه
اصفى ذهنى تماما
بس لمدة يومين ولا تلاته مش لحد الامتحانات يعنى

ممكن انت تعمل كده
تقرأ قران يهديك ويهدى تفكيرك ويفك خنقتك
بعد كده تفكر براحه خالص تمسك المواد ماده ماده وتشوف ايه المطلوب من كل ماده وتعمل جدول منطقى
وتبدأ بعد ما تعمل الجدول علطول تذاكر مش تقول هبدأ من بكره
ابدأ بالمادة السهلة
ذاكرها كويس وواحده واحده هتلاقى اوهام صعوبة المادة اللى كان فى دماغك راح
هتلاقى الدنيا بقت زى الفل وانطباعك عن رخامة المواد راح
لان بجد رخامة المواد وصعوبتها احنا اللى بنعمله لاننا مش بنبقى فتحنا الماده ومسترخمينها كده وخلاص لانها مجهول بالنسبالنا
لكن لو بدأت تذاكر وبأيدك وتحد كام مسأله كده هتلاقى الدنيا ماشيه

بس اهم حاجه انك تعمل فاصل كده بين حالتك دلوقتى وبين المذاكره
وانت شوف الحل المناسب والطريقة اللى تخرجك من حالتك

يارب اكون افدتك

راي اسامه تمام جداااا
بس قرب من ربنا اكتر هتلاقي نفسك احسن كمان
وانت قولت مش لاقي حد يسمعك لو عايز تتكلم مع حد انا تحت امرك ابعتلي رساله خاصه وانا اديك الميل واتكلم ياعم براحتك

استعيذ بالله من الشيطان الرجيم وانا مع اقتراح اسامه بجد هو ده اللى هيخرجك من المود اللى انت فيه وياعم كلنا اصحابك عاوز
تفضفض فضفض براحتك امال احنا عاملين الموضوع ده ليه

انا مليت الحياه مفيهاش جديد ولا ايه؟؟؟