كرسي الاعتراف

موضوع: كرسي الاعتراف الإثنين أبريل 05, 2010 1:37 am

تذكير بمساهمة فاتح الموضوع :

انا
حبيت اعمل موضوع متجدد كل يومين

كل يومين هنحدد عضو والعضو ده هيكون موجود على كرسى الاعتراف

لمدة اليومين دوول وكل الاعضاء ليهم الحق انهم
يدخلوا ويسالووه

والعضو ده ليه الحق فى
عدم الرد على سؤالين من كل الاسئلة اللى

هتتعرض عليييه سؤاليين بس كرسي الاعتراف - صفحة 4 7581fb01030ef04ce1c04f0943a6c1dc

كرسي الاعتراف - صفحة 4 7581fb01030ef04ce1c04f0943a6c1dc

اكيد الاجابات عايزنها بصراحة مطلقة يعنى
هنحطه على جهاز كشف الكذب كرسي الاعتراف - صفحة 4 SnipeR%20%2810%29

وبعد اليومين هيتم تحديد عضو تانى للاجابة

وهنبلغ
الاعضاء اللى عليهم الدور بالرسائل الخاصة علشان ميحصلش تاخيير عن اليومين

عايز
يبقى التوبيك لزيز ومليان صراحة واعترافات كتييير كرسي الاعتراف - صفحة 4 SnipeR%20%2863%29

كرسي الاعتراف - صفحة 4 SnipeR%20%2863%29

وانا هاحدد 3اعضاء وهيتم التصويت
على مين اللى هيكون الشخص الاول اللى هيكون
موجود

وبعدين
الشخص الى كان على الكرسى ليه الحق انه يختار اتلضحيه الى بعده

الموضوع ده منتشر فى كل المنتديات بس هنا
هيكون فى اختلاف كبير طبعا

ابالنسبه للثلاث اعضاء الى هنصوت عليهم
والعضو الى هياخد 6 اصوات ه الى هيكون على الكرسى

وانا متابع الموضوع ومش عايز لغبطه

لالالالالالالالالالالالالالا ياشيخ الهمندسين مش دي البدايه صبرا
بس ياعم رضوان اول حاجه
عرفنا بنفسك
اسمك
وسنك
وعنوانك
ورقم البطاقه وياريت يكون الرقم القومي ههههههههههه
ايه المفضل عندك
الاكله المفضله
المشروب المفضل
هواياتك

من اخر بطاقة تعارف بيك

خلي بالك دول تسخين جاوب ورجعلك
ويارب اكون خفيف عليك ولو تقيل هتجاوب بردوا
انا بهزر بس تجاوب
سلام مؤقت

شيخ المهندسين كتب:: طبعا عشان البشمهندس رضوان حبيب الكل فى المنتدى فنا هبدا بشوية اسئله صغيرين خالص

1
- من هو الشخص الذى ترتاح له عندما تراه ؟؟؟؟ ليس بشرط
ان يكون بداخل المنتدى
صديق ليا اسمه مصطفي

2- فارقت الحياة ام الحياة هى التى فارقتك ؟ اى التعبير
الذى يناسبك ولماذا؟
ولا ده ولا ده

3- ماهو الشىء الذى تحبه فى الطبيعة؟؟؟
البحر

4- تشعر بان بداخلك ميزة تميزك عن باقى البشر ما هى؟؟؟
مش عارف ولو فيا يبقي مش انا اللي اقولها الناس بتحكم علي بعضها

5- الفضول وحب الاستطلاع......هل تراهم ميزة ام
عيب؟؟؟ولماذا؟؟؟
من تدخل فيما لا يعنيه وجد مالا يرضيه دا بالنسبه للفضول
اما حب الأستطلاع حاجة تانيه في وجهة نظري بتنفع في اوقات كتيره

6- ما الموقف الذى افرحك داخل المنتدى ؟؟؟
تعارفي باشخاص جديدة ومحترمه

7- ما الموقف الذى احزنك داخل المنتدى ؟؟؟
حذف التوقيعات

8- شخصية تتاابع مواضيعها باستمرار ومواضيعها هادفة
دايما ..... من هو او من هى؟؟؟
المواضيع دايما متميزة وكل واحد بيعمل اللي عليه

9 - جملة تحب ان تقولها لنا دائما وتلح عليك؟؟؟
الحياة حلوة

10- اذا واجهت شخص هددك بشىء ويريدك ان تفعل ما يريد
ماذا تفعل؟؟؟
من مات دون نفسه فهو شهيد

11- هل ترى نفسك زوج مناسب او زوجة مناسبة من الان؟؟؟
مش انا اللي احكم بردو

12 - ماذا تفعل اذا مات احد والديك وهو غضبان عليك ؟؟؟
اهم الحاجات اللي حسيت بساعده بيها رضا والداي

13- هل انت متشائم ام متفائل؟؟؟ ما دليلك على ذلك؟؟؟
متفائل جداااااا
مفيش اكتر من اني كل سنة مقبول وماده والحياة بيييييييس

14 - الدنيا غدارة جداااااااااا ....مالشئ الذى غدر بك
ليس بشرط ان يكون حبيبك؟؟؟
صديق قديم ليا بس الحمد لله دلوقتي مبقاش فيه حاجة

15- قيم نفسك ؟؟؟ هل تستطيع الاجابة؟؟؟
مقدرش اجاوب عالسؤال دا
لو قيمت نفسي قيمه عاليه ابقي مغرور
لو قيمت نفسي بقيمة قليله اكون شخص حقير من داخلي

