للشباب فقط جاوبواغ بصراحة

مفيش معنى لكلمة ان بنت ليها تجربة عارفة ليه لأن البنت المفروض اللى يطلبها فعلا يروحلها لحد البيت غير كده البنت ما تتعاملش مع اى حد غير اللي يدخل البيت من بابه لكن تعيش تجربة وكده لأ صعبة وانا عن نفسي عمرى ما افكر في واحدة كان ليها تجربة والكلام ده لأن ما ينفعش اصلا البنت لازم تكون مصونة وما تكونش سهلة

ياريت كل الشباب رئيهم من رأيك يا باش مهندس ماكنش زمان حال الامة الاسلامية كده

وانا معاكم رغم ان السؤال للشباب ولكن بصراحه الموضوع شدني

وانا كمان معاكم مليون فى الميه بس الكلام دة بردو يطبق على الشباب لازم البنت تعرف اللى هترتبط بيه دة كان بيعمل ايه قبل كدة لانى بصراحة مقتنعة بالمقولة اللى بتقول اللى فيه طبع مش بيغيرو يعنى مش هيتغير ابدا

اكيد انا ضد ان اي شاب تكون ليه علاقة ببنت لنى مش هرضى ان البنت اللي هرتبط بيها تكون ليها علاقة بشاب تحت اى مسمي وكمان زى ما ده حقي عليها اكيد بردو حقها انها تكون اول واحدة في حياتى وما يكونش في علاقة بيني وبين حد قبلها لن المباديء مش بتتجزأ واللي يتطبق علي البنت لازم يتطبق علي الولد

[b][b]أنا لما وجهت السؤال ده كنت عايزه أسمع بس أراء الشباب بس بعد ماسمعتها أحب إني أقول رأئي .....إيه يعنى لما أتجوز إنسان له تجربة سابقة أنا شايفة إنها حاجة عادية بس أهم حاجة أعرف سبب بداية التجربة وسبب فشلها وأعرف هو كان جاني ولا مجني عليه يعني هو ماشي مع البنت لأنه كان عايز يتسلى بيها ويسبها ولا هو الظروف والقدر هما اللي حكموا عليه يسبها طيب لو الظروف والقدر ليه ابقي مع الزمن عليه ليه يتحكم عليه يخسر كل حاجة الحب ومستقبله إنه يبقي جوز وأب لمجرد إنه كان له علاقة قبلي وكمان أنا مش عارفة إيه سبب العلاقة دي مش يمكن كان مفتقد حاجة زي حب أهله وإنشاغلهم عنه مثلا فحب يعوض الحب المفقود في قرب إنسانة تحبه أعرف الأسباب بعدين أحكم[/b][/b]

اها بالنسبة للشاب عادى سواء في او لأ بس هو لو ناوى علي خير وانه يخطب يبقي ليه ما دخلش البيت من بابه ولو البنت اللي في علاقة بينهم هو فعلا بيحبها ازاى يستمر في العلاقة وهو شايف عيون الناس وكلامهم اكيد مش هيتكلمو عليها بشكل حلو وهو لازم يكون اول واحد يحافظ عليها ده لو بيحبها فعلا الشاب لما يحب واحدة لازم يطلبها من اهلها لو اقام اى علاقة معاها انا بعتبره انسان مش جاد والبنت بردو مفيش داعى اتكلم واوصفها لأن ده غلط وبعدين هى تضمن منين انه صادق ومش بيلعب بيها ولا اى بنت يجيلها شاب يقولها بحبك وعايز ارتبط بيكي تروح تعمل علاقة معاه علي طول لأ طبعا ده مش صح

بيحصل كتير خاصة في فترة الدراسة إن الولد بيصادق البنت ومينفعش إن يتقدملها لأنه مينفعش. بس فترة دراسة لبعض وطالما علاقة طاهرة وشريفة عادي حصل نصيب بينهم حصل ماحصلش وإتقدملي أنا مأقفش حكم بينه وبين انصيب والقدر .وكلامك علي فكرة جميل ورائع بس مابيحصلش إن كل الشباب لما بتحب بتتقدم علطول وفي شباب بتمشى مع البنات وبتبقي صادقة وجادة وفي شباب لأ من الأخر الدنيا بطيخة وكل واحد وحظه

