قال انيس منصور

اولا انا شخصيا معجب جدا بكتابات الكاتب انيس منصور بحس ان الراجل ده دماغه عالية بس قال حاجة جميلة علي اللي بييجي يتجوز ويدور علي عروسة قال
لا تأخذها طبيبة ولا مهندسة ولا محامية ولا مدرسة
انا رأيي معاه حق
يا ريت اسمع رأى الزملاء في نقاش جااااااااااااد

رأى شخصى ومتنفعش نصيحه

انا عن نفسى تشتغل اى حاجه بس يبقى اخرها 2 الظهر
تبقى مهندسه بقى دكتوره اى حاجه

ولان مينفعش اخد مهندسه او دكتوره واقيدها كده فأنا مش حابب ادخل السكه دى من اولها لكن مبدأ انك تبعد عن الدكتوره والمهندسه والمحاميه والمدرسه مرفوض وملوش اى معنى

ينقل لقسم الحوار

Mido EL Ashiry كتب:: لا تأخذها طبيبة ولا مهندسة ولا محامية ولا مدرسة

طيب انت كدة سيبتلنا ايه؟
بس تصدق عنده حق
الا المدرسة
دي حتى على طول تقولك غلط و يعاد
غلط
و
يعااااد

والله مش مهم هي بتشتغل ايه
المهم ان شغلها ميكونش مخليها مقصره في حق البيت والاولاد ان شاء الله وطبعا ان شغلها ميكونش بيعبها هي حتى لو كانت بتكابر وبتقول انا مبسوطة كده والشغل مريح

ييا جماعة خلينا واقعيين هى مش هتقطع نفسها وطبعا تحت مسمي تحقيق الذات عمرها ما هتقصر في شغلها وبما ان هى مش هينفع تعمل الاتنين علي اكمل وجه اكيد هتقصر في البيت وانا شفت ناس كتير فعلا كانو فاكرين انهم ممكن يوفقو بس مقصرين في بيوتهم جامد فعلا بشكل ملحوظ فكرة عمل المرأة مرفوضة لاسباب يطول شرحها اثبتتها دراسات من وقت قريب