16- واخيرا كلمة تقولها لصاحب الموضوع

؟؟؟
يا ريت يتعمل قسم لكرسي الأعتراف وكل عضو يكون بموضوع جديد عشان الموضوع بعدين هيكبر وهيتلغبط

17-هل
تُقبّل رأس والديكِ صباح كل يوم
معملتهاش قبل كدا
بس كام مرة قليلين مع والدتي قبل كدا وممكن اتذكرهم

18-هل
تقوم بترتيب غرفتكِ وأغراضك الشخصية بنفسكِ ؟
هههههههههههههههههه انا اعذب واوضتي زي الفل لما اتجوز بقي هشوف حد يرتبها

osamcotreka كتب:: لالالالالالالالالالالالالالا ياشيخ الهمندسين مش دي البدايه صبرا
بس ياعم رضوان اول حاجه
عرفنا بنفسك
اسمك
رضوان علي رضوان علي
(رضوان علي)اس 2
وسنك
مواليد 30-6-1989

وعنوانك
8 ش المهندس محمد حسن - دله الفيوم

ورقم البطاقه وياريت يكون الرقم القومي ههههههههههه
2300091
ايه المفضل عندك
الاكله المفضله
البطاطس المقليه ممكن

المشروب المفضل
فيروز

هواياتك
زمان كان الباسكت والسباحه
دلوقتي اتطورت بقت البلاي استيشن والنت

من اخر بطاقة تعارف بيك
مش فاهمك ؟

خلي بالك دول تسخين جاوب ورجعلك
ويارب اكون خفيف عليك ولو تقيل هتجاوب بردوا

تشرف وتنور في اي وقت يا اسامه

انا بهزر بس تجاوب
سلام مؤقت

ايه ياجماعه محدش بيسال ليه هو مش في غيري طيب خد دول عقبال ما راجع تاني

بتقضي يومك ازاي من اول ماتضحي لحد ماتنام؟
مين اقرب الناس ليك في حياتك؟
مين ديما تقتنع لرئيه واي حاجه تستشيره فيها؟
لما تكون مضايق ومخنوق بتروح فين وبتتكلم مع مين؟
ايه اكتر حاجه تضايقك؟
ايه رايك في جامعتنا المحترمه وكليتنا العزيزه؟
دخلت هندسه ازاي رغبه ولا غصب مكتب التنسيق؟
ايه طموحاتك المستقبليه؟
حاجه كانت قدامك وندمت انك مش عملتها؟
قرار ندمت عليه وقرار تاني كنت سعيد انك عملته؟
يلا ياعم جاوب عقبال ما ارجع بشويه كمان
ههههههههههههههههه

osamcotreka كتب:: بتقضي يومك ازاي من اول ماتضحي لحد ماتنام؟
ابقي تعالي اقعد معايا وانت تعرف

مين اقرب الناس ليك في حياتك؟

مين ديما تقتنع لرئيه واي حاجه تستشيره فيها؟
مصطفي صاحبي

لما تكون مضايق ومخنوق بتروح فين وبتتكلم مع مين؟
و مصطفي

ايه اكتر حاجه تضايقك؟
الخيانة

ايه رايك في جامعتنا المحترمه وكليتنا العزيزه؟
الحمد لله علي كل حال
بس لو كنت اعرف بحالها كنت دخلت في اي حته تانيه احسن

دخلت هندسه ازاي رغبه ولا غصب مكتب التنسيق؟
رغبتي من زمان

ايه طموحاتك المستقبليه؟
الابداع في مجالي

حاجه كانت قدامك وندمت انك مش عملتها؟
الندم ملهوش لزمة طبعا
بس انا زعلان علي السنين اللي فاتت وقضتها غلط بدون هدف

ندخل بقي التخبطيط عشان المنتدي يتقفل
هههههههههههههههههههههه

يلا ياريس نوعيه جديده من الاسئله
ايه رايك في الاوضاع الحاليه حالنا وحال الدول العربيه؟
ايه نغيره فينا عشان نبقي احسن؟
ترشح مين رئيسك القادم؟وايه معايير اختيارك؟
ولوبقيت رئيس وزراء ايه اول قرار تاخده وايه الي مش عاجبك تغيره وايه اضافتك عشان ينصلح الحال؟
ايه رائيك في عضو مجلس الشعب الحالي؟
ايه رايك في جماعه الاخوان وانت شايف الي بيعملوه صح ولو غلط تنصح بايه؟
ايه رايك في المحافظ الحالي؟
ايش رائيك في التعليم؟
وايه افكارك من اجل التطوير في التعليم؟

طبعا عايز اجابتك من منطلق انك رجل سياسي ومتخفش لو حد قالك حاجه قولهم اسامه السبب
ههههههههههههههههههههههههههه

osamcotreka كتب:: يلا ياريس نوعيه جديده من الاسئله
ايه رايك في الاوضاع الحاليه حالنا وحال الدول العربيه؟
عايشين زي شعب باتجونيا علي رأي عمرو أديب

ايه نغيره فينا عشان نبقي احسن؟
كل حاجة

ترشح مين رئيسك القادم؟وايه معايير اختيارك؟
انا من انصار البرادعي وان شاء الله هعمل حاجة في حملته الأنتخابيه بس مش الفتره دي
معايير الأختيار : حاجات كتير مش هعرف احدد حاجات معينه

ولوبقيت رئيس وزراء ايه اول قرار تاخده وايه الي مش عاجبك تغيره وايه اضافتك عشان ينصلح الحال؟
مش هقبل

