لكل اللي عايز شرح تصميم الرى

تذكير بمساهمة فاتح الموضوع :

على فكرة الموضوع ده حصري للمنتدى طبعا كلنا ضايعين في جزء الرى اللي بعد الميد ترم اللى هو التصميم طبعا وهو للأسف غاية في الاهمية الاول ده كان لعب بس لكن لما دخلنا الجد لقينا نفسنا مش فاهمين حاجة والبركة في دكتور طارق عمران الله يباركله ده دكتور دمااااااااااااااااااااااغ انا فكرت في الموضوع ده وفكرت في الصالح العام ورحت اتفقت مع دكتور من الدكاترة المحترمة في قسم الري والهيدروليكا واللى نصحنى بيه الباشمهندس محمد بيومى وقالى ده رقم واحد في الري على مستوى الكلية بالنسبة للشرح المهم اتفقت معاه وقالى تحت امرك وحدد معاد مع الدفعة وانا هجيلكم وصراحة طلع راجل محترم وانا ان شاء الله هحدد معاكم المعاد يوم الاربع وابلغه وان شاء الله هنفهم رى يعنى هنفهم ري بس الموضوع ده ودى ويا ريت دكتور طارق ما يعرفش اللى حصل ده
وعلشان الناس ما تعرفش اسمى من المنتدى علشان بس تبقو عارفني
انا زميلكم محمد خالدعلشان اللي عايز يسألنى او يتأكد منى بعد ما يقرا الموضوع

لو مش هيفع الدكتور ممكن نكلم باشمهندس محمد بيومي

يا جماعة اولا انا والله كلمت باشمهندس محمد بيومى وهو قالي روح لدكتور نبيل وهو افضل ولو ده في ضرر علي اللدفعة او هيزعل دكتور طارق عمر الدكتور نبيل ما كان هيوافق بالعكس ده هيخفف عن دكتور طارق وانا كمان كطالب حقي اخد سكاشن في مادة مهمة زى دى ده توضيح للناس اللي مش فاهمة الحوار

اولا باشمهندس محمد بيومى انا قلتله وعلشان هو مش فاضي قالي روح لدكتور نبيل ثانيا باشمهندس بيومى بالنسبة للرى حافظ بس مش فاهم قوى علشان ما تاخدوش في مقلب يعنى ثالثا اساس المادة في الجدول دكتور نبيل ودكتور طارق يعنى الجدول بيقول دكتور نبيل يدخل يشرح مش انا اللي بقول ومش بمزاج دكتور طارق ده حقنا ورسمي كمان

ياريت يا جماعة بسرعة

يا جماعة انا ما كملتش الموضوع النهاردة علشان مش عارف اصدق مين ومين الاغلبية اللي موافقين ولا اللى خايفين ومش موافقين وبيقولولى انت تتحمل المسئولية لو الدكتور جابلنا امتحان صعب في الفينال

ياجماعه لو جاب امتحان صعب واحنا فاهمين احسن مايجيب امتحان عادى واحنامش فاهمين
المهم نفهم سواء الدكتور نبيل او الببشمهندس بيومى او البشمهندس اللى قال عليه شيخ المهندسين
والبعدين الحوار مش عافيه يامحمد ياخالد لان لو رست على حقك ومش حقك يبقو الدكاتره هيخدمو بعض وفى الاخر مش هتستفاد شوفو الاستفاده فين ونعملها

والله يا باشمهندس مش قصدي عافية بس اقصد ان الناس خايفة من انها حتى تاخد جزء من حقها والمصيبة كل اللي يتكلم يقول ما هو بيكرر امتحانات وهيدينا درجات وحتى المشروع لغاه وهيديلك درجاته علي الجاهز يعنى بقي كل همهم الدرجات والناس المعترضة دى مفيش حد فيهم عايز يفهم عايزين تقدير بس وده غلط مع احترامى ليهم وانا قلتلهم لو جالنا امتحان صعب واحنا فاهمين احسن ما يجيلنا امتحان سهل واطلع مش فاهم حاجة كفاية ان في مادتين في تالتة تابعين للري اساسا يعنى لو ما فهمناش دلوقتى الموضوع يمكن مش هيقف علي السنة دى بس ده السنة الجاية ان شاء الله كمان والكلام ده سواء دخلت رى او اى تخصص تانى

انا مكنتش موجود النهارده وبصراحه انا معرفش ايه اللى تم بس احنا مش عاوزين نتنشن مع بعض على تفاهات المهم ان احنا عاوزين نفهم وخلاص انا بوقلك على زى ما انا فاكر ان العضو المحترم شيخ المهندسين كان بيقول انو عارف حد فاهم ممكن نتجمع كلنا ويشرحلنا ومالو لما زميل يشرحلك اكبر منك او اصغر وعاوزين بقى نبقى كبار فى التفكير شويه لو انت عارف شيخ المهندسين معرفه شخصيه كلمو فى الحوار اصل انا للاسف معرفش اى حد فى الكليه

شيخ المهندسين صاحبي وحبيبي لو حوار الدكتور ما نفعش انا هكلمه يجيب زميلنا ده والمصلحة واحد اننا نفهم بس

ماينفعش يا جماعة الكلام ده لان الدكتور ممكن ياخذ موقف

يا جماعه الدكتور عاد درس التصميم النهارده وبصراحه كان كويس وواضح انه سمع كلام فبلاش نحرجه ونحرج نفسنا اكتر من كده
الي محضرش يبقى هوه الي مقصر
واللي حضر ومش فهم فاعذورني يبقى مش كان مركز وبدماغه من البدايه انه مش ناوي يفهم اسااسا

اه ياجماعه فعلا الشرح كان تمام انهارده جدااا
وانا فهمته
هييييييييييييييييييييييه

لأ هو مش سمع كلام انا رحتله انا ومحمد عادل محمد عادل قاله احنا مش فاهمين حاجة هو قال طيب ايه الحل انا قلتله بعد اذن حضرتك نخلى باشمهندس بيومى يدخل يحل مسالة بالارقام علشان احنا ضايعين هو قالي خلاص انا هدخل احل مسائل بس انما ما حلش من نفسه غير لما احنا قلناله