هههههههه اولا جميله منك موضوع الدنيا زى البطيخه بس انا كنت بصراحه باسمعه على الزوجه بعد الجواز بس هيه تمشى برده على الدنيا انا متاسف لانى تدخلت بس حبيت فقط اقول رايى لان الموضوع لا غنى ان اى واحد يكون ملم بيه ويكون ليه رايه الشخصى فيه اولا حواركم شيق ولذيذ وبجد منتدى يعتبر ملتقى شبابى يعطى مساحه كبيره المجتمع لا يوفرها لتبادل الاراء بين الشباب ومعرفه الاراء الاخرى المهم طبعا للاسف اللى العلاقه اللى بنشوفها بين الولد والبنت نوعان علاقه غير متكافئه لانها يكون احد الاطراف غير صادق فى حبه ويكون هدفه هو مقالده الناس و اللعب معها اما الاخر فقد رائها اول مره واعجبته حقا والحب لا يعرف اين تجده فالبتالى يسرع اليها والعلاقه تكون هنا هيه علاقه معرفه كل شخص بالاخر حته يستطيع ان يلم بكل شى عنها وفى نيه كل واحد منهم ان يتموا هذا الحب بالنهايه السعيده وهو الزواج وهناك للاسف نوعا اخر من الشباب من يتمكن الحب من قلبه وللاسف لا يستطيع بمواجهه من يحبه ويسكنه بداخله خوفا من رهبه اللقاء بينهم او ان يفقد هذا الحب الذى عاش على امله او ان بداخله فكر اخر هو ان يتقدم الى البيت زى ما قال زميلنا محمد خالد
قد اطلت فعلا سامحونى لذلك بس الموضوع متميز ويحتاج الى مدى نقاش كبير من الجميع بدون اى خجل

هو فعلا يا باشمهندسة كلامك مقنع وفعلا الكلام دهلو فرضنا انه حصل معايا في الوقت الحالى يبقي فعلا مش هينفع اتقدم بس بردو عمرى ما هقيم علاقة معاها لازم احافظ علي شكلها وصورتها قدام الناس ده او انا استاهلها لو مش هفكر كده يبقي مش هستاهلها وبعدين هى هتضمن منين انا جاد ومش هاجى في الاخر اقول الاسطوانة بتاعة لسه هكون نفسي والظروف وشوفي حالك وكل شيء نصيب يعنى من الاخر ضحكت عليكي يعنى هي مش هتضمن انى جاد وده حقها لأن الغالبية مش بيكونو جد بيكونو بيتسلو خصوصا ان البنات رومنسية جدا واول ما يسمعو كلمه بحبك بيجيبو لورا علي طول زى ما بيقولو وكلام احمد حلو جدا ومرتب جدا وفعلا هو ده اللي بيحصل بالظبط النوع الاول كتير بيحصل التانى قليل جدا بس موجود انا شفته بعيني ابن عمى كان في هندسة المنيا واعجب بواحدة وصارحها وفضلو مع بعض خمس سنين واول ما اتخرجو اتخطبو واتجوزو علي طول النوع التالت نادر لأنه للأسف صعب يتم لأن لازم الطرف التانى يكون عارف علشان الامور تكون واضحة

باش مهندس مراقب عام أسفة بس مش عارفة إسم حضرتك توافق تتجوز واحدة كان ليها علاقة قبلك .ومعاك إن لازم يكون في صراحة

<STRONG>

الرد ف الموضوع ده لازم يختلف من شخصيه لشخصيه
بس عن نفسي هسامح لان برده لازم هيكون الراجل مر بتجربه
وليه بقا تكون هي مجبره انها تسامحه مع انه مش هيسامحها