ايه رائيك في عضو مجلس الشعب الحالي؟
منافقين انتخبهم شعب هوائي

ايه رايك في جماعه الاخوان وانت شايف الي بيعملوه صح ولو غلط تنصح بايه؟
تفكير خاطىء لا يعرف ابعاده المشتركين فيه
جماعه تظهر للمشتركين فيها انها صغيره
بس فيها ايادي كبيرة جداااااا من بره البلد بتحرك اكبر الطاقات في مصر
وانا جربت بنفسي

ايه رايك في المحافظ الحالي؟
مش بتفرق كتير

ايش رائيك في التعليم؟
حلو اوي وعال العال ... عيب طلبه

وايه افكارك من اجل التطوير في التعليم؟
اللي بيفهم اكتر مني قال ومفيش حاجة بتتعمل

علي فكرة فيه جروب عالفيس بوك انا عامله مرشح نفسي فيه رئيس للجمهوريه وبينافسني فيه صاحبي مصطفي
https://www.facebook.com/group.php?gid=299273960612&ref=ts

بوص يا بشمهندس يمكن انا اعرف شكلك بس ومعرفش عنك اى حاجه غير كده وانت ولا تعرف شكلى ولا اى حاجه عنى بس ياريت مش يبقى فيه زعل انا مش كنت حابب ان ارخم ع الناس واسأل بس لما لقيت الكرسى اللى بيعد عليه مش مدلع فقلت ادخل واعمل واجب مع اللى اعد على الكرسى ومعلش هى جات فيك انت وياريت تبقى الاجابه بصراحه انا عندى متجاوبش احسن من انك تجاوب اجابه دبلوماسيه لان هنستفاد من تصرف بعض فى المواقف اللى هتتسأل فيها مش هطول عليك ندخل فى الاسئله

نبدا باسئلة خفيفة علشان الدكتور ميتخضش من
اولها
بس اتفاق من اولها
الصراحة ثم الصراحة

اسال انا بقى
اولا يا باشمهندس الكرسي مريح
حضرتك ولا نجيبلك واحد غيره
طيب شوية لب بقى على فول علشان القعد هتطول
حاجة
ساقعة اى حاجة اطلب اطلب ماحنا مقدرين حالة حضرتك

ههههههههه
نبدا
باسئلة خفيفة وتقليدية بس متتعودش على كدة
1-اولا قولنا بيانات البطاقة
يعنى اقصد الاسم كامل تاريخ الميلاد السكن بس مش عنوان يعنى احنا مش هنيجي
نزور حضرتك ههههههههه
2-عدد الاخوة والاخوات وسنهم
3-ايه اكتر حاجة
بتحب تعملها لما بتبقى متضايق؟
4-لاى مدى حضرتك راضي عن شخصية(راضوان)الحالية؟
5- ايه اكتر حاجة نفسك تغيرها فى حياتك ومش
قادر؟
6-ايه اغلى حلم فى حياتك والحمد لله حققته وحلم تانى لسه محققتوش؟
7-ايه
اكتر موقف محرج فى حياتك؟
8-ايه اكتر موقف كنت عايز تعيط فيه وانت وسط
الناس ؟
9-ايه اكتر موقف اتمنيت فيه انك تموت؟
10- لحظة تحول فى حياة(راضوان) كانت امتى؟
11-اوصفلنا شخصيتك
12-مين اقرب صديق ليك؟ و
تعرفوا من اد ايه؟ و عرفتوا بعض ازاى؟
13-اصحابك احسن من برة الكلية ولا
من الكلية؟
14-ايه الصفة اللى بتفضل انها تكون موجودة فى اصحابك؟ و
الصفة اللى بتكرهها بردو؟
15راضوان بعد سنين الكليه تفتكر هيكون
عامل ازاى؟
16-قولنا خططك المستقبلية ؟
17-ايه اكتر حاجة نفسك انك
تحققها فى المستقبل؟
18-ايش اكتر حاجة ندمت بعد ما عملتها؟ و ليه؟
19-امتى
بتحس بالوحدة؟
20-ايه اكتر حاجة بتستفزك؟
21-اية اكتر موقف خلاك
حزين؟
22-اية اكتر حاجة بتخليك مش راضى عن نفسك؟
23-الدعوة التي
تتمني من الله أن يستجيب لها ؟
24-شعورك نحو سنك وعمرك إلي عدا ؟
25-قدرت
تعرف أية هي مهمتك في الحياة ؟
26-بتقضى وقتك و يومك ف اية و ازاى ؟
27-اية
المواقع اللى بتدخلها على نت ؟
28-بتفكر فى اية الايام دى ؟
29-ايه
رايك فى الصداقة؟
30-ثقتك بنفسك تديها كام؟
31-لو قاعد مع اصحابك وجه
واحد معوق يارب يشيل عنه بس واحد صاحبك ضحك عليه لاى سبب وفى ناس بتعمل
كده المهم الراجل ده جه عندكم وبكى هتعمل ايه؟

33- باباك شغال ايه؟

35-لو
كنت من اهل الجنه(ويارب نكون اجمعين من اهلها) تتمنى مين يكون معاك؟
36-ايه
رايك فى دفعتنا عموما وايه رايك فى ولاد وبنات الدفعة كل على حدة؟
37-
فى
مقوله بيقولك ايه التعليم فى الصغر مثل النقش على الحجر ايه اللىراضوان
اتعلمه وهو صغير ولسه معلم معاه لحد دلوقتى؟
38-ايه الصفه اللى لو
لقيتها فى حد قدامك تشمئز منه؟
39-عمرك قولت لحد انا بكرهك فى وشه؟ وايه
اللى يدفعك انك تكره؟
40-لو ليك صاحب اوى وجبته عشان يشهد شهاده حق بس
للاسف خذلك موقفك هيكون ايه منه؟
41-بتقبل النصيحه من اللى اصغر منك؟
42-ممكن
تثق فى حد لدرجه انك تقوله نقطه ضعفك ولا حضرتك مش عندك نقط ضعف؟
43-لا
اسمع لا ارى لا اتكلم امتى تعمل كده؟
44-ايه اكتر حاجه ممكن تحرجك؟
ممكن
تخوفك؟
ممكن تجرحك؟
تنزل دمعتك؟
بتحب التحدى ؟
كده؟
45-ايه
اللى يخلى حضرتك ملان وطهقان وزهقان؟
46- اتضطريت انك تقعد مع حد مش
بتحبه هتتصرف ازاى؟
47-شعورك ايه لما حد يسالك سؤال وتعجز عن الاجابه؟
48-لو
معاك مصباح علاء الدين وقالك اطلب 3 طلبات هتطلب ايه؟
49-لو معاك 3
وردات تهديهم لمين؟
50-كلمنا شويه عن طفوله حضرتك يعنى اللى فاكره منها؟
د51-لو
حضرتك هتقول الكلمات دى هتكملها بايه
أصعب شئ إن
..................................................
أنا تعبت كتير بس
أكيد ..................................................
.......................................
اللى يبعيني
..................................................
.................................................. ..
مقدرش أستحمل
.................................................. .

أجمل حاجة
إنالواحد يحس .................................................. .
أنا
محتاج بجد إني .................................................. .
أنا
دلوقتي حالاً نفسي أكل
.................................................. .
أنا سعيد إني
عرفتك يا

.................................................

هاكتب الباقى متقلقش

اكمل بقى
52-بتهتم برأى الناس؟
53-لو فى
رساله هتكتبها موجهها للعالم كله هتكتب فيها ايه؟
54-ايه السؤال اللى
تحب الناس تسالهولك وتبقى فرحان وانت بتجاوب عليه؟
55-طيب سؤال كدة فى
النص عبيط انا زورى بيوجعنى جامد بقاله يومين ودلوقتى صوتي سابني اعمل
ايه؟ههههههه
56-ايه البلد اللى تحب تعيش فيها؟
57-لو حد ظالمك اوى
بتعمل ايه؟
58-ايه الموقف اللى يخلى راضوان يقول انا مش ينفع اكون مهندس؟
59-امتى
تدى الثقه وامتى تنزعها من اللى عطيتهاله؟
60-عمرك كنت انانى فى لحظه؟
61-لو
اصبحت مشهور تحب تكون مشهور بايه؟
62-تحب تكون القائد؟
63-ايه اكتر
برنامج بتحبه؟
64-ايه اكتر مرحله حضرتك بتحبها فى حياتك؟ وليه؟
65-مين
اللى تقدر تقول انه ليه الفضل فى حياتك بعد ربنا؟
66-بتعاقب نفسك ازاى؟

بتكافىء نفسك ازاى؟
67-ايه الحاجه اللى عملتها وقولت انا عبقرى؟
68-شايف
نفسك مميز عن غيرك بحاجه؟
69-شايف حضرتك بتقنع اللى قدامك؟
70-امتى
بتلجأ للصمت؟ شايف انه دايما حل ؟
71-ايه الحاجه اللى اتغيرت فيها
وفرحان انك اتغيرت؟
72-ايه الحاجه اللى مش قادر تغيرها فيك وزعلان انها
موجوده فى حضرتك؟
73-تدى كام فى الميه لنفسك فى الصفات دى؟
_الصدق
_
الكذب
_المجامله

_ العصبيه

_ خفة الدم

_الحقد
74-ايه
رايك فى الاعضاء التاليين

a7med.3zz

dodo
شيخ المهندسين
engineero
eng.
heba
osamcotreka
mado
ميرا
eng/sayed
innocent angel
basketman
روقة

-مين اقرب انسان ليك ولما بنحس بضيق بتحكيله
علي اللي مضايقك؟
76-اخر كلمة او نصيحة سمعتها وماثرة فيك جدا؟ ومن مين؟
77-مين
الشخص اللي لما يتكلم راضوان بيسكت ويسمع له بس؟ وليه؟
78-لما
بتزعل حد ممكن تروح تصالحه ؟او هل بتقدر تستحمل ان حد يزعل منك؟
79-اكتر
موقف ضايقك الايام اللى فاتت

نجاوب دول ونكمل علشان انا تعبت بجد انا عارف انك ممكن تكون اتخنقت منى بس انا عاوز الدنيا تولع والناس اللى مكسوفه تسأل دى تسأل وكويس انها جات فى ولد لان لسه الاسئله اللى زى الفل جايه

شوفت يارضوان عشان تعرف بس اني كنت طيب اوي معاك

mado كتب:: نبدا باسئلة خفيفة علشان الدكتور ميتخضش من
اولها
بس اتفاق من اولها
الصراحة ثم الصراحة
مش في كله يعني

اسال انا بقى
اولا يا باشمهندس الكرسي مريح
حضرتك ولا نجيبلك واحد غيره
طيب شوية لب بقى على فول علشان القعد هتطول
حاجة
ساقعة اى حاجة اطلب اطلب ماحنا مقدرين حالة حضرتك
كدا انا تحت امرك
ههههههههه
نبدا
باسئلة خفيفة وتقليدية بس متتعودش على كدة
1-اولا قولنا بيانات البطاقة
يعنى اقصد الاسم كامل تاريخ الميلاد السكن بس مش عنوان يعنى احنا مش هنيجي
انا قولتها قبل كدا بس عشان خاطرك بس هقولها تاني
الأسم : رضوان علي رضوان علي
تاريخ الميلاد : 30-6-1989
العنوان : دله - الفيوم

2-عدد الاخوة والاخوات وسنهم
اختين اكبر مني : 24 سنة و 21 سنة
واخ اصغر مني 15 سنة
وفيه رقية بنت اختي لاحسن تزعل يا دوب لسه مكمله سنة

3-ايه اكتر حاجة بتحب تعملها لما بتبقى متضايق؟
اقعد مع مصطفي او شريف اصحابي

4-لاى مدى حضرتك راضي عن شخصية(راضوان)الحالية؟
لأبعد الحدود راضي عن شخصيتي والحمد لله

5- ايه اكتر حاجة نفسك تغيرها فى حياتك ومش قادر؟
اذاكر بقي

6-ايه اغلى حلم فى حياتك والحمد لله حققته وحلم تانى لسه محققتوش؟
هو لسه مفيش احلام اتحققت يعتبر
والحلم اللي نفسي فيه انجح في عملي واعيش سعيد

7-ايه اكتر موقف محرج فى حياتك؟
موقف مش هنساه طول عمري بس مش هينفع احكيه

8-ايه اكتر موقف كنت عايز تعيط فيه وانت وسط الناس ؟
والدي كان بيعمل عمليه ومحدش كان يعرف صعوبتها غيره هو ووالدتي وعرفت وهو في العمليه بس الحمد لله قام بالسلامة

9-ايه اكتر موقف اتمنيت فيه انك تموت؟
بعد الشر عليا يا عم

10- لحظة تحول فى حياة(راضوان) كانت امتى؟
من فتره قريبه .. كام شهر تقريبا

11-اوصفلنا شخصيتك
اللي يعرفني يوصفني

12-مين اقرب صديق ليك؟ و تعرفوا من اد ايه؟ و عرفتوا بعض ازاى؟
اتنين : مصطفي وشريف
شريف اعرفه من ايام ابتدائي واعدادي وثانوي ودخل كليه غيري
مصطفي اعرفه من زمااااااان
ساكنين قريب مني

13-اصحابك احسن من برة الكلية ولا
من الكلية؟
بتوع الكليه مصلحه لكام سنة ويمكن ينسوني انما بره الكليه مش بيعرفك لمصلحته
في نفس الوقت فيه شخصيات اتعرفت عليها جوه الكليه وجدعان وبحترمهم جدا

14-ايه الصفة اللى بتفضل انها تكون موجودة فى اصحابك؟ والصفة اللى بتكرهها بردو؟
صفه بفضلها : المرح
صفه بكرهها : الأنانيه

15راضوان بعد سنين الكليه تفتكر هيكون عامل ازاى؟
في الجيش

16-قولنا خططك المستقبلية ؟
اخلص جيش الأول واقولك

17-ايه اكتر حاجة نفسك انك تحققها فى المستقبل؟
اكمل نص ديني

18-ايش اكتر حاجة ندمت بعد ما عملتها؟ و ليه؟
دخولي الكامفروج .. ضيعلي وقت كتير وأثر جامد في حياتي بالسلب اكتر من الإيجاب

19-امتى بتحس بالوحدة؟
لو حاسس ان اللي حوليا مش بيحبوني

20-ايه اكتر حاجة بتستفزك؟
واحد يعمل موقف نداله معايا والنداله انواع كتير

21-اية اكتر موقف خلاك حزين؟
موقف حصل يوم وفاة عمي الله يرحمه

22-اية اكتر حاجة بتخليك مش راضى عن نفسك؟
لما اكون مش حاسس برضا ربنا

23-الدعوة التي تتمني من الله أن يستجيب لها ؟
حسن الختام طبعا

24-شعورك نحو سنك وعمرك إلي عدا ؟
تقصد ايه ؟

25-قدرت تعرف أية هي مهمتك في الحياة ؟
الحمد لله عارفها

26-بتقضى وقتك و يومك ف اية و ازاى ؟
سؤال متكرر وكل يوم بظروفه مفيش حاجة بالظبط

27-اية المواقع اللى بتدخلها على نت ؟
ناسي و الفيس بوك ومزيكا تو داي وفي الجول ولعبه Imperion

28-بتفكر فى اية الايام دى ؟
في المشروع وامتحان الجيوديسيا طبعا

29-ايه رايك فى الصداقة؟
اللي ملهوش اصحاب يبقي مش عايش

30-ثقتك بنفسك تديها كام؟
10/10

31-لو قاعد مع اصحابك وجه واحد معوق يارب يشيل عنه بس واحد صاحبك ضحك عليه لاى سبب وفى ناس بتعمل كده المهم الراجل ده جه عندكم وبكى هتعمل ايه؟
مينفعش اسكت لأن اللي يضحك في موقف زي كدا انسان مهزأ ومعندوش احساس

33- باباك شغال ايه؟
كان في بنك ودلوقتي عمل معاش مبكر

35-لو كنت من اهل الجنه(ويارب نكون اجمعين من اهلها) تتمنى مين يكون معاك؟
زوجتي ان شاء الله واصدقائي

36-ايه رايك فى دفعتنا عموما وايه رايك فى ولاد وبنات الدفعة كل على حدة؟
دفعة الأغبياء
الولاد : فيهم رجاله واغلبهم مش تمام عايزين يظبطوا زوايا
البنات : مقدرش اغلط لاحسن اضرب بصراحه

37-فى مقوله بيقولك ايه التعليم فى الصغر مثل النقش على الحجر ايه اللى راضوان اتعلمه وهو صغير ولسه معلم معاه لحد دلوقتى؟
كان نفسي اكون لسه حافظ القرآن بس نسيته للأسف

38-ايه الصفه اللى لولقيتها فى حد قدامك تشمئز منه؟
خليهم صفتين : الكدب والنفاق
بلغتنا : الفشارين واللي بيكيسو بعض

39-عمرك قولت لحد انا بكرهك فى وشه؟ وايه اللى يدفعك انك تكره؟
عمري ما قلتها
لو ولد اللي يخليني اكرهه لو مش راجل ودي ليها معاني كتير
البنت : لو مش محترمه

40-لو ليك صاحب اوى وجبته عشان يشهد شهاده حق بس للاسف خذلك موقفك هيكون ايه منه؟
لو كدب في شهادته يبقي معرفهوش تاني احسن ولو جه يصالحني وكدا هقوله مفيش حاجة وعادي بس مش هتبقي معاملتي معاه زي الأول

41-بتقبل النصيحه من اللى اصغر منك؟
لو اللي اصغر مني عاقل

42-ممكن تثق فى حد لدرجه انك تقوله نقطه ضعفك ولا حضرتك مش عندك نقط ضعف؟
اكيد لكل واحد نقط ضعف واكيد ممكن اقولها لحد بس لو صديقي اوي

43-لا اسمع لا ارى لا اتكلم امتى تعمل كده؟
حاجات كتير لو مش حابب ادخل نفسي عشان مصغرش في نظر حد

44-ايه اكتر حاجه ممكن تحرجك؟ اطلب من حد مليش صله جامده بيه اي خدمة
ممكن تخوفك؟
ممكن تجرحك؟ خيانه حبيب او صديق
تنزل دمعتك؟ مش عارف
بتحب التحدى ؟ اكيد

45-ايه اللى يخلى حضرتك ملان وطهقان وزهقان؟
لو مفيش حاجات مطلوبه مني

46- اتضطريت انك تقعد مع حد مش بتحبه هتتصرف ازاى؟
هستحمله لحد معين وبعد كدا لو معندهوش دم يبقي ورايا مشوار فيما وراء البحار

47-شعورك ايه لما حد يسالك سؤال وتعجز عن الاجابه؟
بفكر في السؤال طبعا

48-لومعاك مصباح علاء الدين وقالك اطلب 3 طلبات هتطلب ايه؟
اول طلب هطلبه يدخل الجني جوه المصباح
تاني طلب انه يتكل علي الله ويروح
تالت طلب انك متسألنيش اسئلة كتيرة كدا تاني

49-لو معاك وردات تهديهم لمين؟
أمي
حبيبتي
رقية

50-كلمنا شويه عن طفوله حضرتك يعنى اللى فاكره منها؟
من بيبي كلاس لحد تالته ثانوي في مدرسة الراهبات دا اللي انا فاكره وعمري ما هنساه لحد ما زهقوني في المدرسه

د51-لوحضرتك هتقول الكلمات دى هتكملها بايه
أصعب شئ إن الواحد يتظلم
..................................................
أنا تعبت كتير بس
أكيد ...............هوووووووووصل..................
.......................................
اللى يبعيني
.................. ميلزمنيش ...........
.................................................. ..
مقدرش أستحمل
........................... الملل ......... .

أجمل حاجة
إنالواحد يحس ...................... بقلب ............ .
أنا
محتاج بجد إني ....................... أنام ............. .
أنا
دلوقتي حالاً نفسي أكل
............................من حظك اني لسه واكل بره قبل ما ارجع........ .
أنا سعيد إني
عرفتك يا

............ بشمهندس طبعا ........

هاكتب الباقى متقلقش
لا انا مش عايزك تكتب حراااااااااام عليك

mado كتب:: اكمل بقى
52-بتهتم برأى الناس؟
مش في كل الحالات ومش كل الناس

53-لو فى رساله هتكتبها موجهها للعالم كله هتكتب فيها ايه؟
اكتب عن ايه ولا مين

54-ايه السؤال اللى تحب الناس تسالهولك وتبقى فرحان وانت بتجاوب عليه؟
اي نقاش ليه علاقة بالنت والكمبيوتر

55-طيب سؤال كدة فى النص عبيط انا زورى بيوجعنى جامد بقاله يومين ودلوقتى صوتي سابني اعمل ايه؟ههههههه
اشرب فوار

56-ايه البلد اللى تحب تعيش فيها؟
اسكندريه

57-لو حد ظالمك اوى بتعمل ايه؟
هاخد حقي

58-ايه الموقف اللى يخلى راضوان يقول انا مش ينفع اكون مهندس؟
مفيش لأني لما نزلت موقع وعرفت ان الكليه ملهاش علاقة بالشغل

59-امتى تدى الثقه وامتى تنزعها من اللى عطيتهاله؟
حسب المواقف

60-عمرك كنت انانى فى لحظه؟
معتقدش ولو كنت اكيد مش بقصدي

61-لواصبحت مشهور تحب تكون مشهور بايه؟
بالعلم او السياسه

62-تحب تكون القائد؟
اكيد

63-ايه اكتر برنامج بتحبه؟
القاهره اليوم

64-ايه اكتر مرحله حضرتك بتحبها فى حياتك؟ وليه؟
الكليه ... خروجات وسفر ورحلات

65-مين اللى تقدر تقول انه ليه الفضل فى حياتك بعد ربنا؟
اهلي

66-بتعاقب نفسك ازاى؟
احرم نفسي من الناس

بتكافىء نفسك ازاى؟
سفر او خروج

67-ايه الحاجه اللى عملتها وقولت انا عبقرى؟
لما اخدت المركز الاول في تصميم المواقع علي مستوي المحافظة كنت حاسس بفرحه كبيره

68-شايف نفسك مميز عن غيرك بحاجه؟
أكيد بس مش انا اللي اقدر احدد تميزي

69-شايف حضرتك بتقنع اللى قدامك؟
في حالات كتير اه

70-امتى بتلجأ للصمت؟ شايف انه دايما حل ؟
لما اكون مخنوق من اللي معايا

71-ايه الحاجه اللى اتغيرت فيها وفرحان انك اتغيرت؟
الكامفروج والنت مبقوش زي الاول الحمد لله مش 24 ساعه

72-ايه الحاجه اللى مش قادر تغيرها فيك وزعلان انها موجوده فى حضرتك؟
قلتلك المذااااااااكرة

73-تدى كام فى الميه لنفسك فى الصفات دى؟
الصدق

الكذب 2-10
المجامله 6-10
العصبيه 8-10
خفة الدم 8-10
الحقد 0-10
اللي شايف تقييم غير كدا من حقه يقول لآن الحكم علي النفس دائما خاطيء

74-ايه رايك فى الاعضاء التاليين
a7med.3zz
صديق اتشرفت كتير بمعرفته

dodo
زميله ممتازة ومنورة المنتدي ومشرفانا دايما بوجودها

شيخ المهندسين
منورنا دايما بموضوعاته الجديده

engineero
شخصيه محترمه بس يا ريت يوصل للناس فكرته قبل ما يتصرف عشان محدش يزعل

eng.heba
المنتدي منور بوجودها طبعا

osamcotreka
حبيبي بس صوته عالي هو وحسام وايمن لما بنقعد نذاكر في المدرج فاضي

mado
واضح انك زي العسل بس لو تبطل الأسئلة الكتيرة دي

ميرا
مليش علاقه بيها بس واضح انها شخصيه محترمه جدا

eng/sayed
هتشرف بمعرفته
innocent angel
اخ ليا

basketman
ابو صقرررررررر حبيب الملايين وخليفه جوردن في ملاعب
NBA
رافع راسنا دايما وكل يومين في حته بيلعب ماتش في الاوليمبياد

روقة
شفت الأسم دا عالفيس بس مش عارف لحد دلوقتي دا ولد ولا بنت

-مين اقرب انسان ليك ولما بنحس بضيق بتحكيله علي اللي مضايقك؟
اصدقائي

77-مين الشخص اللي لما يتكلم راضوان بيسكت ويسمع له بس؟ وليه؟
مصطفي صاحبي

78-لما بتزعل حد ممكن تروح تصالحه ؟او هل بتقدر تستحمل ان حد يزعل منك؟
مقدرش استحمل اني اكون غلطان واكيد هروح اصالحه

79-اكترموقف ضايقك الايام اللى فاتت
محاضرة الجيوديسيا اللي فاتت

mado كتب:: نجاوب دول ونكمل علشان انا تعبت بجد انا عارف انك ممكن تكون اتخنقت منى بس انا عاوز الدنيا تولع والناس اللى مكسوفه تسأل دى تسأل وكويس انها جات فى ولد لان لسه الاسئله اللى زى الفل جايه

انت ولعت فيا انا وبعدين الناس هتتكسف من ايه يعني اللي بيكون في نفسه حاجة ما هيصدق يقولها في موضوع زي دا

osamcotreka كتب:: شوفت يارضوان عشان تعرف بس اني كنت طيب اوي معاك

دا انت طيب قوووي

a7med.3zz
صديق اتشرفت كتير بمعرفته

حبيبي يا رادوا ربنا معاك
الرجاله متوصين بيك اوي
بس انا بتفرج اهو
انتا حبيبي

الناس مظباطك يا رضوان ههههههههههههههههههههههه

ليه بتحب البحر ؟؟
مش لاقي اسئله ليك
الناس عامله احلي شغل

انا اسف فى التعبير احنا كده مدلعين اللى اعد على الكرسى انا كده شايف انو ملوش لازمه نمارس دور المشاهد على العموم انا بتراجع وهمارس دور المشاهد بردوا والا هبقى الشخص الرخم الوحيد اللى بسأل واكيد ده هيطلع على عينى فى يوم من الايام لان كما تدين تدان ولكل هذه الاسباب بفكر مدخلش كرسى الاعتراف تانى وبالاضافه مش شايف فيه الاكشن ولا الاثاره اللى معمول علشانو اصلا

ما تقلقش يا بش مهندس
اسال وانا معاك
الناس مشغوله في الامتحانات والمذاكره انت عارف بقي
هو انت اي واحد في الصوره هههههههههههههه

على اساس انى فى خدمه اجتماعيه ومش عندى امتحانات احنا هنضحك على البعض الراجاله لاجئين على المنتدى وبعدين انت معرفتش انا مين فى الصوره كده انا اذعل انت حاسس ايه؟؟؟

ايه ياعم التشريد بس
صوتنا عالي
حاضر المره جايه هيبقي اعلي

ماشي يارضوان دي اخرتها
ههههههههههههههههههههههههههههههه

eng.heba

المنتدي منور بوجودها طبعا

وعلشان خاطر الكلمتين الحلويين دول
استقبل

اكتر انسان او انسانه بتشكى له همومك؟[

[عندك اصدقاء ع النت بمثابه اخواتك؟ كم عددهم؟

اعظم شئ فقدته؟
اعظم جرح دفنته؟
اكتر شئ ندمت على فعله؟
تجربه مريت بيها ونفسك تكررها؟
اكتر شئ بيخوفك؟
]لو تخيلت نفسك قاعد مع اصحابك وسالتهم ايه هو اصعب شي بالحياة؟؟؟؟؟؟

الاول قال الموت اصعب شيء
الثانى قال الحب من طرف واحد
والثالت قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم

وانت هتقول ايه وهتايد مين وهترفض مين؟؟؟؟؟؟
نزار القبانى شاعر المرأه........وانت شاعر من ؟؟؟؟؟؟ بصراحه

12- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟ وتتمنى يكون ايه محتواها؟

كلمه اخيره .. بعد ان اصابك الملل..؟؟
__*_____*_____*______*____*___

__*_____*_____*______*____*___

1- من هو العضو اللى نفسك تخنقه ؟

2- من هو العضو اللي شايف حاله بنظرك ؟

3- من هو العضو اللي يستحق انه تقول عنه محبوب بين الاعضاء ؟

4-مين بنظرك بيعمل بجهد بالمنتدى ؟

5-مين مقصربالمنتدى بنظرك ؟

احتمال ارجع تانى

تقبل مرورى

وجاااااااااااااااااااااااااوب بصراحه

هههههههههههههههههههههههه
شيل يارضوان
والله كنت اطيب حد فيهم بس احتمال ع المساء ارجع بحاجه عشان الصوت العالي

ده صبرا لما اشوف ايمن وحسام يفكروا معايا في اسئله

انتظرونا قريبا في الاسواق

eng. heba كتب:: اكتر انسان او انسانه بتشكى له همومك؟
اتنين اكيد حبيبتي وصديقي

عندك اصدقاء ع النت بمثابه اخواتك؟ كم عددهم؟
كان عندي كتير بس قطعت معاهم مرة واحده وممكن اعتبرها نداله مني
اما عددهم مش هعرف اقول مين ولا مين بس ممكن اقول اقربهم كانوا في حدود 10 اصدقاء وكنا نعرف بعض قوي

اعظم شئ فقدته؟
صديق

اعظم جرح دفنته؟
جرح صديق ليا

اكتر شئ ندمت على فعله؟
دخولي برنامج الكامفروج (شات)

تجربه مريت بيها ونفسك تكررها؟
!!!

اكتر شئ بيخوفك؟
غضب ربنا

لو تخيلت نفسك قاعد مع اصحابك وسالتهم ايه هو اصعب شي بالحياة؟؟
الاول قال الموت اصعب شيء
الثانى قال الحب من طرف واحد
والثالت قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم

وانت هتقول ايه وهتايد مين وهترفض مين؟؟؟؟؟؟
بالنسبه للموت د حاجة مفروغ منها ولا يخافه الا العاصي
اما الحب من طرف واحد فأنا في نظري لا اعتبره حب لان الحب تبادل مشاعر واحاسيس بين طرفين
اما الجرح من حبيب حاجة ممكن تخلي الشخص يدمر فعلا ويتغير بس اكيد هيعيش مش هيموت
والحياة وحيداً اعتقد انها من اصعب الحاجات فعلا لأن الانسان اللي بيعيش من غير صديق ولا حبيب ليس له من الحياه إلا الهواء والشراب والماء وهذه ليست الحياة
اما لو الدنيا بعدتك عن الناس اللي بتحبهم فده لأنك اكيد وقفت تتفرج ومعملتش حاجة وهيرجع يندم ولا يفيد الندم

نزار القبانى شاعر المرأه........وانت شاعر من ؟؟؟؟؟؟ بصراحه
انا شاعر لأمرأة واحده

12- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟ وتتمنى يكون ايه محتواها؟
من احد اصدقائي اللي مش بشوفهم من ايام ثانوي
اكيد يقولي انه عاوز يشوفني

1- من هو العضو اللى نفسك تخنقه ؟
محمد شعبان

2- من هو العضو اللي شايف حاله بنظرك ؟
القاضي

3- من هو العضو اللي يستحق انه تقول عنه محبوب بين الاعضاء ؟
احمد عز

4-مين بنظرك بيعمل بجهد بالمنتدى ؟
شيخ المهندسين

5-مين مقصربالمنتدى بنظرك ؟
أسامة تريكة

احتمال ارجع تانى
هكون فرشت الموضوع ورد ان شاء الله
تقبل مرورى

وجاااااااااااااااااااااااااوب بصراحه

» (¯`v´¯)a7med.3zz(¯`v´¯) في كرسي الاعتراف..
» theghost على كرسي الاعتراف
» دودو على كرسي الاعتراف
» الفارس الملثم علي كرسي الاعتراف
» م/ احمد عويس على كرسي الاعتراف!!!!!